ឆ្នាំជូត
រាសីស្រុតចុះ។
ការងារ ៖នៅថ្ងៃនេះបើប្រកបការងារអ្វីលោកអ្នកតោងតែចេះមើលមុខក្រោយពីព្រោះថាផលមិនល្អងាយកើតឡើងជាងសព្វមួយដង។
ជំនួញ ៖ ការទិញចូលលក់ចេញជួបផលលំបាកច្រើន ហើយទាល់តែខិតខំខ្លាំងទើបអាចរប្រាក់ចំណេញគ្រាន់ចិញ្ចឹមឆ្នាំងបាយរស់ស្រួលខ្លួន។ការរស់នៅក្នុងរង្វង់គ្រួសារចូរប្រយ័ត្នកើតមានជម្លោះវិវាទព្រោះតែក្រុមមនុស្សអុជអាលឬចូលមកបង្កហេតុដោយនាំផ្ទុះជម្លោះវិវាទហើយឈានដល់ការប្រកាប់ប្រចាក់គ្នា ។
ស្នេហា ៖ ប្រុសស្រីកើតមានភាពរកាំរកូសនិងចាប់កំហុសគ្នាណាស់ដែរ៕
ឆ្នាំឆ្លូវ
រាសីខ្ពស់ត្រដែត។
ការងារ ៖ នៅថ្ងៃនេះលោកអ្នកធ្វើអ្វីតែងទទួលជោគជ័យនិងបើនិយាយពីធ្វើអ្វីឱ្យមានកំហុសនោះមានតិចតួចមិនច្រើននោះឡើយ។
ជំនួញ ៖ លោកអ្នកគប្បីបង្កើនការទំនាក់ទំនងជាមួយអ្នកដទៃឱ្យបានច្រើនព្រោះអាចទទួលផលប្រយោជន៍មកវិញយ៉ាងច្រើនជាក់ជាពុំខាន។ការធ្វើដំណើរទីជិតឆ្ងាយជួបភាពសុខដុមទាំងពេលទៅនិងត្រឡប់មកវិញ។
ស្នេហា ៖ កំលោះក្រមុំឬពោះម៉ាយមេម៉ាយក្តីត្រូវចេះយកចិត្តទុកដាក់ថែទាំចំណងស្នេហ៍ទើបមិនកើតរឿងបែកបាក់នៅគ្រាខាងមុខ៕
ឆ្នាំខាល
រាសីល្អជាមធ្យម។
ការងារ ៖ នៅថ្ងៃនេះដំណើរជីវិតរបស់លោកអ្នកមានភាពគាប់ប្រសើរ ហើយបើទោះបីធ្វើអ្វីក៏តែងមានការចម្រើនលូតលាស់ទៅមុខសន្សឹមៗជានិច្ច។
ជំនួញ ៖ ទោះជួញទីជិតឆ្ងាយត្រូវរត់ទៅរកអតិថិជនហើយត្រូវស្វះស្វែងបន្តិចទើបរកប្រាក់ចំណូលគ្រាន់ធូរស្រាលជាងមុនហើយត្រូវចងចាំថាបើកាលណាមានអតិថិនជនច្រើនកាលណាកាន់តែល្អកាលនោះ។ការធ្វើដំណើរទីជិតឆ្ងាយបើចង់ប្រកបកិច្ចការអ្វីមួយគប្បីមានការប្រយ័ត្នប្រយែងបន្តិចព្រោះតែងផ្តល់ផលអាក្រក់ច្រើនជាងល្អ។
ស្នេហា ៖ កំលោះក្រមុំឬពោះម៉ាយមេម៉ាយក្តីលោកអ្នកឱ្យប្រយ័ត្នភាពផ្អែមល្ហែមប្រែជាជូរចត់វិញព្រោះតែការប្រចែប្រច័ណ្ឌម្នាក់ៗមានមិនស្ទើរក្នុងខ្លួននោះឡើយ ៕
ឆ្នាំថោះ
រាសីស្រុតចុះ។
