ឆ្នាំជូត
រាសីល្អជាមធ្យម។
ការងារ ៖ នៅថ្ងៃនេះក្នុងរង្វង់គ្រួសាររបស់លោកអ្នកតែងមានការចាប់កំហុសគ្នាច្រើន ហើយទាល់តែចេះអត់ឱនឱ្យគ្នាទើបគ្មានបញ្ហាចម្រូងចម្រាសកើតឡើង។
ជំនួញ ៖ ធ្វើជំនួញអ្វីក៏តែងផ្តល់ផលល្អនិងមានការចម្រើនលូតលាស់ដោយទទួលផលសម្រេចគ្រាន់កក់ក្តៅ ត្រឡប់មកវិញ។
ស្នេហា ៖កំលោះក្រមុំមានដំណើររកាំចិត្តច្រើន ម្ល៉ោះហើយចូរប្រយ័ត្នជម្លោះវិវាទឈានដល់ការបែកបាក់៕
ឆ្នាំឆ្លូវ
រាសីស្រុតចុះ។
ការងារ ៖ នៅថ្ងៃនេះបើទោះបីដួងរាសីស្រុតចុះពិតមែន ប៉ុន្តែបើយើងធ្វើអ្វីមួយមានការសម្រេចចិត្តបានត្រឹមត្រូវនោះឃើញថាក៏តែងផ្តល់ផលល្អមកវិញដែរ។ការរស់នៅក្នុងផ្ទះសម្បែងងាយផ្ទុះជម្លោះវិវាទណាស់គប្បីមានការខន្តីនិងបើកចិត្តឱ្យទូលាយទើបភាពសុខដុមកើតមានទៅរួច។
ជំនួញ ៖ មុខជំនួញឆ្ងាយជិតមានការប្រែប្រួលពីល្អមកអាក្រក់ច្រើន ដូច្នេះគួរមានការប្រយ័ត្នប្រយែង ។
ស្នេហា ៖ កំលោះក្រមុំមានការប្រឆាំងនិងចង់ចាញ់ឈ្នះគ្នាច្រើន៕
ឆ្នាំខាល
រាសីខ្ពស់ត្រដែត។
ការងារ ៖ នៅថ្ងៃនេះដោយសារដួងរាសីឡើងខ្ពស់ហេតុនេះផ្តល់ផលល្អសម្រាប់លោកអ្នកមានគម្រោងការងារថ្មីៗដើម្បីជោគជ័យដល់ខែក្រោយ ។ការរស់នៅលោកអ្នកត្រូវចេះគ្រប់គ្រងអារម្មណ៍ខ្លួនឯងឱ្យបានល្អដោយមិនត្រូវប្រកាន់ចិត្តឆេវឆាវដោយពុំយកហេតុផលដាក់ខ្លួនប្រយ័ត្នចៃដន្យអាក្រក់ខ្លួនឯងត្រូវសោះប្រែជាខុស ហើយត្រូវមកក្លាយជាជនរងគ្រោះទៅវិញ។
ជំនួញ ៖ ប្រាក់កាសដែលធ្លាប់តែបោលហួសឬហោះរំលងពេលនេះអាចឈោងចាប់បានខ្លះៗវិញហើយ។
ស្នេហា ៖ កំលោះក្រមុំមានភាពផ្អែមល្ហែមនិស្រស់ស្រាយគួរជាទីកក់ក្តៅ ៕
ឆ្នាំថោះ
រាសីស្រុតចុះ។
ការងារ ៖ នៅថ្ងៃបើទោះបីដួងរាសីស្រុតចុះពិតមែន ប៉ុន្តែ លោកអ្នកអាចប្រកបការងារជឿនលឿនទៅមុខធម្មតាទេ។ការរស់នៅងាយជួបប្រទះនូវរឿងរាវច្រើន ហេតុនេះគប្បីមានការអត់ធ្មត់។ក្រៅពីនេះបើលោកអ្នកចង់ឡើងផ្ទះថ្មីឬចេញដំណើររថយន្តទៅណាមកណាក៏ចាត់ទុកថាមិនល្អប៉ុន្មាននោះដែរ។
ជំនួញ ៖ ជួបការលំបាកទាំងការជួញទីជិតឆ្ងាយហើយអ្នកខ្លះរកបង្គ្រប់ឆ្នាំងបាយសឹងមិនគ្រាន់ផង។
ស្នេហា ៖ ប្រុសស្រីមានភាពប្រែប្រួលប្តូរផ្លាស់ព្រោះជួនត្រូវរ៉ូវគ្នាជួនទាស់ទែងគ្នា៕
ឆ្នាំរោង
រាសីល្អជាមធ្យម។
ការងារ ៖ នៅថ្ងៃនេះដំណើរជីវិតរបស់លោកអ្នកជួបបញ្ហាលំបាកច្រើនបន្តិច ហើយទោះធ្វើអ្វីក៏ពុំហុចផលដូចជាទីគាប់ចិត្តដែរ។ក្រៅពីនេះតែងមានក្រុមមនុស្សតាមព្យាបាទយាយីហើយបើចេះអត់ធ្មត់មិនតបតដោយចិត្តត្រជាក់នោះក៏ជាការប្រសើរបំផុត។
