ឆ្នាំជូត
រាសីខ្ពស់ត្រដែត។
ការងារ ៖ នៅថ្ងៃនេះផ្តល់ផលល្អសម្រាប់ទំនាក់ទំនងការងារឬស្ម័គ្រចិត្តប្រកបកិច្ចការងារកន្លែងណាមួយផង។
ជំនួញ ៖ ថ្ងៃនេះលោកអ្នកពុំគប្បីមានអំនួតក្អេងក្អាងឱ្យសោះព្រោះទ្រព្យដែលបម្រុងរត់ចូលបែរជាអាចរត់ចេញទៅវិញទៀតផង។ការធ្វើដំណើរឆ្ងាយជិតជួបភាពសុខដុមទាំងពេលទៅនិងត្រឡប់មកវិញ។
ស្នេហា ៖ កំលោះក្រមុំមានការចម្រើនលូតលាស់និងផ្អែមល្ហែមប្រពៃ៕
ឆ្នាំឆ្លូវ
រាសីល្អជាមធ្យម។
ការងារ ៖ នៅថ្ងៃនេះដួងរាសីមិនគាប់ប្រសើរទេដោយមានគ្រោះយាយីច្រើន ដូចនេះគប្បីមានការប្រយ័ត្នប្រយែងគ្រប់រឿងទើបគ្មានបញ្ហាចូលមកលុកលុយក្នុងដំណើរជីវិតទៅរួច។ការរស់នៅ ឱ្យប្រយ័ត្នបញ្ហារឿងការងារបញ្ហាប្រាក់កាស និងបញ្ហាប្តីប្រពន្ធពីព្រោះមានរឿងមិនឱ្យសប្បាយចិត្តច្រើនលុកលុយយាយី។
ជំនួញ ៖ ជួបបញ្ហាការរកប្រាក់ចំណូល ហើយប្រាក់បង្វិលដើមទុនទៀតសោតមានការខ្វះមុខខ្វះក្រោយច្រើន។
ស្នេហា ៖ប្រុសស្រីមានការប្រែប្រួលប្តូរផ្លាស់ព្រោះជួនត្រូវរ៉ូវគ្នាជួនទាស់ទែងគ្នា៕
ឆ្នាំខាល
រាសីស្រុតចុះ។
ការងារ ៖ នៅថ្ងៃនេះការរីកចម្រើនយឺត ហើយងាយរាំងស្ទះផងគប្បីប្រយ័ត្នប្រយែងទើបប្រសើរ។
ជំនួញ ៖ លោកអ្នកឱ្យប្រយ័ត្នជនខិលខូចតាមលួចបន្លំឬបង្ករឿងដោយប្រការណាមួយ។ការធ្វើដំណើរទីជិតឆ្ងាយជួបភាពប្រទាំងប្រទើសបន្តិចចូរប្រយ័ត្នក្រុមមនុស្សបៀតបៀនយាយីដោយប្រការណាមួយ។
ស្នេហា ៖ កំលោះក្រមុំឬពោះម៉ាយមេម៉ាយក្តីជួបការខ្វាយខ្វល់ព្រោះតែភាពរកាំរកូសកើតមានច្រើន៕
ឆ្នាំថោះ
រាសីល្អជាមធ្យម។ក្នុងថ្ងៃនេះការបំពេញការងារលោកអ្នកមិនគប្បីជឿសម្តីអ្នកក្រៅពេកឡើយត្រូវចេះពិនិត្យសភាពការណ៍ឱ្យបានល្អពីព្រោះនាំគេបោកប្រាស់ដោយប្រការណាមួយ។
ការងារ ៖ ក្នុងថ្ងៃនេះការបំពេញការងារលោកអ្នកមិនគប្បីជឿសម្តីអ្នកក្រៅពេកឡើយត្រូវចេះពិនិត្យសភាពការណ៍ឱ្យបានល្អពីព្រោះនាំគេបោកប្រាស់ដោយប្រការណាមួយ។
ជំនួញ ៖ ចូរប្រយ័ត្នក្រុមមនុស្សបាបមិត្តបង្កជម្លោះណាមួយនាំពិបាកក្នុងការដោះស្រាយ។ ការធ្វើដំណើរឆ្ងាយជិតជួបភាពសុខដុមទាំងពេលទៅនិងត្រឡប់មកវិញ។
ស្នេហា ៖ ប្រុសស្រីមានដំណើរថយក្រោយនិងពាក់មុខយក្សដាក់គ្នាច្រើន៕
ឆ្នាំរោង
រាសីខ្ពស់ត្រដែត។
