ភ្នំពេញ៖ សាររៀបរាប់ដ៏កម្សត់បើនៅមើលម៉ែ តើបានអ្នកណារកលុយ របស់នារីម្នាក់ព្រោះខ្លួនតែមួយត្រូវរ៉ាប់រងគ្រួសារ ស្របពេលដែលម្តាយធ្លាក់ខ្លួនឈឺធ្ងន់ ដោយសារកើតជំងឺរើមដំរីរីករាលកាន់តែធ្ងន់នៅត្រង់ពោះ ហាក់អស់សង្ឃឹមនឹងការព្យាបាលជា បានធ្វើឲ្យគ្រប់គ្នានៅលើបណ្តាញសង្គម ក្តុកក្តួលរំជួលចិត្តអាណិតដល់រូបនាងជាខ្លាំង។
នេះបើតាមគណនីហ្វេសប៊ុកឈ្មោះ Ah Ly Single បានសរសេររៀបរាប់ទាំងកម្សត់យ៉ាងដូច្នេះថា៖ “ខ្ញុំអាណិតម៉ែណាស់ តែខ្លួនខ្ញុំតែមួយ តើខ្ញុំគួធ្វើយ៉ាងម៉េច បើខ្ញុំទៅមើលម៉ែ តើនរណាអ្នករកលុយទៅ បានលុយមកពីណា ខ្ញុំជិតឆ្កួតហើយ ហេតុអ្វីជីវិតខ្ញុំជួបតែបញ្ហារហូតអ៊ីចឹង សូមទេវតាជួយថែរក្សាម៉ែខ្ញុំឲ្យគាត់ឆាប់ជាផង” ។
ក្រោយឃើញបែបនេះ ក៏មានបងប្អូនអ្នកប្រើប្រាស់បណ្តាញសង្គមជាច្រើន ដែលពុំដឹងថាត្រូវជួយអ្វីបាន តែបានចូលខំមិនប្រាប់នាងឲ្យធ្វើតាមវិធីផ្សេងៗ ដែលពួកគាត់ធ្លាប់ឆ្លងកាត់ជាមួយនឹងជំងឺរើមនេះ។ ក្នុងនោះអ្នកខ្លះបានប្រាប់ថា «ខ្ញុំក៏ធ្លាប់កើតអារើមនិងដែរតែខ្ញុំឲ្យគេអុជឲ្យជាដូចគេបេះ» , «ខ្ញុំធា្លប់កើតរើមដូចអ៊ុំអ៊ីចឹង បងយកសណ្ដែកខៀវមកព្រួស និងជីយកមកញីឲ្យចេញទឹក ហើយជូតទៅ តែមួយអាទិត្យបាត់ហើយ» ។ អ្នកខ្លះទៀត ប្រាប់ថាឲ្យយកមកពេទ្យកាល់ម៉ែតទៅ ព្រោះមីងរបស់ខ្លួនក៏កើតជំងឺហ្នឹងដែរ តែគ្រូខ្មែរមើលពុំជា កុំបានមកពេទ្យកាល់ម៉ែតទេ កុំអីមិនដឹងយ៉ាងណា។ រីឯអ្នកខ្លះទៀត ក៏បានបង្ហាញថ្នាំពេទ្យព្យាបាលជំងឺរើមនេះផងដែរ៕ ដោយ៖ លឹម ហុង