ភ្នំពេញ៖ ករណីហិង្សាទាស់សម្ដីគ្នា បណ្ដាលឲ្យបុរសម្នាក់ ជាអ្នកដឹកជញ្ជូនអីវ៉ាន់ខៀវភ្នែក បន្ទាត់ពីចូលជួយឃាត់គេ ត្រូវគេវាយ ហេតុការណ៍នេះ បង្កឲ្យមានការភ្ញាក់ផ្អើលកាលពីវេលាម៉ោង១០ និង២០នាទីយប់ ថ្ងៃទី២៣ ខែមិថុនា ឆ្នាំ២០២០ ត្រង់ចំណុចភ្នែងស្ដុកនាងគង្ហីង ទីតាំងស្ថិតតាមបណ្ដោយផ្លូវ២១៧ ក្នុងសង្កាត់អូរប្ញស្សីទី៣ ខណ្ឌ៧មករា រាជធានីភ្នំពេញ។
បើយោងតាមប្រភពពីជនរងគ្រោះ បានប្រាប់ឲ្យដឹងថា មុនពេលកើតហេតុ ជនបង្កជាម្នាក់ រត់ម៉ូតូកង់បីឥណ្ឌា ដោយមានបក្ខពួកគ្នា២នាក់ និងគាត់ធ្លាប់ស្គាល់គ្នា ដោយបានទិញស្រាបៀរមួយយួរយកមកផឹក ស្រាប់តែមិនទាន់បានផឹកជាមួយគ្នាផង បានទាស់សម្ដីគ្នា ដោយជនរងគ្រោះឃើញហេតុការណ៍បែបនេះ ក៏បានចូលទៅឃាត់ និងទាត់កំប៉ុងស្រាបៀរ ស្រាប់បុរសម្នាក់ជាម្នាក់រត់ម៉ូតូកង់បីឥណ្ឌា ហក់វាយបណ្ដាលឲ្យខៀវភ្នែកម្ខាង ពេលនោះក៏មានគ្នាជនរងគ្រោះ២នាក់ បានមកដល់ ខណៈនោះជនបង្កបានដើរចេញពីកន្លែងកើតហេតុអស់បាត់ទៅ។
ក្រោយពេលកើតហេតុ សមត្ថកិច្ចក៏បានចុះមកដល់ចំណុចកើត បានធ្វើការសាកសួរ ទៅលើកភាគីជនរងគ្រោះ ក៏បានដាក់ពាក្យបណ្ដឹងនៅប៉ុស្ដិ៍ ដើម្បីចាត់ការទៅតាមផ្លូវច្បាប់៕ ដោយ៖ភត្រា និងសាម៉េត