ការចាប់ផ្តើមថ្មីនឹងធ្វើឱ្យអ្នកទេសចរឈានដល់កម្ពស់ នៃបទពិសោធន៍ថ្មីដោយនាំយកពួកគេចម្ងាយ ១០,០០០ ហ្វីត ចូលទៅក្នុងលំហរបរិយាកាសហ៊ុមព័ទ្ធ តាមរយៈយានជំនិះមានសម្ពាធ ដែលភ្ជាប់ទៅនឹងប៉េងប៉ោងដ៏ធំមួយ។
អវកាសទស្សនវិស័យបានប្រកាសកាលពីថ្ងៃព្រហស្បតិ៍ពីការអភិវឌ្ឍនៃ ‘Spaceship Neptune’ របស់ខ្លួន ដែលផ្ទុកមនុស្ស ៩ នាក់ និងបារខ្នាតតូចដែលទាំងអស់នេះនឹងត្រូវបានដាក់នៅតាមបង្អួចធំៗ ។
ការកម្សាន្តនេះ នឹងផ្តោតលើបរិយាកាសរយៈពេល ២ ម៉ោង បន្ទាប់មក វានឹងហោះឆ្លងកាត់មហាសមុទ្រអាត្លង់ទិក រយៈពេល ២ ម៉ោងទៀត។
ជើងហោះហើរសាកល្បងគ្មានមនុស្សបើក នឹងចាប់ផ្តើមនៅដើមឆ្នាំ ២០២១ ហើយក្រុមហ៊ុនសង្ឃឹមថា នឹងលក់សំបុត្រចាប់ផ្តើមនៅឆ្នាំ ២០២៤ ប៉ុន្តែ សំបុត្រអាចមានតម្លៃប្រហែល ១២៥.០០០ ដុល្លារ។
គម្រោងការអវកាសនេះ គឺជាការចាប់ផ្តើមថ្មីមួយដែលបង្កើតឡើងដោយ Jane Poynter និង Taber McCallum ដែលកាលពីមុន ជាសហស្ថាបនិកអង្គការទស្សនៈពិភពលោក ដែលជាក្រុមហ៊ុនដាក់ឧបករណ៍ចាប់សញ្ញានៅផ្នែកដែលភ្ជាប់ទៅនឹងប៉េងប៉ោង ដើម្បីចាប់យករូបភាពអវកាស។ ហើយពួកគេកំពុងប្រើគំនិតនេះដើម្បីបញ្ជូនមនុស្សទៅកាន់ទីអវកាស។
គេហទំព័រ Space Perspective បាននិយាយថា៖ «ជាលើកដំបូងហើយ ដែលយើងអាចធ្វើឱ្យភាពរំភើបនៅក្នុងលំហអាកាស អាចចូលដំណើរការបានសម្រាប់អ្នកអ្នករុករករបស់យើងប្រកបដោយសុវត្ថិភាព និងផាសុកភាពជាមួយនឹងតម្រូវការរាងកាយតិចតួចបំផុត និងសាមញ្ញដូចជាជិះយន្តហោះជាដើម» ។
Spaceship Neptune បានហោះចេញពីដីចម្ងាយប្រហែល ១០,០០០ ហ្វីតដែលអនុញ្ញាតឱ្យភ្ញៀវទេសចរអាចចាប់យកទេសភាពដ៏អស្ចារ្យ។ ការធ្វើដំណើរទាំងមូលគឺ៦ម៉ោង – ២ម៉ោងដើម្បីឈានដល់រយៈកម្ពស់ជាក់លាក់, ២ម៉ោងនៅក្នុងបរិយាកាស និងបន្ទាប់មកចុះ២ម៉ោងត្រឡប់មកផែនដី។
ក្រុមហ៊ុនថ្មី Space Perspective មានគោលបំណងបញ្ជូនអតិថិជនដែលបង់ប្រាក់ និងស្រាវជ្រាវ ទៅការិយាល័យនៅលើលំហរអាកាស Spaceship Neptune ដែលជាកន្លែងដាក់សម្ពាធលើប៉េងប៉ោង ដែលគ្រោងនឹងធ្វើការហោះហើរសាកល្បងលើកដំបូងនៅដើមឆ្នាំក្រោយ ២០២១៕
ប្រែសម្រួល៖ លឹម ហុង (ប្រភព៖ Daily Mail)
<iframe width=”602″ height=”364″ src=”https://www.youtube.com/embed/9KNfqF6eJws” frameborder=”0″ allow=”accelerometer; autoplay; encrypted-media; gyroscope; picture-in-picture” allowfullscreen></iframe>