នារីម្នាក់បានខូចខិត្តយ៉ាងខ្លាំង រហូតស្រាតខោស្រាតអាវរត់ជុំវិញក្នុងវត្តផ្អើលព្រះសង្ឃតែម្តង បន្ទាប់ពីនាងត្រូវបានសង្សារបោះបង់ចោល។ ហើយអ្វីដែលចម្លែកជាងនេះទៀតនោះ គឺនាងប៉ុនប៉ងធ្វើសកម្មភាពរំលោភទៅលើមន្ត្រីប៉ូលិសទៀតផង បន្ទាប់ពីពួកគេនាំនាងយកមកសួរនាំមូលហេតុនៅក្នុងប៉ុស្តិ៍។
មន្ត្រីប៉ូលិសជាន់ខ្ពស់ក្រុង Chonburi លោកឧត្តមសេនីយ៍ទោ Awut Inyapong បាននិយាយថា កាលពីថ្ងៃទី៣០ ខែមិថុនា ឆ្នាំ២០២០ គាត់បានទទួលដំណឹងថា មាននារីម្នាក់អាក្រាតកាយ កំពុងរត់នៅជុំវិញវត្ត Sutthawat នៅក្នុងទីក្រុង Chonburi ហើយក្រោយមក មន្ត្រីបានរកឃើញថា នាងមានឈ្មោះ Thongtin Thongtha អាយុ ៣១ ឆ្នាំ ជាជនជាតិឡាវ។ លោកបន្តថា Thongtin ដែលកំពុងដេកនៅក្នុងបរិវេណប្រាសាទ បានចាប់ផ្តើមស្រែកខ្លាំង នៅពេលនាងបានឃើញប៉ូលីសមកដល់។ តែយ៉ាងណា ប៉ូលិសបានព្យាយាមនិយាយលួងលោមឲ្យនាងស្ងប់អារម្មណ៍ និងនាំយកទៅកាន់ប៉ុស្តិ៍។
Wimonun Yensabai អ្នកលក់ផ្កាម្នាក់នៅក្នុងប្រាសាទ បានបញ្ជាក់ឲ្យដឹងថា នាង Thongtin បានមកកាន់ប្រសាទជាមួយបុរសជនជាតិថៃម្នាក់ កាលពីថ្ងៃទី២៩ ខែមិថុនា ឆ្នាំ២០២០ ។ ពួកគេទាំងពីរបានទៅបន់ស្រន់នៅក្នុងវត្តខាងលើជាមួយគ្នា ប៉ុន្តែ មិនដឹងជាយ៉ាងម៉េច ស្រាប់តែគេបានឃើញបុរសនោះបានចាកចេញ ដោយទុកឲ្យនាងនៅម្នាក់ឯង។ បន្ទាប់មក Thongtin ក៏បានចាប់ផ្តើមធ្វើសកម្មភាពដោះសម្លៀកបំពាក់ ហើយរត់ជុំវិញប្រាសាទជាច្រើនលើក។ អ្នកស្រុកនៅប្រាសាទបានព្យាយាមជួយនាង ដោយស្លៀកពាក់ឲ្យនាងបានត្រឹមត្រូវវិញ មុនពេលហៅប៉ូលិសមកអន្តរាគមន៍។
ទោះយ៉ាងណា នៅពេល Thongtin បានមកដល់ប៉ុស្តិ៍ប៉ូលិស នាងស្រាប់តែបង្ហាញសកម្មភាពកាន់តែចម្លែកម្តងទៀត និងចាប់ផ្តើមប៉ុនប៉ងរំលោភបំពានផ្លូវភេទមន្ត្រីជាច្រើននាក់ ដោយបានបញ្ជាក់ថា នាងចូលចិត្តប៉ូលិសប្រុសៗ។ Dang សាក្សីម្នាក់នៅប៉ុស្តិ៍ប៉ូលិស បានបញ្ជាក់ថា នាង Thongtin កំពុងធ្វើសកម្មភាពចម្លែក និងស្រែកខ្លាំងៗ។ គាត់បានយកនាងទៅកាន់ដើមឈើ ហើយព្យាយាមធ្វើឲ្យនាងស្ងប់ចិត្ត។ ផ្ទុយទៅវិញ នាងបានប៉ុនប៉ងរំលោភគាត់ ដែលធ្វើឲ្យគាត់រត់គេចខ្លួនទាំងអារម្មណ៍ភ័យខ្លាចជាខ្លាំង។ ទោះយ៉ាងណា ក្រោយមក នាងត្រូវបានបញ្ជូនទៅកាន់មន្ទីរពេទ្យ៕
ប្រែសម្រួល៖ លឹម ហុង (ប្រភព៖ khaosod)