ការងារ ៖ នៅថ្ងៃនេះលោកអ្នកធ្វើអ្វីតែងជួបប្រទះនូវភាពតានតឹង ហើយពិសេសងាយកើតរឿងរាវប្រទាំងប្រទើសផងគប្បីមានការប្រយ័ត្នប្រយែង។ចំពោះក្នុងថ្ងៃនេះដែរដោយសារដួងរាសីដាំក្បាលចុះដូចនេះការប្រកបការងារអ្វីត្រូវប្រយ័ត្នប្រយែងបើពុំនោះពិតជាត្រូវរែកពន់ផលលំបាកនៅក្រោយវិញជាក់ជាពុំខាន។
ជំនួញ ៖ ការធ្វើជំនួញទីជិតឆ្ងាយមិនទាន់ភ្លឺថ្លាប៉ុន្មានទេគឺអួអាប់ណាស់ហើយផលចំណូលនោះទៀតសោតក៏ជួបការលំបាកដូចនេះទាល់តែខិតខំខ្លាំងបន្តិចទើបអាចរកប្រាក់ចំណូលគ្រាន់ធូរចិត្តទៅរួច ។
ស្នេហា ៖ កំលោះក្រមុំមានការទៅមុខយឺតតែងាយថយក្រោយដូចនេះចូរប្រយ័ត្នជម្លោះវិវាទឈានដល់ការប្រេះស្រាំរហូតក្លាយជារឿងបែកបាក់៕
ឆ្នាំរោង
រាសីល្អជាមធ្យម។
ការងារ ៖ ថ្ងៃនេះបើប្រកបការងារលោកអ្នកអាចមានក្រុមមនុស្សនិយាយបញ្ឆេះឱ្យក្តៅចិត្តឬទម្លាក់កំហុសអ្វីមួយ ម្ល៉ោះហើយគប្បីមានការប្រយ័ត្នប្រយែងបន្តិចទើបអាចចៀសផុតរឿងរាវអាក្រក់ទាំងពួងទៅរួច។ការរស់នៅមានភាពសុខដុមនិងមានភាពស្រស់ស្រាយប្រពៃណាស់ផង។
ជំនួញ ៖ លោកអ្នកមិនគប្បីមានចិត្តឆាប់ប្រកែប្រកាន់ឬចិត្តច្រណែនឈ្នានីសលោភលន់ច្រើនប្រយ័ត្នឥតការអ្វីសោះយករឿងរាវក្តៅក្រហាយដាក់ខ្លួនមានតែរឿងរាវអាក្រក់កើតឡើង។
ស្នេហា ៖ កំលោះក្រមុំកុំគប្បីជ្រួលជ្រើមតាមមិត្តភក្តិប្រយ័ត្នរែកពន់ទុក្ខសោកមកវិញគ្មាននរណាជួយកើត៕
ឆ្នាំម្សាញ់
រាសីល្អជាមធ្យម។
ការងារ ៖ ក្នុងថ្ងៃនេះដំណើរជីវិតរបស់លោកអ្នកមានកែប្រែប្រួលប្តូរផ្លាស់ច្រើនបន្តិច ដូចនេះទោះធ្វើអ្វីត្រូវស្តាប់គេឯងឬមើលគេឯងទើបបញ្ហាអាក្រក់នឹងត្រូវរត់ចេញហើយផលល្អៗនិងរត់ចូលមកវិញ។ការរស់នៅក្នុងផ្ទះសម្បែងស្ត្រីមេផ្ទះមិនត្រូវមាត់រអ៊ូរទាំច្រើនឡើយព្រោះងាយកើតបញ្ហាចម្រូងចម្រាសជាមួយស្វាមីណាស់ផង។
ជំនួញ ៖ មានការទិញចូលលក់ចេញរស់រវើកគ្រាន់បើហើយផលកម្រៃមានចូលគ្រាន់កក់ក្តៅផ្លូវចិត្ត។
