ភ្នំពេញ៖ កាលពីថ្ងៃទី២៩ ខែមិថុនា ឆ្នាំ២០២០ មានរឿងរ៉ាវបង្កការភ្ញាក់ផ្អើលមួយ ដោយ ម៉ែរួយ ស្រាប់តែបញ្ចេញលិខិតឆ្លើយតប និងគំរាមប្តឹង តាមរយៈទំព័រហ្វេសប៊ុករបស់ខ្លួន ទៅកាន់លោក អាចារ្យ អេ ដែលជាអគ្គនាយកស្ថានីយ៍វិទ្យុ ABC ជុំវិញរឿងរ៉ាវបរិហាកេរ្តិ៍។
លិខិតឆ្លើយតប និងសូម្បីគំរាមចាត់វិធានការផ្លូវច្បាប់ បានធ្វើឡើង គឺបន្ទាប់ពីលោក អាចារ្យ អេ ដែលហាក់ដូចដឹងរឿងស៊ីជម្រៅ ដែលម៉ែរួយ បានចោទប្រកាន់ថា លោកបានវាយប្រហារមកលើក្រុមហ៊ុនរបស់នាង និងបរិហារកេរ្តិ៍មកលើរូបនាងតែម្តង ថាជាបក្ខពួករកស៊ីបោកប្រាស់ ទៅលើតំណាងចែកចាយរបស់ខ្លួនដែលសុទ្ធតែពួកភ្លើ ខំខ្ចីលុយជំពាក់បំណុលគេ មកទិញផលិតផលរបស់នាងទៅលក់បន្ត។
ដោយឡែក ថ្មីៗនេះ លោក អាចារ្យ អេ នាយកវិទ្យុ ABC បានធ្វើការឆ្លើយតប ទៅកាន់អ្នកនាង ស្រី ណារួម ដែលជាអគ្គនាយកក្រុមហ៊ុន ROUY INFINITY CO.,LTD ក្រោយពេលដែលអ្នកនាងបានចេញលិខិតមួយឆ្លើយតប និងព្រមានចាត់វិធានការតាមផ្លូវច្បាប់ខាងលើនេះ។ ក្នុងនោះ ជាបឋម លោកសម្តែងនូវការសោកស្តាយចំពោះការយល់ច្រឡំថា នាងជាជនជាតិថៃ និងសូមការកោតសរសើរចំពោះ ម៉ែរួយ ដែលបានចេញលិខិតដាស់តឿនមួយនេះ ដោយពុំបង្ហាញកាយវិការក្តែងៗដូចអ្នកដទៃ នេះជាការសុជីវធម៌ថ្លៃថ្នូរមួយ។
ទោះយ៉ាងណា អាចារ្យ អេ ថា លោកនឹងលំឱនកាយទទួលយកចំពោះការដាស់តឿននេះ ប៉ុន្តែ ប្រសិនបើ ម៉ែរួយ ចង់ប្រើភាសាគំរាមវិញ លោកសូមឲ្យ ម៉ែ រួយ ជ្រាបច្បាស់ថា ២០ ឆ្នាំ កន្លងមកនេះ ABC បានជួបរឿងរ៉ាវជាច្រើនរហូតដល់ថ្នាក់ត្រូវប្តូរជីវិត ដើម្បីតែផលប្រយោជនប្រជាពលរដ្ឋ តែមិនដែលករណីណាដែល ABC ចាញ់ឡើយ។ លោកថា រឿងផ្ទាល់ខ្លួនលោកសុខចិត្តចុះចាញ់ តែបើរឿងប៉ះពាល់ដល់សង្គម ទៅលើប្រជាពលរដ្ឋទន់ខ្សោយជាដើម គឺលោកមិនចុះចាញ់ដាច់ខាត។ លោក អាចារ្យ អេ នៅតែនិយាយចំៗថា បើជាសារដាស់តឿន លោកសូមឱនកាយទទួលខុស ព្រោះវាធ្វើឲ្យប៉ះពាល់ផលប្រយោជន៍ ម៉ាដាម រួយ និងបក្ខពួកជាច្រើនដែលបានផលប្រយោជន៍ពី ម៉ាដាម រួយ កំពុងក្លាយជាអ្នកមានច្រើនគ្នា តែលោកសំដៅទៅលើតែអ្នកជោគជ័យទេ សម្រាប់អ្នកមិនជោគជ័យលោកមិននិយាយ ព្រោះខ្លាចខ្លាសគេ ដែលឲ្យគេបោកបានងាយៗ។
លើសពីនេះ លោក អាចារ្យ អេ ក៏បានកោតសរសើរក្នុងន័យវាយប្រហារ ចំពោះ ម៉ែ រួយ ដែលបានយកថវិកាទៅចូលមូលនិធិជួយដល់កុមារចំនួន៤ម៉ឺនដុល្លារ ព្រោះថា នេះជាតិជាមនុស្សឆ្លាតមួយ តែលោកមានអារម្មណ៍ថាលុយទាំងនោះជាលុយបាបទៅវិញ ព្រោះលុយទាំងនោះ បានមកមិនមែនដោយកម្លាំងញើសឈាម….៕
ដោយ៖ លឹម ហុង
នៅមានរឿងជាច្រើនទៀត ដែលលោក អាចារ្យ អេ បានបើកទម្លាយចេញ ! ដើម្បីជ្រាបច្បាស់ សូមទស្សនាវីដេអូខាងក្រោម៖
