កងនាវាជើងទឹកស្រីលង្កា ខណៈកំពុងល្បាតតាមទម្លាប់របស់ពួកគេ នៅពេលនោះពួកក៏បានប្រទះឃើញអ្វីៗចម្លែកដ៏ធំមួយ កំពុងអណ្តែតភ្លីងភ្លើងក្នុងទឹក នៃឆ្នេរសមុទ្រ North West ហើយហាក់ដូចជាកំពុងតស៊ូនឹងជីវិត ខណៈចរន្តទឹកបោកបក់ខ្លាំង ។
អ្វីដែលធ្វើពួកគេភ្ញាក់ផ្អើល ដ៏ពុំនឹកស្មានដល់ គ្រាឃើញសត្វដំរីដ៏ធំ១ក្បាល កំពុងត្រូវបានចរន្តបោកបក់ទៅឆ្ងាយពីឆ្នេរចម្ងាយ ១០ ម៉ៃល៍ ។ នៅពេលដឹងការពិត កងនាវាចរ ក៏បានចាត់កម្លាំងភ្លាមៗ ដើម្បីចុះទៅជួយសង្គ្រោះវា ។
ពួកគេជឿជាក់ថា សត្វដំរីនេះដែលកំពុងតស៊ូនឹងជីវិតនៅក្នុងមហាសាគរដ៏ល្វឹងល្វើយ បន្ទាប់ពីវាត្រូវបានចរន្តទឹកដ៏ខ្លាំងក្លា អូសនាំឲ្យទៅកណ្តាលសមុទ្រ ។
ប្រមោយរបស់វា ត្រូវបានឃើញលើកផុតពីផ្ទៃទឹក ដើម្បីដកដង្ហើម ខណៈក្រុមសង្គ្រោះប្រឹងប្រែងយ៉ាងយកចិត្តទុកដាក់ ដើម្បីសង្គ្រោះសត្វដំរីដែលកំពុងតែអស់សង្ឃឹមនេះ ។ ហើយទីបំផុត ពួកគេបានប្រើប្រាស់ខ្សែពួរទាក់ខ្លួនរបស់វា និងទាញទៅកាន់ច្រាំងវិញដោយជោគជ័យ ។
ខណៈពេលនោះផងដែរ ក្រុមមន្ត្រីសត្វព្រៃក៏បានមករង់ចាំនៅឯច្រាំងសមុទ្រ ដើម្បីធ្វើការត្រួតពិនិត្យរបួស និងថាតើវាមានបញ្ហាសុខភាពដែរ ឬទេ មុនពេលព្រលែងវាចោលទៅក្នុងព្រៃវិញ ៕ ចន្ទី