ជំនួញ ៖ លោកអ្នកមិនគប្បីហក់លោតខ្លាំងពេកឡើយ ព្រោះផលចំណូលប្រមូលមកវិញមិនឆ្លើយតបដូចសេចក្តីប្រាថ្នាទេនិងស្រួលមិនស្រួលត្រូវចំណាយកម្លាំងឥតអំពើថែមទៀត។
ស្នេហា ៖ កំលោះក្រមុំកុំសូវលេងម៉េះម៉ោះច្រើននាំតែកើតជម្លោះវិវាទម្តងហើយម្តងទៀត៕
ឆ្នាំម្សាញ់
រាសីស្រុតចុះ។
ការងារ ៖ នៅថ្ងៃនេះដោយសារដំណើរជីវិតធ្លាក់ស្រុតចុះ ហេតុនេះគប្បីប្រយ័ត្នប្រយែងនិងមានចិត្តត្រជាក់ទើបប្រសើរ។ក្រៅពីនេះលោកអ្នកចូរប្រយ័តុ្នកើតជម្លោះជាមួយអ្នកដទៃដោយប្រការណាមួយផង។ការប្រកបការងារមានការជឿនលឿនទៅមុខតិចតួចតែការថយក្រោយនោះមានច្រើនគប្បីមានការប្រយ័ត្នប្រយែងបន្តិច។
ជំនួញ ៖ ទោះជួញទីជិតឆ្ងាយមិនថាផ្លូវគោកផ្លូវទឹកក្តីតែងហុចភោគផលគ្រាន់ជាទីកក់ក្តៅ តែយ៉ាងណាមិនគប្បីយកខ្លួនបៀតល្បែងស៊ីសងឡើយព្រោះនាំកើតឧបទ្រពចង្រៃការលក់ដូរមិនជឿនលឿនទៅមុខ។
ស្នេហា ៖ កំលោះក្រមុំមានការរកាំចិត្តនិងរឿងរាវរត់ចូលច្រើនដូចនេះឱ្យប្រយ័ត្នបញ្ហាជម្លោះវិវាទបន្តិច៕
ឆ្នាំមមី
រាសីល្អជាមធ្យម។
ការងារ ៖ នៅថ្ងៃនេះបើទោះបីលោកអ្នកធ្វើអ្វីគប្បីមានការប្រយ័ត្នប្រយែងក្នុងរឿងអ្វីមួយបន្តិចព្រោះថាបើសម្រេចចិត្តខុសនោះនាំឱ្យជួបស្ថានភាពលំបាកនាពេលក្រោយ។សម្រាប់បញ្ហាកិច្ចការងារក៏ដូច្នេះដែរត្រូវចេះយកចិត្តទុកដាក់ឱ្យបានខ្លាំងក្លានោះផ្លែផ្កាដែលផ្តល់មកវិញតែងឆ្លើយតបដូចជាទីពេញចិត្ត។
ជំនួញ ៖ បើចង់បោះទុនតូចធំឬចង់រកស៊ីចូលហ៊ុនជាមួយអ្នកដទៃត្រូវចេះត្រួតពិនិត្យឱ្យបានគ្រប់ជ្រុងជ្រោយបើពុំនោះទេអាចជួបផលអាក្រក់ណាមួយនៅថ្ងៃខាងមុខ។
ស្នេហា ៖ កំលោះក្រមុំកុំជ្រួលជ្រើមខុសបែបបទប្រយ័ត្ននាំក្តីទុក្ខលំបាកនាថ្ងៃខាងមុខចៀសមិនរួច៕
ឆ្នាំមមែ
រាសីស្រុតចុះ។
ការងារ ៖ នៅថ្ងៃនេះបើទោះបីដួងរាសីស្រុតចុះពិតមែន ប៉ុន្តែបើការប្រកបការងារមានការប្រយ័ត្នប្រយែងនោះតែងឆ្លើយផុតផលលំបាកទាំងពួងផងដែរ។
ជំនួញ ៖ ថ្ងៃនេះមានការរីកដុះដាលគ្រាន់គាប់ប្រសើរ ហើយការជួញទីជិតឆ្ងាយតែងហុចផលមកវិញជានិច្ច។ការធ្វើដំណើរទោះមិនមានអ្វីជាឧបសគ្គពិតមែនក្តីតែលោកអ្នកមិនត្រូវសេពគប់គ្រឿងស្រវឹងឡើយពិសេសអ្នកបើកបរតែម្តង។
ស្នេហា ៖ ប្រុសស្រីមានការប្រែប្រួលប្តូរផ្លាស់ព្រោះជួនត្រូវរ៉ូវគ្នាជួនទាស់ទែងគ្នា៕
ឆ្នាំវក
រាសីស្រុតចុះ។
