ថ្មីៗនេះ នារីជាសិស្សម្នាក់អាយុ ២១ ឆ្នាំ នៅក្នុងប្រទេសវៀតណាម បានសម្រេចធ្វើអត្តឃាត ដែលគេសង្ស័យថា អាចដោយសាររងភាពអាម៉ាសខ្លាំង បន្ទាប់ពីរូបភាពជាច្រើនរបស់នាង និងគ្រូបង្រៀនវ័យចំណាស់ជាគូស្នេហ៍ ត្រូវបានបែកធ្លាយនៅលើបណ្តាញសង្គម ដែលធ្វើឲ្យមហាជនរិះគន់យ៉ាងចាស់ៗដៃ។
យោងតាមគណនីហ្វេសប៊ុកឈ្មោះ LA បានបញ្ជាក់ប្រាប់ឲ្យដឹងថា បច្ចុប្បន្ននេះ នារីរងគ្រោះកំពុងស្ថិតក្នុងស្ថានភាពធ្ងន់ធ្ងរ និងកំពុងត្រូវបានសង្គ្រោះនៅក្នុងមន្ទីរពេទ្យទូទៅ Da Lat។ ទន្ទឹមនេះផងដែរ ប្រុសស្នេហ៍របស់នាង គ្រូបង្រៀនឈ្មោះ NVT ក៏ត្រូវបានហាមដាច់ខាត មិនឲ្យទាក់ទងគ្រួសាររបស់នាងឡើយ។
គណនីខាងលើ នៅបានឲ្យដឹងទៀតថា នៅពេលនេះនារីរងគ្រោះឈ្មោះ TPN បានដឹងខ្លួនហើយ ខណៈដែលលោក NVT បានគេចខ្លួន និងសូម្បីតែនៅលើហ្វេសប៊ុករបស់គាត់ ក៏បានលុបចោលរូបថតផ្អែមល្ហែមទាំងអស់របស់ពួកគេ ដោយក្នុងនោះរួមទាំងពិធីភ្ជាប់ពាក្យ និងសំបុត្រលែងលះជាមួយអតីប្រពន្ធ។
រឿងរ៉ាវស្នេហារវាងគ្រូ និងសិស្សនេះ បានកើតឡើង គឺនៅពេល TPN រៀននៅថ្ងៃទី៩ (អាយុ ១៥ ឆ្នាំ) ត្រូវបានគ្រូបង្រៀន NVT ទទួលធ្វើជាកូនចិញ្ចឹម ។ ប៉ុន្តែ ក្រោយមក គេពុំនឹកស្មានថា ទំនាក់ទំនងរវាងឪពុក និងកូនចិញ្ចឹមទាំងពីរ បែរក្លាយជាគូស្នេហ៍នឹងគ្នាសោះឡើយ។ នៅពេលនោះ ឪពុកម្តាយរបស់ TPN បានបដិសេធទទួលស្គាល់ និងហាមកូនស្រី មិនឲ្យមានទំនាក់ទំនងស្នេហានឹងគ្រូវ័យចំណាស់នេះឡើយ ប៉ុន្តែ នាងរឹងចចេះ និងប្រាប់ឪពុកម្តាយថា គាត់គ្រាន់តែជាឪពុកចិញ្ចឹមប៉ុណ្ណោះ។
សូមបញ្ជាក់ថា លោក NVT មានប្រពន្ធជាគ្រូបង្រៀនដូចគ្នា និងកូនច្បងអាយុ ៣០ ឆ្នាំ ហើយ ។ ប៉ុន្តែ ដោយសាររឿងត្រូវបានបែកធ្លាយ គ្រូបង្រៀនអាយុ ៥៣ ឆ្នាំ រូបនេះ ក៏បានសម្រេចចិត្តលែងលះប្រពន្ធក្នុងខែមេសា ឆ្នាំ២០២០ និងយក TPN ធ្វើជាប្រពន្ធទី២រហូតមកទល់ពេលនេះ៕
ប្រែសម្រួល៖ លឹម ហុង (ប្រភព៖ vietgiaitri)
