ភ្នំពេញ៖ កាលពីវេលាម៉ោង១១ និង ៤០នាទីយប់ថ្ងៃទី១១ ខែកក្កដា ឆ្នាំ២០២០ មានហេតុការណ៍ដ៏ហួសចិត្តមួយ បានកើតឡើងនៅចំណុចផ្ទះលេខ១៩៨A ផ្លូវព្រះនរោត្តម សង្កាត់ទន្លេបាសាក់ ខណ្ឌចំការមនរាជធានីភ្នំពេញ ដោយជនសង្ស័យម្នាក់ ត្រូវសមត្ថកិច្ចចាប់ខ្លួន បន្ទាប់ពីបានធ្វើសកម្មភាពជាញឹកញាប់ លួចសម្លៀកបំពាក់នារីៗជាពិសេសនោះអាវក្នុង និងខោលីអូតែម្ដង។
បុរសរោគចិត្តខាងលើនេះមានឈ្មោះ ព្រីង សំរស់ អាយុ ៣៤ ឆ្នាំ មុខរបរគ្មាន ស្នាក់នៅផ្ទះនៅភូមិ១០ សង្កាត់ទន្លេបាសាក់ ខណ្ឌចំការមន។ រូបគេត្រូវបាននារីរងគ្រោះស្រែកឆោឡោឡើង លេចឮដល់ប្រជាពលរដ្ឋជិតខាង ដេញចាប់ប្រគល់ខ្លួនឲ្យសមត្ថកិច្ច បន្ទាប់ពីបានធ្វើសកម្មភាពលបចូលទៅលួចសម្លៀកបំពាក់របស់នាង (ខោអាវទ្រនាប់)។
ប៉ុន្តែ អ្វីដែលហួសចិត្តជាខ្លាំងបំផុតនោះ គឺនៅពេលសមត្ថកិច្ចសួរនាំ ជនសង្ស័យរូបនេះបានប្រាប់ថា រូបគេត្រូវបានជនមិនស្គាល់មុខធ្វើមន្តអាគមដាក់ ហើយតម្រូវឲ្យដើរលួចសម្លៀកកបំពាក់ស្រីៗ ជាពិសេសអាវក្នុង និងខោលីអូ ទើបអំពើនោះធ្វើមិនចូល៕ ដោយ៖ លឹម ហុង