ស្នេហា ៖ កំលោះក្រមុំមានដំណើរថយក្រោយហើយប្រឆាំងគ្នាច្រើនចូរប្រយ័ត្នកើតជម្លោះវិវាទណាមួយនាំត្រូវឈឺផ្សារផ្លូវចិត្ត៕
ឆ្នាំមមី
រាសីស្រុតចុះ។
ការងារ ៖ នៅថ្ងៃនេះលោកអ្នកធ្វើអ្វីគឺងាយទទួលរងការប៉ះទង្គិចនិងកើតបញ្ហាល្អក់កករជាមួយអ្នកដទៃណាស់គប្បីប្រយ័ត្នប្រយែង។ ចំណែកអ្នកប្រកបការងាររាជការឬក្រុមហ៊ុនឯកជនក្តីមានភាពប្រទាំងប្រទើសច្រើនព្រោះក្រុមមនុស្សចាំចាប់កំហុសនិងព្យាបាទយាយីនោះក៏មានច្រើន។
ជំនួញ ៖ ក្នុងពេលនេះមានការប្រែប្រួលប្តូរផ្លាស់ឥតឈប់ឈរហើយថ្ងៃនេះមានការដាំក្បាលចុះខ្លាំង ដូច្នេះហើយត្រូវប្រយ័ត្នប្រយែងពាក្យសម្តីបន្តិចទើបអាចចៀសផុតពីជម្លោះពាក្យសម្តីទាំងពួងទៅរួច។
ការងារ ៖ គូគ្រងប្តីប្រពន្ធឬគូស្នេហ៍កំលោះក្រមុំឬពោះម៉ាយមេម៉ាយក្តីកុំសូវយករឿងចាស់មកនិយាយច្រំដែលច្រើនប្រយ័ត្នកើតជម្លោះវិវាទនៅក្បែរគ្នាមិនកើត ៕
ឆ្នាំមមែ
រាសីស្រុតចុះ។
ការងារ ៖ នៅថ្ងៃនេះលោកអ្នកធ្វើអ្វីមិនត្រូវយករឿងសំខាន់ធ្វើច្រើនពេកឡើយពីព្រោះថាផលប៉ះពាល់នៅពេលក្រោយនោះឃើញថាមានច្រើនចំពោះមុខណាស់។
ជំនួញ ៖ មានការរីកលូតលាស់ទៅមុខគួរសមតែយ៉ាងណាលោកអ្នកគប្បីមានការប្រយ័ត្នប្រយែងចំពោះការឱ្យអតិថិជនជំពាក់ប្រាក់កាសបន្តិចព្រោះងាយត្រូវគេបោកប្រាស់ណាស់ផង។ការធ្វើដំណើរឆ្ងាយជិតជួបនូវបញ្ហាប្រទាំងប្រទើសនិងរឿងរាវច្រើន។
ស្នេហា ៖ កំលោះក្រមុំមានការងាយទាំងផ្អែមល្ហែមនិងជម្លោះវិវាទ៕
ឆ្នាំវក
រាសីល្អជាមធ្យម។
ការងារ ៖នៅពេលនេះមិនមានអ្វីចូលមកក្នុងដំណើរជីវិតរបស់លោកអ្នកនាំជួបការលំបាកក្នុងការឆ្លងកាត់ទេគឺទោះធ្វើអ្វីតែងជឿនលឿនទៅមុខសន្សឹមៗជានិច្ច។ទោះបីយ៉ាងណាសម្រាប់បុរសនៅសប្តាហ៍នេះលោកអ្នកជួបគ្រោះយាយីច្រើនបន្តិចពិសេសនាំឱ្យកើតរឿងរាវតប់ប្រម៉ល់និងបញ្ហាកើតមានចំពោះមុខត្រូវដោះស្រាយនោះក៏មានផងដែរ។