ការងារ ៖ នៅថ្ងៃនេះលោកអ្នកធ្វើអ្វីក៏ដោយតោងតែប្រយ័ត្នប្រយែងនិងធ្វើអ្វីត្រូវមានចិត្តត្រជាក់ដោយមិនត្រូវយកកំហឹងទល់កំហល់ជាដាច់ខាត។ក្រៅពីនេះលោកអ្នកខ្លះអាចទទួលរងការនឿយហត់ហួសពីការគិតទុកទៀតផង។
ជំនួញ ៖ ពេលនេះមុខជំនួញឆ្ងាយជិតមានការប្រែប្រួលពីល្អមកអាក្រក់ច្រើន ដូច្នេះគួរមានការប្រយ័ត្តប្រយែងឱ្យបានខ្លាំងក្លាពិសេសគ្រោះចាញ់បោកគេតែម្តង។
ស្នេហា ៖ កំលោះក្រមុំជួបភាពប្រទាំងប្រទើសនិងប្រឆាំងគ្នាច្រើនព្រោះម្នាក់ៗយកភាពមានះដាក់ខ្លួន៕
ឆ្នាំរកា
រាសីល្អជាមធ្យម។
ការងារ ៖ នៅថ្ងៃនេះដំណើរជីវិតរបស់លោកអ្នកស្ថិតនៅលើផ្លូវរដិបរដុបនិងមានបញ្ហាច្រើន ម្ល៉ោះហើយធ្វើអ្វីក៏តែងមិនទទួលផលប៉ះពាល់នាំជួបការលំបាកច្រើននោះដែរ។សម្រាប់ឆ្លងដល់សប្តាហ៍ ខាងមុខនេះដួងរាសីមិនសូវល្អប្រសើរប៉ុន្មានទេពិសេសស្ត្រីទទួលរងគ្រោះយាយីច្រើនចំពោះមុខគប្បីមានការប្រយ័ត្នប្រយែង។
ជំនួញ ៖ មុននឹងចង់ចុះទុនអ្វីមួយត្រូវចេះគិតគូរឱ្យបានច្បាស់លាស់សិនមុនអនុវត្តជាក្រោយទើបអាចទទួលផលសម្រេចខ្ពស់។
ស្នេហា ៖ កំលោះក្រមុំមានភាពងាយទាំងជូរចត់និងងាយទាំងជម្លោះវិវាទ៕
ឆ្នាំច
រាសីស្រុតចុះ។
ការងារ ៖ នៅថ្ងៃនេះបើទោះបីធ្វើអ្វីត្រូវមានចិត្តត្រជាក់ ហើយបើចង់ធ្វើកិច្ចការអ្វីសំខាន់រង់ចាំដល់ថ្ងៃដួងរាសីខ្ពស់ក៏ប្រសើរផងដែរ។
ជំនួញ ៖ ការបោះទុនអ្វីមួយត្រូវធ្វើដោយសន្សឹមៗបានហើយកុំបំបោល ព្រោះបើហ៊ានចំណាយទុនធំតែងពុំផ្តល់ផលល្អដូចជាទីគាប់ចិត្តឡើយ។ ការធ្វើដំណើរឆ្ងាយជិតជួបភាពប្រទាំងប្រទើសនិងមានបញ្ហាចោទច្រើនម្ល៉ោះហើយគប្បីមានការប្រយ័ត្នប្រយែង។
ស្នេហា ៖ បកំលោះក្រមុំកើតមានដំណើរប្រឆាំងគ្នាច្រើនហើយពិសេសងាយផ្ទុះរឿងរាវតូចធំដែលរកនឹកស្មានមិនដល់ផង៕
ឆ្នាំកុរ
រាសីខ្ពស់ត្រដែត។
ការងារ ៖ នៅថ្ងៃនេះបើទោះបីដួងរាសីល្អប្រសើរពិតមែនក្តី ប៉ុន្តែទោះធ្វើអ្វីលោកអ្នកតោងតែប្រយ័ត្នប្រយែងផងដែរពីព្រោះថាផលជាផ្លែផ្កានោះមិនងាយបានដូចគាប់បំណងប៉ុន្មាននោះទេ។
ជំនួញ ៖ បើមានញាតិមិត្តបបួលធ្វើអ្វីមួយឬត្រួសត្រាយឱ្យប្រកបរបររកស៊ីជួញដូរតែងហុចផ្លែផ្កាគួរជាទីពេញចិត្តតែយ៉ាងណាក៏ត្រូវប្រុងប្រយ័ត្នព្រោះយីអ៊ុនរបស់អ្នកក៏ស្ថិតនៅក្នុងគ្រោះចាញ់បោកគេដែរ។ការធ្វើដំណើរទីជិតឆ្ងាយជួបសេចក្តីសុខដុមដូចសព្វមួយដង។
ស្នេហា ៖ កំលោះក្រមុំមានភាពផ្អែមល្ហែមនិងស្រស់ស្រាយប្រពៃណាស់៕