ភ្នំពេញ៖ ដូចដែលប្រិយមិត្តជាច្រើនបានស្គាល់ច្បាស់ហើយ អ្នកនាង Love Riya គឺជាអ្នកលក់ផលិតផលអនឡាញដ៏មានឈ្មោះល្បីមួយរូប នៅក្នុងបណ្តាញសង្គមហ្វេសប៊ុក ដែលតែងបង្ហាញពីជីវិតស្រស់ស្រាយ និងស៊ីវិល័យ ជាមួយរូបសម្រស់កាន់តែស្អាតប្លែកពីមួយថ្ងៃទៅមួយថ្ងៃគួរឲ្យទាក់ទាញបំផុត។ មិនត្រឹមតែប៉ុណ្ណឹង អ្នកនាងក៏ជាបុគ្គលចិត្តធម៌មួយរូបផងដែរ ដែលតែងតែចុះជួយដល់អ្នកក្រីក្រលំបាក។
ទោះយ៉ាងណា ទន្ទឹមនឹងអ្នកនាងខិតខំសាងនូវអំពើបុណ្យ ជាមួយអ្នកក្រជារឿយៗផងនោះ គេសង្កេតឃើញថា នាងហាក់ដូចជាផ្ទាំងស៊ីបចាំតែរងគ្រាប់បាញ់ពីមនុស្សមួយចំនួនតូច ដែលមិនដឹងថា ពួកគេលួចច្រណែននឹងភាពមានបានឡូយឆាយលេចធ្លោខ្លាំងរបស់នាង ឬយ៉ាងណានោះទេ?។
ជាក់ស្តែង កាលពីពេលថ្មីៗនេះ អ្នកនាង Love Riya ត្រូវបានមនុស្សអាក្រក់ម្នាក់បានប្រមាថជីវិតថា អ្នកនាងស្លាប់ហើយ ដែលធ្វើឲ្យមានការភ្ញាក់ផ្អើលពេញ Tik Tuk តែម្តង។ តែយ៉ាងណាមិញ ក្រោយឃើញបុរសម្នាក់បានសាធុ គាំទ្រឲ្យអ្នកនាងស្លាប់បន្ថែមនោះ ស្រាប់តែបុរសម្នាក់ឈ្មោះ តូនី ក៏បានចេញវីដេអូតបទៅវិញថា «ចង់និយាយថា ហេតុតែចង់ល្បីណាស ហ្នឹងហើយប្រយត្នអូន ប្រយ័ត្នខ្នោះ»។ ភ្លាមៗនោះផងដែរ បុរសរូបនោះ ក៏បានចេញវីដេអូឆ្លើយតបទៅវិញថា «បងចង់ប្រាប់ប្អូន តូនី ឯងថា កុំមកគំរាមកំហែងណាប្អូនៗ ឯងគំរាមកំហែងបានតែអ្នកខេត្តព្រៃវែង ឬ អ្នកខេត្តដទៃទេ តែបងនៅកំពង់ចាមនិ កុំមកគំរាមកំហែងដល់បងទៀត រឿង Love Riya មានប៉ុណ្ណា ក៏បងមិនខ្លាចញញើតដែរ សព្វថ្ងៃបងមានចម្ការ ៧០ ហិកតា បងមិនទៅអួតផង…» ។
ដោយឡែក កាលពីយប់ថ្ងៃទី៨ ខែកក្កដា ឆ្នាំ២០២០ម្សិលមិញនេះ ស្រាប់តែអ្នកនាង Love Riya បានបញ្ចេញប្រតិកម្មខ្លាំងៗ ចំពោះ បុរសរូបនោះ ដែលបានប្រមាថជីវិតរបស់នាង និងសូម្បីថានាងជាមនុស្សម្នាក់ដែលអួត ខណៈដែលមានសម្បត្តិឡើងកូដប៉ុណ្ណឹងសោះ ទាំងដែលខ្លួនលោកមានដីដល់ទៅ ៧០ ហិកតា នៅមិនបានអួតផងនោះ។
ក្នុងនោះផងដែរ អ្នកនាង Love Riya ដែលខឹងចិត្តយ៉ាងខ្លាំង ក៏បានប្រកាសជូន ២០០ ដុល្លារ សម្រាប់អ្នកផ្តល់ដំណឹងពីទីកន្លែងរស់នៅរបស់បុរសនេះ ហើយរូបនាងនឹងនាំប៉ូលិសចុះទៅដល់ផ្ទះគេតែម្តង៕ ដោយ៖ លឹម ហុង