ខេត្តស្វាយរៀង ៖ ម៉ូតូ និងម៉ូតូជល់គ្នាបណ្តាលអោយស្លាប់១នាក់របួស២នាក់ ហេតុការណ៍បានកើតឡើងនៅយប់ថ្ងៃច័ន្ទ១៣កើតខែមាឃឆ្នាំរកា នព្វស័ក ព.ស២៥៦១ត្រូវនិងថ្ងៃទី២៩ខែមករាឆ្នាំ២០១៨ វេលាម៉ោង០១ និង០៥នាទី នៅចន្លោះគីឡូម៉ែត្រលេខ១៦៥-១៦៦ ស្ថិតក្នុងភូមិបាវិតកណ្ដាលសង្កាត់ក្រុងបាវិតខេត្តស្វាយរៀង។
សមត្ថកិច្ចបានឱ្យដឹងថា៖ មានករណីគ្រោះថ្នាក់ចរាចរណ៌មួយកើតឡើងរវាងម៉ូតូ និងម៉ូតូក្នុងទិសដៅបញ្ច្រាស់ទិសគ្នាពីកើតទៅលិចដោយម៉ូតូមួយគ្រឿងម៉ាក វ៉េវ ពណ៌ខៀវ ផ្លាកលេខ 70L9 4679បើកបរដោយឈ្មោះ វិន ចិន្ដា ហៅ ក្រួច ភេទប្រុស អាយុ ២៧ ឆ្នាំ ជនជាតិខ្មែរមុខរបរ ចុងភៅ នៅកាស៉ីណូថាយថិន មានទីលំនៅ ភូមិច្រកលាវ សង្កាត់ បាវិត ក្រុង បាវិត ខេត្ត ស្វាយរៀង(គ្មានពាក់មួកសុវត្ថភាពម៉ូតូគ្មានដាក់កញ្ចក់មើលក្រោយ) បណ្ដាលអោយស្លាប់នៅនឹងកន្លែងកើតហេតុបាន បើកបរពីកើតទៅលិចលុះមកដល់ចំណុចកើតហេតុខាងលើ ក៏ បានបុកប៉ះនិងម៉ូតូមួយគ្រឿងម៉ាក វ៉េវ ពណ៌ប្រផេស គ្មានស្លាកលេខ បើកបរ ដោយឈ្មោះ កង សុខជា ភេទប្រុស អាយុ ២០ ឆ្នាំជនជាតិខ្មែរ មុខរបរ មិនពិតប្រាកដ មានទីលំនៅ ភូមិ ត្រពាំងផ្លុង សង្កាត់បាទី ក្រុងបាវិត ខេត្ត ស្វាយរៀង (គ្មានពាក់មួកសុវត្ថភាពនិងម៉ូតូគ្មានដាក់កញ្ចក់មើលក្រោយ) បណ្ដាលអោយរងរបួសធ្ងន់ត្រង់ក្បាលនិងអ្នករួមដំណើរ០១នាក់។ ប្រភពដដែលបានឱ្យដឹងទៀតថា៖ ជនរងគ្រោះជាអ្នករួមដំណើរ ដែលរងរបួសមានឈ្មោះ ម៉ី សារ៉ា ភេទប្រុស អាយុ១៨ ឆ្នាំជនជាតិខ្មែរមុខរបរ មិនពិតប្រាកដ មានទីលំនៅភូមិ ត្រពាំងផ្លុង សង្កាត់បាទី ក្រុង បាវិត ខេត្ត ស្វាយរៀង (គ្មានពាក់មួកសុវត្ថភាព)បណ្ដាលអោយរងរបួសបាក់កជើងខាងស្ដាំ។
បច្ចុប្បន្នអ្នករងរបួសទាងំពីរនាក់ត្រូវបានក្រុមគ្រួសារបញ្ជួនទៅមន្ទីពេទ្យខេត្តស្វាយរៀង ចំណែកសាកសពត្រូវបានសមត្ថកិច្ចយើងធ្វើកំណត់ហេតុប្រគល់ជូនក្រុមគ្រួសារយកទៅធ្វើបុណ្យតាមប្រពៃណី។ រីឯវត្ថុតាងទាំងពីរគ្រឿងសមត្ថកិច្ចយកមករក្សាទុកបណ្ដោះ អាសន្ននៅប៉ុស្តិ៍នគរបាលរដ្ឋបាលសង្កាត់បាវិត ដើម្បីបំពេញសំណុំរឿងតាមនីតិវិធីច្បាប់៕ វ៉ៃកូ
