ស្ត្រីខ្មែរម្នាក់នៅរស់សហរដ្ឋអាមេរិក កើតទុក្ខមិនសុខចិត្តស្នើដល់សមត្ថកិច្ចស្រុកខ្មែរជួយអន្តរាគមន៍ផង ខណៈពេលនេះគាត់បានសម្រេចចិត្តបើកទម្លាយរឿងខ្លួនដ៏កាត់កេរ្តិ៍កាត់ខ្មាស រហូតក្រុមគ្រួសារកាត់កាលចោល ព្រោះត្រូវចាញ់បោកអន្ទិតវ័យក្មេងម្នាក់ អស់លុយ 3000$ ដោយពុំដឹងថា អន្ទិតនោះខ្ចីទៅយកទៅធ្វើអ្វី ឬ ក៏ជាថ្នូរនឹងការសន្យារឿងស្នេហាប្តូរផ្តាច់នឹងគ្នាយ៉ាងណានោះទេ។ តែអ្នកស្រីបានបញ្ជាក់ថា ប្រុសក្មេងរូបនេះបានសឹកហើយ តែបែរជាទៅបួសវិញ ស្តាប់តាមម៉ែធម៌នៅអាមេរិក។
ជុំវិញរឿងរ៉ាវស្ត្រីអភ័ព្វស្នេហ៍រូបនេះផងដែរ បើតាមគណនីហ្វេសប៊ុកលោក សាន្ត ព្រហ្ម បានបង្ហោះវីដេអូ និងរូបភាពជាច្រើន ដោយភ្ជាប់ជាមួយសំណេរដើមរបស់ស្ត្រីរងគ្រោះ ដែលមានខ្លឹមសារដូចតទៅ៖ «សូមសមត្ថកិច្ចជួយរកយុត្តិធម៌ឲ្យខ្ញុំផង នាងខ្ញុំត្រូវបានបុគ្គលឈ្មោះ ឌឿន រ៉ានី ដែលរស់នៅខេត្តបាត់ដំបងស្រុកមោងឫស្សី ដែលបានខ្ចីលុយនាងខ្ញុំជំនួនជាទឹកប្រាក់3000$ សន្យាថារយៈពេលពីរឆ្នាំ នឹងសងនាងខ្ញុំវិញ លុះមកដល់ថ្ងៃកំណត់ ស្រាប់តែបុគ្គលម្នាក់នេះ ព្យាយាមគេចវេស មិនសងតាមការសន្យា ថែមទាំងតិះដៀលដល់រូបនាងខ្ញុំទៀត នាងខ្ញុំព្យាយាមទំនាក់ទំនងតាមលេខទូរស័ព្ទ facebook ក៏មិនអាចទាក់ទងបុគ្គលឌឿន រ៉ានី ម្នាក់នេះបានឡើយ សូមសមត្ថកិច្ចខេត្តបាត់ដំបង មេត្តាជួយចាត់វិធានការតាមផ្លូវច្បាប់ ចំពោះបុគ្គលឆបោកនេះផង នាងខ្ញុំរស់នៅប្រទេសសហរដ្ឋអាមេរិក នេះឈ្មោះ account facebook របស់នាងខ្ញុំ Gigi Jantida Chhan។»
សូមបញ្ជាក់ថា មកទល់ពេលនេះ រឿងរ៉ាវនេះមិនទាន់ត្រូវបានបញ្ចប់នោះទេ ខណៈនៅលើគណនីរបស់ស្ត្រីរងគ្រោះ នៅតែបន្តបង្ហោះវីដេអូ សូមឲ្យបុគ្គលរូបនេះ ចូលខ្លួនដោះស្រាយ និងក៏ដូចស្នើដល់សមត្ថកិច្ច ជួយរកយុតិ្តធម៌ ដល់រូបគាត់ផង។
ទោះយ៉ាងណា ក្រោយបានឃើញបែបនេះ មនុស្សជាច្រើន បានចូលខំមិនពុំបង្ហាញក្តីអាណិតនោះទេ និងផ្ទុយទៅវិញ បែរជាស្តីបន្ទោសឲ្យថា ចំណាស់នេះហើយ នៅភ្លើចាញ់បោកក្មេងទៀត សមមុខហើយយាយ។ តែយ៉ាងណា នេះជាមេរៀនមួយ ដែលអ្នកដទៃគួរគិតពិចារណាឲ្យបានល្អិតល្អន់ ចៀសវាងចាញ់បោកគេដូចជារូបគាត់ទៀត៕
ដោយ៖ លឹម ហុង
