ភ្នំពេញ៖ កាលពីថ្ងៃម្សិលមិញនេះ ព័ត៌មានដ៏ក្តៅមួយត្រូវបានបណ្តាញសារព័ត៌មានក្នុងស្រុកជាច្រើន ចុះផ្សាយព្រោងព្រាត ទាក់ទងនឹងករណីចោរស្រីឆក់ម្នាក់ ត្រូវបានម្ចាស់កាបូបដែលគេដឹងថាជាចៅក្រមសាលាដំបូងខេត្តកោះកុង ជិះឡានដេញតាម និងជ្រុលបុកបណ្តាលឲ្យស្លាប់នៅនឹងកន្លែង កាលពីរសៀលថ្ងៃទី៨ ខែកក្កដា ឆ្នាំ២០២០ ស្ថិតនៅតាមបណ្ដោយផ្លូវហាណូយ ក្នុងសង្កាត់ គោកឃ្លាង ខណ្ឌ សែនសុខ រាជធានីភ្នំពេញ។
ក្រោយពីបានឃើញបែបនេះ គេសង្កេតឃើញថា មហាជនជាច្រើនបានបង្ហាញការគាំទ្រ ចំពោះការស្លាប់របស់ចោរស្រីតែងខ្លួនប្រុសនេះ ដោយម្នាក់ៗសាធុបន់ឲ្យស្លាប់ទៅ ព្រោះតែស្អប់ខ្ពើមទៅនឹងអំពើឆក់ប្លន់ លួចទ្រព្យសម្បត្តិគេយ៉ាងស្រួលៗ ដោយមិនចេះគិតខំរកស៊ី។ ជាមួយគ្នានោះផងដែរ មនុស្សមួយចំនួនក៏ហាក់បង្ហាញការមិនគាំទ្រនោះទេ ប្រសិនបើជនរងគ្រោះរងការឆក់ បែរជាត្រូវជាប់ទោស។
ទោះយ៉ាងណា បើប្រភពច្បាស់ការពីអធិការដ្ឋាននគរបាលខណ្ឌ សែនសុខ បានឲ្យដឹងថា នៅព្រឹកថ្ងៃទី ៩ ខែកក្កដា ឆ្នាំ២០២០ លោក គង់ ខេមរា ចៅក្រមដែលទទួលរងការឆក់កាបូបនេះ ត្រូវបានសមត្ថកិច្ចនគរបាលអធិការដ្ឋានខណ្ឌ បានរៀបចំសំណុំរឿងបញ្ជូន ទៅអយ្យការអមសាលាដំបូងរាជធានីភ្នំពេញ ដើម្បីចាត់ការបន្តតាមច្បាប់ ពីបទមនុស្សឃាតដោយអចេតនា។
ដោយឡែក ក្រឡេកមកមើលវីដេអូពីទិដ្ឋភាពចោរស្រីនេះឆក់កាបូប លោក គង់ ខេមរា កាលពីរសៀលថ្ងៃទី៨ ខែកក្កដា ឆ្នាំ២០២០ គឺពិតជាមិនធម្មតាទេ ខណៈជិះម៉ូតូម្នាក់ឯង ហើយហ៊ានធ្វើសកម្មភាពទាំងអ្នកដំណើរជិះឆ្លងកាត់ខ្វែងខ្វាត់។ ដើម្បីកុំឲ្យខាតពេលយួរ សូមទស្សនាវីដេអូស្តែងៗខាងក្រោមទាំងអស់គ្នា៕ ដោយ៖ លឹម ហុង