ភ្នំពេញ÷ ស្ត្រីម្នាក់វ័យអាយុ៤១ ឆ្នាំដេកស្លាប់នៅក្នុងបន្ទប់ជួលមួយកន្លែងបង្កឲ្យមានការភ្ញាក់ផ្អើលដល់បងប្អូនប្រជាពលរដ្ឋ រស់នៅជិតបន្ទប់ជាប់ៗគ្នា។
ហេតុការណ៍នេះកើតឡើងនៅវេលាម៉ោង ១០ និង ២០នាទីយប់ ថ្ងៃចន្ទ ទី២៩ ខែមិថុនា ឆ្នាំ២០២០ ដែលស្តិតនៅក្នុងភូមិព្រៃព្រីងខាងជើង សង្កាត់ចោមចៅទី៣ ខណ្ឌពោធិ៍សែនជ័យ រាជធានីភ្នំពេញ។
សពស្រីខាងលើមានឈ្មោះ ខយ លឿយ អាយុ៤១ ឆ្នាំ មុខរបរកម្មកររោងចក្រ មានកូន ៣ នាក់ ប្រុសម្នាក់ និងស្រី២នាក់ មានស្រុកកំណើត នៅភូមិលំទងថ្មី ឃុំលំទងថ្មី ស្រុកអន្លង់វែង ខេត្តឧត្តរមានជ័យ។ បច្ចុប្បន្ន ស្ត្រីឈ្មោះ ខយ លឿយ រស់នៅក្នុងបន្ទប់ជួលមានគ្នាបីនាក់ នៅជិតរោងចក្រ ឃ្យូ អឹម អាយ។
បើយោងតាមប្រភពពីកន្លែងកើតហេតុបានឲ្យដឹងថារាល់ថ្ងៃស្ត្រីមានឈ្មោះ ខយ លឿយគាត់បានក្រោកពីព្រលឹមរាល់ថ្ងៃ ដើម្បីទៅបំពេញការងាជាកម្មកររោងចក្រ ស្រាប់តែពេលព្រឹកមិញនេះប្រហែលម៉ោង ៦ ព្រឹកមិត្តភក្តិ នៅបន្ទប់ជាមួយបានហៅឲ្យក្រោកទៅធ្វើការ ស្រាប់តែស្ត្រីខាងលើបានប្រាប់ថាថ្ងៃនឹងខ្ញុំអត់ស្រួលខ្លួនអត់បានទៅទេ។
ស្រាប់តែឮសូរអញ្ចឹងពួកគាត់ក៏បាននាំគ្នាទៅធ្វើការបាត់ទៅនៅតែស្ត្រី ឈ្មោះ ខយ លឿយនៅម្នាក់ឯង លុះប្រហែលម៉ោងជិត ប្រាំបីយប់ពួកគាត់នាំគ្នាមកដល់បន្ទប់វិញក៏គោះទ្វារ៤ ទៅ ៥ ដងមិនឃើញបើកស្រាប់តែពួកគាត់ក៏មានការឆ្ងល់ ម៉េចបានមិនតបគោះទ្វារច្រើនដងហើយ។
រួចបាននាំគ្នាហែកបង្អួចមើលទៅឃើញស្ត្រីខាងលើរឹងខ្លួនស្លាប់បាត់ទៅហើយ។
ដោយឃើញហេតុការណ៍បែបនេះក៏ទាក់ទងទៅសមត្ថកិច្ចមូលដ្ឋានឲ្យចុះមកដល់ និង បានទាក់ទងខាងជំនាញពិនិត្យកោសល្យវិច័យធ្វើកំណត់ហេតុ និងប្រគល់សព
ជូនទៅឲ្យក្រុមគ្រួសារយកទៅធ្វើបុណ្យនៅ
ស្រុកកំណើតខេត្តឧត្តរមានជ័យ តាមប្រពៃណី៕
ដោយ៖ ភក្ត្រា និងសាមេត
