ភ្នំពេញ៖ កាលពីពេលថ្មីៗកន្លងទៅនេះ ស្ត្រីម្នាក់បានធ្វើឲ្យមហាជននៅក្នុងបណ្តាញសង្គម ប៉ះសក់ច្រូងតែម្តង ខណៈក្រឡេកមួយភ្លែត នាំឲ្យគេគិតស្មានថាជាករណីធ្វើអត្តឃាតចងកសម្លាប់ខ្លួន នៅលើធ្នឹមឈើផ្ទះរបស់គាត់ តែលុះដល់ពេលដឹងការពិត គឺមិនមែនបែបនេះទេ តែជាករណីដ៏ហួចិត្តបំផុត ដែលអាចនិយាយបានថាចម្លែកគ្មានពីរក្នុងលោក។
ទន្ទឹមនឹងរឿងរ៉ាវដ៏គួរឲ្យចាប់អារម្មណ៍នេះផងដែរ ក្នុងនោះក៏មានមនុស្សជាច្រើន បានមានការងឿងឆ្ងល់ជាខ្លាំងថា តើមូលហេតុអ្វីដែរ ទើបបានជាជំរុញឲ្យស្ត្រីរូបនេះសម្រេចចិត្តឡើងទៅអង្គុយដូចខ្មោចចងកនៅលើធ្នឹមក្នុងផ្ទះបែបនេះ ហើយថែមទាំងបានបញ្ចេញនូវទឹកមុខដ៏ក្រៀមក្រំគួរឲ្យអាណិតទៀតផង។
យ៉ាងណាមិញ ដើម្បីបកស្រាយនូវមន្ទិលខាងលើនេះ បុរសជាប្តីដែលមានគណនីហ្វេសប៊ុកឈ្មោះ បង ចិន បានសរសេររៀបរាប់ប្រាប់ពីមូលហេតុឲ្យដឹងថា៖ «តាមពិតអញ្ចឹងសោះ ចង់ដើរលេងមិនប្រាប់ប្តីទេ ចេះធ្វើអាវិធីចម្លែកៗឲ្យប្តីចង់លួសព្រលឹង ហីៗៗៗៗអាសូរតែកូនពៅទៅ កូនបងសោះ»៕ ដោយ៖ លឹម ហុង
