ឆ្នាំជូត
រាសីស្រុតចុះ។
ការងារ ៖នៅថ្ងៃនេះបើលោកអ្នកសម្រេចចិត្តអ្វីមួយចូរប្រយ័ត្នប្រយែងបន្តិចពីព្រោះថានាំជះផលអាក្រក់នាពេលក្រោយយូរផង។ចូរលោកអ្នកធ្វើបុណ្យដាក់ទានបន្តិចទើបប្រសើរ។
ជំនួញ ៖ មុខជំនួញឆ្ងាយជិតមានការប្រែប្រួលពីល្អមកអាក្រក់ច្រើន ដូច្នេះគួរមានការប្រយ័ត្តប្រយែងឱ្យបានខ្លាំងក្លា។
ស្នេហា ៖ ពិសេសស្ត្រីគឺមានមន្តស្នេហ៍ប្រពៃហើយអាចមានគេចោមរោមស្រឡាញ់ច្រើនប៉ុន្តែយ៉ាងណាប្រយ័ត្នព្រាននារីក៏មានតាមចាំបោកប្រាស់ក៏ច្រើនផង៕
ឆ្នាំឆ្លូវ
រាសីខ្ពស់ត្រដែត។
ការងារ ៖ នៅថ្ងៃនេះលោកអ្នកប្រកបកិច្ចការងារអ្វីតែងសម្រេចជោគជ័យផង។នៅពេលនេះលោកអ្នកតោងតែមានការអត់ធ្មត់ការងារបន្តិចទើបប្រសើរ។
ជំនួញ ៖ មានការទិញចូលលក់ចេញគ្រាន់បើហើយពិសេសបើមានបើករបរថ្មីៗផងផ្តល់ផលល្អគួរសម។
ស្នេហា ៖ ប្រុសស្រីបើចង់ធ្វើការជ្រើសគូស្រករតែងជួបគូព្រេងពិតដូចសេចក្តីប្រាថ្នា៕
ឆ្នាំខាល
រាសីស្រុតចុះ។
ការងារ ៖ នៅថ្ងៃនេះលោកអ្នកងាយកើតនូវបញ្ហាអារម្មណ៍មួម៉ៅក្តៅក្រហាយហេតុនេះរឿងរាវខ្លះល្អសោះអាចប្រែជាអក្រក់វិញផង។ការរស់នៅថ្ងៃនេះដែរជួបបញ្ហាមិនល្អប្រសើរទេដូចនេះបើចង់ធ្វើអ្វីក៏ដោយតោងតែមានការប្រឹងប្រែងទើបផលល្អហុចមកវិញទៅរួច។
ជំនួញ ៖ មានការជួបស្ថានភាពលំបាកក្នុងការរកប្រាក់ចំណូល ឯការចាយវាយទៀតសោតគ្រប់សារពើធ្វើឱ្យមិនសូវសុខស្រួលខ្លួនប៉ុន្មានឡើយ។
ស្នេហា ៖ កំលោះក្រមុំឬពោះម៉ាយមេម៉ាយក្តីមានដំណើរថយក្រោយនិងជម្លោះវិវាទច្រើន៕
ឆ្នាំថោះ
រាសីល្អជាមធ្យម។
ការងារ ៖ នៅថ្ងៃនេះការរស់នៅបើជាស្ត្រីមិនត្រូវឆាប់ជឿសម្តីក្រុមមនុស្សពេកឡើយពីព្រោះងាយជួបគ្រោះចាញ់បោកគេណាស់ដែរ។
ជំនួញ ៖ ជួបផលលំបាកក្នុងការរកផលចំណូលបន្តិចវិញហើយការជួញជិតឆ្ងាយទៀតសោតជួបតែភាពរកាំរកូសលុកលុយច្រើន ។ការរស់នៅមានភាពសុខដុមដូចសព្វមួយដងទេ។
ស្នេហា ៖ កំលោះក្រមុំមានការប្រែប្រួលប្តូរផ្លាស់ព្រោះជួនត្រូវរ៉ូវគ្នាជួនទាស់ទែងគ្នា៕
ឆ្នាំរោង
រាសីស្រុតចុះ។
ការងារ ៖ នៅថ្ងៃនេះអាចមានហេតុការណ៍មិនល្អបន្តិចបន្តួចកើតឡើង ហេតុនេះគប្បីប្រយ័ត្នប្រយែងទើបប្រសើរ។ការប្រកបការងារលោកអ្នកធ្វើអ្វីក៏ងាយជួបបញ្ហាចាញ់ប្រៀបគេនិងមានរឿងរាវយាយីច្រើន។
