ភ្នំពេញ ៖ ដូចដែលប្រិយមិត្តបានដឹងរួចហើយ ជម្លោះហែកហួររវាង តារា Tik Tuk សុខា និងលោក អ៊ឹម ជីវ៉ា ដែលជាអ្នកជួយជ្រោមជ្រែង បានធ្វើឲ្យកក្រើកបណ្តាញសង្គមតែម្តង កាលពីសប្តាហ៍កន្លងទៅ។ ប៉ុន្តែ ទោះយ៉ាងណា សុខា ក្រោយមក ក៏បានទទួលស្គាល់កំហុសរបស់ខ្លួន និងបានសុំទោសលោក អ៊ឹម ជីវ៉ា ផងដែរ។
ដោយឡែក នៅថ្មីៗនេះ តារា Tik Tuk រូបនេះដែលតែងតែលើកតម្កើងខ្លួនឯងហាក់ស្មើមេឃ មិនទ្រអ្នកណា បានធ្វើឲ្យគ្រប់គ្នានៅលើបណ្តាញសង្គម មានការភ្ញាក់ផ្អើល និងហួសចិត្តយ៉ាងខ្លាំង ខណៈទីបំផុត សុខា ហាក់ដាច់បាយខ្លាំង បានទៅលុតជង្គង់សុំទោសចំពោះមុខ និងថែមទាំងសុំលុយមួយចំនួនពីលោក អ៊ឹម ជីវ៉ា ទាំងយប់។
នេះបើតាមគណនីហ្វេសប៊ុកលោក អ៊ឹម ជីវ៉ា បានបង្ហោះឲ្យដឹងថា៖ «យប់នេះ សុខា មកលុតជង្គង់សុំទោសខ្ញុំទាំងយប់នៅហាង ប្អូនស្រីយេយេ ទាំងយប់ .! ដោយសានាងព្រមទទួលកំហុសគ្រប់បែបយ៉ាងទាំងអស់ ! ។
ព្រោះតាំងពីនាងបានសារភាពថា តាំងពីនាងជេប្រមាថមើលងាយខ្ញុំគឺសុខាគ្មានអ្នកហៅLive ទេ សូម្បីតែបាយហូបក៏គ្មានហូបផង ! ។ ពេលនេះនាងដាច់ចិត្តសុំមកជួបខ្ញុំ និងសុំលុយមួយចំនួន ដើម្បីទិញអីហូប ដោយសារនាងដាច់បាយហើយ..! បើគិតថាគាត់ខុសហើយចេះកែ ខ្ញុំលើកលែងអោយចុះ ហើយយប់នេះខ្ញុំបានឲ្យលុយទៅនាងចំនួន ១០ម៉ឺនរៀលឲ្យនាងបានទិញអីហូប ! ។ នាងបានប្រាប់ថា សូមឲ្យបងប្អូនទាំងអស់ហៅនាងទៅឡាយដើម្បីឲ្យបានលុយទិញបាយហូបដើម្បីចិញ្ចឹមក្រពះផង ! ។ គ្រប់យ៉ាងខ្ញុំបានអភ័យឲ្យសុខាអស់ហើយ អំពើល្អក៏ខ្ញុំបានធ្វើហើយដែរ អ្វីសំខាន់គឺ ធ្វើជាមនុស្សពេលខុសចេះកែ ហើយត្រូវទទួលស្គាល់ការពិត » ៕
ដោយ៖ លឹម ហុង