ជំនួញ ៖ អ្នកប្រកបរបររកស៊ីជួញដូរជួបរឿងរកាំចិត្តច្រើនហើយការជួញទីជិតឆ្ងាយចូរប្រយ័ត្នមានជម្លោះវិវាទជាមួយក្រុមមនុស្សនៅក្បែរខ្លួនព្រោះមានភាពផុយស្រួយជម្លោះវិវាទណាស់ដែរ។
ស្នេហា ៖ កំលោះក្រមុំកើតមានការសៅហ្មងច្រើនពីព្រោះម្នាក់ៗប្រកាន់ចិត្តខ្លាំងរៀងៗខ្លួន៕
ឆ្នាំរកា
រាសីខ្ពស់ត្រដែត។
ការងារ ៖ នៅថ្ងៃនេះដួងរាសីរបស់លោកអ្នកឡើងខ្ពស់ដូចនេះផ្តល់ផលល្អសម្រាប់ការសម្រេចចិត្តរឿងប្រាក់កាសនិងរឿងការបណ្តាក់ទុនអ្វីមួយផង។
ជំនួញ ៖ កំពុងមានភាពកាក់កបគួរសមហើយជាឱកាសល្អក្នុងការផ្លាស់ប្តូរមុខរបរឬបើកធ្វើជំនួញតូចធំបំផុត។ការធ្វើដំណើរឆ្ងាយជិតជួបសេចក្តីសុខក្សេមក្សាន្តដូចសព្វមួយដង។
ស្នេហា ៖ កំលោះក្រមុំមានការលូតលាស់ទៅមុខនិងកំពុងផ្អែមល្ហែមប្រពៃ៕
ឆ្នាំច
រាសីស្រុតចុះ។
ការងារ ៖ នៅថ្ងៃនេះបើមានណាត់នរណាម្នាក់លោកអ្នកគប្បីទៅឱ្យបានលឿនទើបប្រសើរពីព្រោះថាផលអាក្រក់កើតមានតិចជាងធម្មតា។
ជំនួញ ៖ ថ្ងៃនេះផ្តល់ផលល្អចំពោះការចរចាការបណ្តាក់ទុនឬការចង់បញ្ចេញប្រាក់កាសក្នុងការធ្វើអ្វីមួយព្រោះមិនត្រឹមសមដូចប្រកបទេតែនៅឆាប់រីកដុះដាលឈានទៅមុខទៀតផង។ការធ្វើដំណើរឆ្ងាយជិតមិនសូវមានសុវត្តិភាពទេគប្បីប្រយ័ត្នប្រយែងបញ្ហាចរាចរបន្តិចទើបប្រសើរ។
ស្នេហា ៖ កំលោះក្រមុំមានការផ្អែមល្ហែមគួរសមនិងពេលនេះកំពុងផ្តល់ផលល្អបំផុតសម្រាប់ការរៀបចំផ្សំផ្គុំគ្រួសារ៕
ឆ្នាំកុរ
រាសីល្អជាមធ្យម។
ការងារ ៖ នៅថ្ងៃនេះឃើញថាដំណើរជីវិតរបស់លោកអ្នករីកលូតលាស់សន្សឹមៗទៅមុខគ្រាន់ជាទីកក់ក្តៅ។ ការរស់នៅលោកអ្នកគប្បីមានការបើកចិត្តឱ្យទូលាយហើយមិនត្រូវយកបញ្ហាអ្នកដទៃទុកខ្លួនច្រើនឡើយនាំតែកើតរឿងសៅហ្មងតែប៉ុណ្ណោះ។
ជំនួញ ៖ ជួបលើផលលំបាកច្រើនព្រោះផលចំណូលរកបានដោយតានតឹងនិងភាគច្រើនលាភហេងធំៗច្រើនបោលហួសជានិច្ច។
ស្នេហា ៖ កំលោះក្រមុំបើមានបញ្ហាអ្វីបើលោកអ្នកមិនចេះដោះស្រាយទេបញ្ហារកាំរកូសពិតជាកើតឡើងពុំខាន៕
