ឯកអគ្គរដ្ឋទូតរុស្សី ប្រចាំទីក្រុងព្យុងយ៉ាង ឈ្មោះ Alexander Matsegora ពុំដែលបានធ្វើ ការទំនាក់ទំនងជួបមុខគ្នាដោយផ្ទាល់ម្តងណាឡើយជាមួយនឹង មេដឹកនាំកូរ៉េខាងជើង គីម ជុងអ៊ុន ចាប់តាំងពីគាត់បានធ្វើជាអ្នកការទូតនៅក្នុងប្រទេសកូរ៉េខាងជើងអស់រយៈពេល ៥ឆ្នាំមកហើយ។
នៅក្នុងកិច្ចសម្ភាសន៏ជាមួយនឹងភ្នាក់ងារសារព៌តមានរុស្សី Interfax នៅក្នុងទីក្រុងព្យុងយ៉ាង កាលពីថ្ងៃទី ១០កន្លងទៅ លោក Alexander Matsegora បានថ្លែងថា គាត់មិនដែលបានជួបមុខផ្ទាល់សោះជាមួយនឹងលោក គីម ជុងអ៊ុន ចាប់តាំងពីធ្វើជាឯកអគ្គរដ្ឋទូតនៅទីក្រុងព្យុងយ៉ាងកាលពីឆ្នាំ២០១៤មក។
ប៉ុន្តែលោកបញ្ជាក់ថា គាត់បានធ្វើការទាក់ទងជាមួយនឹង គីម ជុងអ៊ុន តាមរយៈការផ្ញើសារជាសម្លេង ឬក៏លិខិត។
លោកបញ្ជាក់ទៀតថា អ្នកដែលជាដៃគូពិភាក្សារបស់លោក គឺលោក Ri Su-yong ជារដ្ឋមន្ត្រីការបរទេស និងអនុប្រធានគណៈកម្មការបជ្ឍិមនៃគណបក្សកម្មករកូរ៉េខាងជើង៕ សុភ័ក្ត្រ
