ក្រុងព្រះសីហនុ៖ មន្ត្រីក្នុងក្រុមការងារ អូរ ប្រឡាយខេត្តព្រះសីហនុប្រាប់ថា នៅព្រឹកថ្ងៃ២៥ ខែមិថុនា ឆ្នាំ២០២០ អាជ្ញាធរបានចុះរុះរើលំនៅដ្ឋានប្រជាពលរដ្ឋមួយចំនួន ដែលអាជ្ញាធរអះអាងថាសង់លើអូរ នៅជាប់របងកំពង់ផែស្វយ័តក្រុងព្រះសីហនុ ក្នុងភូមិ ៣សង្កាត់លេខ ៣ក្រុងព្រះសីហនុ ដើម្បីកាយបើកផ្លូវទឹកនៅតំបន់នោះ។
បើតាមមន្ត្រីថា ការរុះរើនេះធ្វើឡើងចំពោះតែផ្ទះមួយចំនួនដែលអាជ្ញាធរបានជូនដំណឹងដល់ពលរដ្ឋជាម្ចាស់ផ្ទះមានផលប៉ះពាល់ដីអូរតែប៉ុណ្ណោះ ចំណែកលំនៅដ្ឋាននិងសំណង់ផ្សេងទៀតដែលនៅជាប់ផ្លូវជិតគ្នានោះ មិនមានការរុះរើទេ៕ ដោយ៖កូឡាប
