សៀមរាប៖ កាលពីម្សិលមិញ (ថ្ងៃទី៣ ខែកក្កដា ឆ្នាំ២០២០) គេបានប្រទះឃើញគណនីហ្វេសប៊ុកឈ្មោះ Mich Heang បានបង្ហោះរឿងរ៉ាវដ៏មហាហួសចិត្តមួយ បង្ហាញពីទង្វើនៃការធ្វើរបងរំលោភពាក់កណ្តាលទ្រូងផ្លូវ ធ្វើឲ្យកំហឹងមហាជនពុះកញ្ជ្រោលជាថ្មី រហូតដល់ថ្នាក់ប្រើពាក្យប្រមាថអាក្រក់ៗខ្លាំងក្លាតែម្តង។
បើតាមគណនីខាងលើ បានបញ្ជាក់ឲ្យដឹងថា ផ្លូវនេះដែលស្ថិតនៅក្នុងភូមិគោកមន ខាងត្បូងផ្លូវដីក្រហមថ្មីស្រុកសូទ្រនិគមត្រូវបានអ្នកធំមួយនៅក្នុងខេត្តសៀមរាប ជាអ្នកធ្វើឡើង ប៉ុន្តែ មិនបានបញ្ចេញឈ្មោះនោះទេ។
ជុំវិញបញ្ហានេះផងដែរ បើតាមអ្នកអ្នកប្រើប្រាស់ហ្វេសប៊ុកឈ្មោះ Palm Khmer បានចូលខមិនប្រាប់ឲ្យដឹងថា ភូមិហ្នឹងជាភូមិកំណើតរបស់គាត់ ហើយផ្លូវដែលកំពុងរងការធ្វើរបងរំលោភនេះផងដែរ គឺជាផ្លូវខ្សែទី២ខាលិចភូមិ តែអ្នកធ្វើរបងបែបនេះ គាត់មិនទាន់ដឹងឈ្មោះទេ ដោយគ្រាន់តែបានដឹងថា អ្នកភូមិបានសហការគ្នាធ្វើផ្លូវមួយនេះឡើងសម្រាប់ប្រយោជន៍រួមប៉ុណ្ណោះឯង។
ដោយឡែក គណនីហ្វេសប៊ុកលោក មាស សំណាង បានលើកឡើងថា «ជូនកាលជាដីកម្មសិទ្ធគេ ដែលចេះតែនាំគ្នាជិះកាត់យូរៗទៅចង់កើតជាផ្លូវ។ អ្នកមានដីជិតផ្លូវភ្លេចធ្វើរបងអីនិងយូរទៅកើតផ្លូវអស់ ព្រោះជារឿងពិត មានមិត្តភក្តិខ្ញុំធ្លាប់ជួបដូចហេតុខាងលើ»។
តែយ៉ាងណា កំហឹងមហាជននៅពេលនេះ កំពុងពុះកញ្ជ្រោលខ្លាំងក្លាមែនមែន រហូតដល់ថ្នាក់ដាក់ឲ្យធ្ងន់ធ្ងរថា៖ «ពេលស្លាប់ទៅកុំភ្លេចដុតរបងអស់ហ្នឹងទៅតាមផងទុកព័ទ្ធស៊ីផ្លូវនៅជាតិក្រោយទៀត», «ងាប់ទៅយកទៅមិនបានផងអីក៏ប្រឹងម្ល៉េះ យីហួសចិត្ត មិនខ្វះទេអាមនុស្សរបៀបនេះ» ។
ចុះប្រិយមិត្តវិញ មានមតិយោបល់យ៉ាងណាដែរ?៕ ដោយ៖ លឹម ហុង
