កង្កែបជាមធ្យលូតលាស់ប្រហែល ៣.៥ ទៅ ៦ អ៊ីង (ពេញវ័យ) ដែលទំហំនេះប៉ុនទៅនឹងពែងតែ១ ។ កង្កែងធំបំផុតនៅអាមេរិកខាងជើង អាចលូតលាស់ប្រវែង ៨ អ៊ីង ឬ លើសនេះ និងទម្ងន់រហូតដល់ ១.៥ ផោនដ៍ ។ ទោះយ៉ាងណា សំរាប់សត្វកង្កែប១ក្បាលនេះវិញ ដែលបុរសនេះចាប់បាន ពិតជាធ្វើឲ្យមនុស្សជាច្រើនស្លុតរន្ធត់ និងគួរឲ្យខ្លាចយ៉ាងខ្លាំង ។
នៅក្នុងរូបភាពទាំងនេះ បុរសម្នាក់ឈ្មោះ Markcuz Rangel ត្រូវបានឃើញលើកបង្ហាញសត្វកង្កែបដ៏ធំ១ក្បាល ដែលគាត់ចាប់បាននៅក្នុងស្រះចិញ្ចឹមមួយ ។ សត្វចម្លែកនេះដែលមានឈ្មោះថា frogzilla មានទម្ងន់ ១៣ ផោន ពោលគឺទំហំដងខ្លួនទាំងមូលរបស់វាប៉ុននឹងកូនក្មេងម្នាក់ ។
ខណៈពេលដែលអ្នកស្រុកជាច្រើន មានការភ័យខ្លាចពី «ការវាយប្រហាររបស់កង្កែបបិសាចនេះ» ដោយប្រការណាមួយនោះ, អ្នកលេងអ៊ីនធើរណេតមួយចំនួន ក៏បានមានការសង្ស័យទៅលើរូបថត ។ មនុស្សមួយចំនួនបានអះអាងថា នេះជា «ផលិតផល» photoshop ខណៈដែលកង្កែបនោះមានទំហំធម្មតា មិនធំគួរឲ្យខ្លាចដូចក្នុងរូបឡើយ ។
ទោះយ៉ាងណា លោក Steve Lightfoot អ្នកឯកទេសនៃនាយកដ្ឋានសត្វព្រៃរដ្ឋតិចសាស បានបញ្ជាក់ថា ពុំមានការរៀបចំកែរូបភាពពីកម្មវិធីពាក់ព័ន្ធទេ ។ តែផ្ទុយទៅវិញ វាជាការបំភាន់ភ្នែក ដែលក្នុងនោះកង្កែបត្រូវបានដាក់កៀកនឹងកាមេរ៉ា ដើម្បីធ្វើឲ្យវាមើលទៅកាន់តែធំ ៕ ចន្ទី
ចុះប្រិយមិត្តវិញយល់ឃើញយ៉ាងណាដែរ?