ភ្នំពេញ÷ ស្ត្រីម្នាក់ជិះម៉ូតូដឹកកូនចេញពីកន្លែងការងារ ធ្វើដំណើរក្នុងល្បឿនយ៉ាងលឿន ស្រាប់តែមកជិតដល់ចំណុចកើតហេតុ ក៏ចាប់ហ្វ្រាំងមុខ រួចរអិលជ្រុលចូលទៅក្រោមរថយន្ត បណ្តាលឲ្យរងរបួសក្មេងម្នាក់បញ្ជូនទៅមន្ទីរពេទ្យ។
ហេតុការណ៍នេះកើតឡើងនៅវេលាម៉ោង ៦ និង ៥ នាទីល្ងាចថ្ងៃព្រហស្បតិ៍ ទី២ ខែកក្កដា ឆ្នាំ ២០២០ នៅតាមបណ្តោយផ្លូវ ២០១១ ក្នុងសង្កាត់គោកឃ្លាង ខណ្ឌសែនសុខ រាជធានីភ្នំពេញ។
បើយោងតាមប្រភពព័ត៌មានពីប្រជាពលរដ្ឋបានឲ្យដឹងថា មុនពេលកើតហេតុគេឃើញស្ត្រីខាងលើជិះម៉ូតូម៉ាក click ពណ៌ក្រហមលាយស មួយគ្រឿង ដែលពាក់ផ្លាកលេខ ភ្នំពេញ 1A 44 58 ឌុបកូនតូចចេញពីធ្វើការក្នុងទិសដៅពីត្បូង ទៅជើង ក្នុងល្បឿនយ៉ាងលឿនស្រាប់តែមកជិតដល់ចំណុចកើតហេតុ គេឃើញរថយន្តម៉ាក ឡង់គ្រីស័រពណ៌ស
មួយគ្រឿងទៀតដែលពាក់ផ្លាកលេខ កណ្តាល 2A 18 68 បើកបរដោយបុរសម្នាក់ក្នុងទិសដៅពីកើតទៅលិច មកបម្រុងនឹងបទទៅឆ្វេង ក្នុងល្បឿនស្រាប់តែមកដល់ចំណុចកើតហេតុ ក៏មានម៉ូតូម៉ាកclick មួយគ្រឿងជិះដោយស្ត្រីខាងក្នុងល្បឿនលឿន រួចក៏ចាំហ្វ្រាំងជ្រុលរអិលចូលចំពីមុខខាងក្រោមរថយន្ត បណ្តាលឲ្យរងរបួសក្មេងម្នាក់បញ្ជូនទៅមន្ទីរពេទ្យភ្លាមៗ ។
ក្រោយពេលកើតហេតុ សមត្ថកិច្ចមូលដ្ឋានចុះមកដល់ រួចក៏ហៅខាងជំនាញឲ្យចុះមកធ្វើការវាស់វែង និងជួយសម្របសម្រួលដល់ភាគីទាំងពីរ តែមិនត្រូវគ្នា រួចក៏ឲ្យភាគីទាំងពីរទៅប៉ុស្តិ៍ ដើម្បីចាត់ការទៅតាមផ្លូវច្បាប់៕ ដោយ៖សាមេត
