ភ្នំពេញ៖ ពាក់ព័ន្ធនឹងការបង្ក្រាបបទល្មើសព្រៃឈើ ត្រូវបានសម្តេចពិជ័យសេនា ទៀ បាញ់ បានបញ្ជាក់ថា គឺនៅមានមួយចំនួនទៀត ដែលចូលទៅកាប់យ៉ាងស្ងាត់ស្ងៀម ដែលប្រើប្រាស់នូវឧបករណ៍ទំនើប ដែលគេចពីសមត្ថកិច្ច ហើយសម្តេចថ្លែងថា នាយឧត្តមសេនីយ៍ សៅ សុខា ជាអ្នកដឹកនាំបង្ក្រាបបទល្មើសព្រៃឈើ មានការលេចធ្លោខ្លាំងក្លាណាស់ ដែលតាមរយៈបង្ក្រាបធ្វើឱ្យមានការធូរស្បើយ នៅទូទាំងប្រទេស ទាំងការកាប់ព្រៃឈើ មានការដ៏គគ្រឹកគគ្រេងពីមុន ឥឡូវត្រូវបានធូរស្បើយ ប៉ុន្តែក៏នៅមិនទាន់អស់ដែរ។
សម្តេចពិជ័យសេនា ទៀ បាញ់ ឧបនាយករដ្ឋមន្ត្រី រដ្ឋមន្ត្រីក្រសួងការពារជាតិ បានអញ្ជើញជាអធិបតីខួបលើកទី២៧ ថ្ងៃកំណើតកងរាជអាវុធហត្ថ (១៤ កក្កដា ១៩៩៣/ ១៤ កក្កដា ២០២០) នាព្រឹកថ្ងៃទី១៤ ខែកក្កដា ឆ្នាំ២០២០ នៅវិទ្យាស្ថានកងរាជអាវុធហត្ថកំពូល ។
សម្តេចពិជ័យសេនា ទៀ បាញ់ ឧបនាយករដ្ឋមន្ត្រី រដ្ឋមន្ត្រីក្រសួងការពារជាតិ បានផ្តល់បទសម្ភាសន៍ ដល់អ្នកសារព័ត៌មាន អំពីការការពារទប់ស្កាត់បទល្មើសព្រៃឈើនៅកម្ពុជា។ សម្តេចពិជ័យសេនា បានមានប្រសាសន៍ថា ដោយសារមានទំនុកចិត្តពរាជរដ្ឋាភិបាល បានប្រគល់ភារកិច្ចជូនឯកឧត្តម នាយឧត្តមសេនីយ៍ សៅ សុខា អគ្គមេបញ្ជាការរងនៃកងយោធពលខេមរភូមិន្ទ និងជាមេបញ្ជាការកងរាជអាវុធហត្ថ លើផ្ទៃប្រទេស ជាអ្នកដឹកនាំបង្ក្រាបបទល្មើសព្រៃឈើនេះ ដែលសមិទ្ធផលនេះ មានការលេចធ្លោខ្លាំងក្លាណាស់ ដែលតាមរយៈបង្ក្រាបធ្វើឱ្យមានការធូរស្បើយ ទាំងអស់ នៅទូទាំងប្រទេស ទាំងការកាប់ព្រៃឈើ មានការដ៏គគ្រឹកគគ្រេងពីមុន ត្រូវបានធូរស្បើយ ប៉ុន្តែក៏នៅមិនទាន់អស់ដែរ។
បើតាមប្រសាសន៍របស់សម្តេចពិជ័យសេនា ទៀ បាញ់ ៖ គឺនៅមានមួយចំនួនទៀត ដែលចូលទៅកាប់យ៉ាងស្ងាត់ស្ងៀម ដែលប្រើប្រាស់នូវឧបករណ៍ទំនើប មានដូចជា រណារយន្តដែលគេចពីសមត្ថកិច្ចយើង ដែលចេញម្តងបន្តិច ដើម្បីគេចពីកម្លាំងសមត្ថកិច្ចយើង។ ដូច្នេះកម្លាំងយើង ត្រូវតែចែករំលែកតាមឱ្យជាប់មិនត្រូវនៅតែលើផ្លូវនាំចេញ គឺនៅតាមក្បែរព្រៃ ដើម្បីដែលចូលទៅកាប់ត្រូវតែតាមឱ្យជាប់ ក្នុងការបង្ក្រាបមួយការពារធនធានធម្មជាតិ ជាសម្បត្តិដ៏សំខាន់របស់ជាតិ ដ៏មានប្រសិទ្ធភាពកន្លងមក ៕
ដោយ៖កូឡាប