ការងារ ៖ ការរស់នៅលោកអ្នកត្រូវចងចាំថាត្រូវរក្សាសេចក្តីសុខកាន់តែច្រើនកាលណាគឺកាន់តែល្អកាលនោះដែរ។ក្រៅពីនេះលោកអ្នកត្រូវចងចាំពាក្យចាស់ផងថា”បញ្ហាចិត្តទន់ជ្រាយនាំឱ្យកើតប្រភពបញ្ហាចោមរោម”ជាក់ជាពុំខាន។
ជំនួញ ៖ ដោយសារដួងរាសីឡើងខ្ពស់ដូចនេះបើលោកអ្នកចង់ប្រកបការងារតូចធំដោយមិនថាជាឯកជនឬរាជការក្តៅឃើញថាមានភាពសុខដុមនិងលូតលាស់ទៅមុខគួរសម។
ស្នេហា ៖ កំលោះក្រមុំពុំត្រូវយកភាពចង់ចាញ់ឈ្នះគ្នាដាក់ខ្លួនច្រើននាំតែកើតរឿងរាវឡើងឥតឈប់ឈរប៉ុណ្ណោះ៕
ឆ្នាំម្សាញ់
រាសីខ្ពស់ត្រដែត។
ការងារ ៖ នៅថ្ងៃនេះដោយសារដួងរាសីរបស់លោកអ្នកល្អប្រសើរ ម្ល៉ោះហើយអាចប្រកបការងារតូចធំឬសម្រេចចិត្តអ្វីមួយតែងហុចផលល្អៗមកវិញ។ ក្រៅពីនេះលោកអ្នកអាចទទួលដំណឹងល្អអ្វីមួយឱ្យសប្បាយចិត្តថែមទៀត។
ជំនួញ ៖ បើមានញាតិមិត្តបបួលធ្វើអ្វីមួយឬត្រួសត្រាយឱ្យប្រកបរបររកស៊ីជួញដូរតែងហុចផ្លែផ្កាគួរជាទីពេញចិត្តតែយ៉ាងណាក៏ត្រូវប្រុងប្រយ័ត្នព្រោះក្រុមមនុស្សចាំតែកេងប្រវ័ញ្ចដើម្បីដណ្តើមផលប្រយោជន៍នោះក៏មានច្រើនដែរ។
ស្នេហា ៖ ប្រុសស្រីមានការចេះអត់ឱនឱ្យគ្នានិងផ្អែមល្ហែមល្អ៕
ឆ្នាំមមី
រាសីល្អជាមធ្យម។
ការងារ ៖ នៅថ្ងៃនេះទោះលោកអ្នកទៅណាមកណាមានក្រុមមនុស្សស្រឡាញ់រាប់អាននិងផ្តល់ការយកចិត្តទុកដាក់ ដូចនេះបើទោះធ្វើអ្វីក៏តែងមានជោគជ័យមកវិញគួរសមផង។សម្រាប់កិច្ចការងារអ្វីមួយបើលោកអ្នកមិនបានធ្វើបញ្ចប់ទេឆ្លងដល់ថ្ងៃនេះមានការប្រឹងប្រែងតែងសម្រេចដល់ចប់ចុងចប់ដើមផងដែរ។
ជំនួញ ៖ មានការលូតលាស់គួរសម ហើយបើមានការជួញទីជិតឆ្ងាយទៀ់តសោតក៏អាចប្រមូលភោគផលចូលផ្ទះវិញយ៉ាងស្រួលចិត្ត។
ស្នេហា ៖ កំលោះក្រមុំបើលោកអ្នកបន្ថែមការយកចិត្តទុកដាក់និងបន្ថែមក្តីស្រឡាញ់ពិតជាប្រែក្លាយពីភាពអាប់អួមកភ្លឺថ្លាជាក់ជាពុំខាន៕
ឆ្នាំមមែ
រាសីល្អជាមធ្យម។
ការងារ ៖ នៅថ្ងៃនេះការធ្វើអ្វីមួយឃើញថាមិនសូវជឿនលឿនទៅមុខទេ ហើយពិសេសងាយកើតនូវបញ្ហាជាមួយអ្នកដទៃថែមទៀត។ការរស់នៅលោកអ្នកគប្បីយកចិត្តទុកដាក់ថែទាំការងារព្រោះងាយធ្លាក់ស្រុតចុះឬក្រុមមនុស្សបង្កជាឧបសគ្គណាស់។
ជំនួញ ៖ មានការប្រជែងគ្នាច្រើននិងពិសេសមានការប្រទាំងប្រទើសជាមួយអ្នកមានមុខរបរដូចគ្នាផងគួរមានការបើកចិត្តឱ្យទូលាយបន្តិចទើបគ្មានរឿងរ៉ាវចម្រូងចម្រាសកើតមានឡើង។
