ភ្នំពេញ៖សំណង់នៅទូទាំងប្រទេសកម្ពុជាមានចំនួនសរុប ២ ៥២២ គម្រោង ដែលមានតម្លៃប៉ាន់ស្ថានទុនវិនិយោគប្រមាណ ៣ ៨៤២ ៦៩៩ ៤០១ ដុល្លារ នៅក្នុងឆមាសទី១ ឆ្នាំ២០២០នេះ។ នេះបើយោងតាមរយៈការណ៍របស់ក្រសួងដែនដីនគររូបនីយកម្ម និងសំណង់។
យោងតាមរបាយការណ៍បន្តថា បើប្រៀបធៀបឆមានទី១ ឆ្នាំ២០១៩ មានចំនួន ២ ០៤៧ គម្រោង មានផ្ទៃក្រឡាកម្រាលសំណង់រសរុបចំនួន ៣៧ ០០៧ ៧២២ ម៉ែត្រការ៉េដែលមានតម្លៃប៉ានស្ថានវិនិយោគប្រមាណ ៣ ៣៩២ ៧៧២ ៧៥៣ដុល្លារ គឺកើនឡើងចំនួន១៣,២៧%។
ក្រសួងដែនដីនគររូបនីយកម្ម និងសំណង់ បញ្ជាក់ថា វិស័យសំណង់បានបង្កើតការងារជាច្រើនដល់ប្រជាពលរដ្ឋខ្មែរ ដោយក្នុងឆមាសទី១ ឆ្នាំ២០២០នេះ គិតជាមធ្យមមានប្រមាណ១៧០០៥៩នាក់ ទៅ១៧០១០០នាក់ក្នុងមួយថ្ងៃ។ ដោយឡែកសម្រាប់រាជធានីភ្នំពេញ មានកម្មករប្រមាណពី២៤១៣០នាក់ ទៅ២៤៥០០នាក់ក្នុងមួយថ្ងៃ។ បើធៀបឆមាសទី១ ឆ្នាំ២០១៩ ចំនួនកម្មករ ពិតជាមធ្យមប្រមាណពី១៣៣៧៣៨នាក់ ទៅ១៣ ៤០០០នាក់ក្នុងមួយថ្ងៃ កើនឡើង២៧,១៦%៕
ដោយ៖CEN