ស្នេហា ៖ កំលោះក្រមុំមានការនឿយណាយនិងបង្កជម្លោះជាមួយគ្នាច្រើន៕
ឆ្នាំវក
រាសីខ្ពស់ត្រដែត។
ការងារ ៖ នៅថ្ងៃនេះឃើញថាទោះលោកអ្នកធ្វើអ្វីក៏ដោយតែងមានក្រុមមនុស្សជួយជ្រែងនិងអាណិតស្រឡាញ់ច្រើនផងដែរ។ការរស់នៅចំពោះស្ត្រីលោកអ្នកត្រូវយកចិត្តទុកដាក់ដល់មនោសញ្ចេតនាស្វាមីខ្លះផងដើម្បីចៀសវាងនូវការឈ្លោះវិវាទដោយមិនសមទំនងណាមួយឡើង។
ជំនួញ ៖ មានការទិញចូលលក់ចេញគ្រាន់បើ ឯផលកម្រៃទៀតសោតគ្រាន់ជាទីកក់ក្តៅ។
ស្នេហា ៖ ប្រុសស្រីមានភាពលូតលាស់ទៅមុខហើយបើចង់ទំនាក់ទំនងស្នេហាថ្មីថ្មោងផងគាប់ប្រពៃ៕
ឆ្នាំរកា
រាសីល្អជាមធ្យម។
ការងារ ៖ នៅថ្ងៃនេះយីអ៊ុនរបស់លោកអ្នកមានការប្រែប្រួលប្តូរផ្លាស់ពុំទៀងទាត់ទេ ដូច្នេះទោះលោកអ្នកកាន់កិច្ចការអ្វីក៏ដោយតោងតែប្រយ័ត្នព្រោះក្រុមមនុស្សបាបមិត្តចាំតែមួលបង្កាច់ដើម្បីបង្ខូចកេរ្ត៍ឈ្មោះប៉ុណ្ណោះ។
ជំនួញ ៖ ក្នុងរយះពេលនេះមុននឹងចង់ចុះទុនអ្វីមួយត្រូវចេះគិតគូរឱ្យបានច្បាស់លាស់សិនមុនអនុវត្តជាក្រោយទើបអាចទទូលផលសម្រេចល្អ។សម្រាប់សុខភាពរបស់លោកអ្នកពុំសូវល្អទេចូរប្រយ័ត្នការធ្លាក់ខ្លួនឈឺដោយប្រការណាមួយ។
ស្នេហា ៖ ប្រុសស្រីងាយមានជម្លោះវិវាទនិងពាក់មុខយក្សដាក់គ្នាណាស់ដែរ៕
ឆ្នាំច
រាសីល្អជាមធ្យម។
ការងារ ៖ នៅក្នុងថ្ងៃនេះបើទោះបីធ្វើអ្វីក៏ដោយតែងមានការចម្រើនលូតលាស់សន្សឹមៗទៅមុខជានិច្ចហើយពុំមានអ្វីចូលបង្កបញ្ហាលំបាកត្រូវរាប់រងច្រើននោះដែរ។
ជំនួញ ៖ មានការទិញចូលលក់ចេញគ្រាន់បើតែយ៉ាងណាលោកអ្នកទាល់តែខិតខំខ្លាំងទើបទទួលជោគជ័យជំនួញធំៗទៅរួច។ការធ្វើដំណើរទីជិតឆ្ងាយជួបសេចក្តីសុខក្សេមក្សាន្តដូចសព្វមួយដង។
ស្នេហា ៖ ប្រុសស្រីបើស្គាល់ចិត្តស្គាល់ថ្លើមគ្នាយូរហើយជាឱកាសល្អក្នុងការចូលនិយាយដល់ចាស់ទុំព្រោះតែងទទួលដំណឹងល្អជាងអាក្រក់ផង៕
ឆ្នាំកុរ
រាសីស្រុតចុះ។
ការងារ ៖ នៅថ្ងៃនេះលោកអ្នកធ្វើអ្វីមិនមានភាពភ្លឺថ្លាឬទទួលនូវលទ្ធផលឆ្លើយតបដូចការរំពឹងទុកនោះឡើយ។
ជំនួញ ៖ បើទោះបីលោកអ្នកជួញទីជិតឆ្ងាយមិនថាផ្លូវគោកផ្លូវទឹកក្តីតែងហុចភោគផលគ្រាន់ជាទីកក់ក្តៅតែយ៉ាងណាមិនគប្បីយកខ្លួនទៅបៀតល្បែងស៊ីសងឡើយព្រោះនាំកើតឧបទ្រពចង្រៃការលក់ដូរមិនជឿនលឿនទៅមុខ។
ស្នេហា ៖ កំលោះក្រមុំមានដំណើរថយក្រោយចូរប្រយ័ត្នជម្លោះវិវាទឈានដល់ការបែកបាក់៕