ជំនួញ ៖ ការទិញចូលលក់ចេញគ្រាន់បើតែយ៉ាងណាលោកអ្នកទាល់តែខិតខំខ្លាំងទើបទទួលជោគជ័យជំនួញធំៗទៅរួច។ការធ្វើដំណើរទីជិតឆ្ងាយជួបសេចក្តីសុខក្សេមក្សាន្តដូចសព្វមួយដង។
ស្នេហា ៖ ប្រុសស្រីបើស្គាល់ចិត្តស្គាល់ថ្លើមគ្នាយូរហើយជាឱកាសល្អក្នុងការចូលនិយាយដល់ចាស់ទុំហើយ៕
ឆ្នាំម្សាញ់
រាសីខ្ពស់ត្រដែត។
ការងារ ៖ នៅថ្ងៃនេះបើមានកិច្ចការងារអ្វីលោកអ្នកអាចសម្រុកពេញទីបានហើយ ពីព្រោះថាផលល្អៗតែងហុចមកវិញគ្រាន់ជាទីពេញចិត្តដែរ។
ជំនួញ ៖ មានការទិញចូលលក់ចេញគ្រាន់រស់រវើកគួរសមហើយផលកម្រៃទៀតសោតគ្រាន់កក់ក្តៅ។ការធ្វើដំណើរឆ្ងាយជិតជួបភាពសុខដុមដូចសព្វមួយដង។
ស្នេហា ៖ ប្រុសស្រីមានភាពផ្អែមល្ហែមនិងស្រស់ស្រាយប្រៀបដូចត្រីក្នុងទឹកនារដូវវស្សា៕
ឆ្នាំមមី
រាសីល្អជាមធ្យម។
ការងារ ៖ នៅថ្ងៃនេះលោកអ្នកចូរប្រយ័ត្នការមានជម្លោះវិវាទសម្តីបន្តិចបន្តួចដោយសារការមិនចុះសម្រុងគ្នាឬការប្រឆាំងគ្នាទាំងនៅផ្ទះសម្បែងឬក្រៅផ្ទះសម្បែងដោយប្រការណាមួយកើតទ្បើង។ ការប្រកបការងារលោកអ្នកទោះធ្វើអ្វីក៏ដោយគឺជារឿយៗពុំសូវដំណើរការបានស្រួលទេព្រោះតែងមានរឿងរ៉ាវមកយាយីអុកទ្បុកជានិច្ច។
ជំនួញ ៖ ជួបផលលំបាកក្នុងការរកប្រាក់ចំណូលណាស់ ហើយការជួញជិតឆ្ងាយទៀតសោតជួបតែភាពរកាំរកូសរកូស និងក្រុមបាបមិត្តតាមឈ្នានីសព្យាបាទយាយី។
ស្នេហា ៖ កំលោះក្រមុំ បើចង់ធ្វើការជ្រើសរើសគូស្រករពុំសូវល្អទេព្រោះច្រើនជួបគូកម្មច្រើនជាងគូព្រេង៕
ឆ្នាំមមែ
រាសីស្រុតចុះ។
ការងារ ៖ នៅពេលនេះសម្រាប់ស្ត្រីបើទោះបីធ្វើអ្វីក៏ដោយចូរប្រយ័ត្នការទទួលរងប៉ះទង្គិចអ្វីមួយពីព្រោះថាងាយទទួលរងផលអាក្រក់ណាស់ផង។
ជំនួញ ៖ ការជួញទីជិតឆ្ងាយក្តីផលកម្រៃមានហូរចូលគ្រាន់បំពេញបំពង់អញ្ចឹងដែរតែយ៉ាងណាលោកអ្នកគួរប្រយ័ត្នប្រយែងការមានជម្លោះវិវាទដោយប្រការណាមួយផង។
ស្នេហា ៖ កំលោះក្រមុំមិនសូវមានការលូតលាស់ទៅមុខទេហើយពិសេសងាយកើតជម្លោះថែមទៀត ៕
ឆ្នាំវក
រាសីល្អជាមធ្យម។
ការងារ ៖ នៅថ្ងៃនេះការប្រកបការងារឃើញថាជឿនលឿនតិចតួចហើយពិសេសងាយកើតនូវបញ្ហាច្រើនផង។
ជំនួញ ៖ ទាំងជួញទីជិតឆ្ងាយការរកផលកម្រៃទោះជួបផលលំបាកម្តេចមា្តក៏មានហូរចូលមួយៗគ្រាន់បំពេញបំពង់អញ្ចឹងដែរ។ការធ្វើដំណើរពេលទៅពុំសូវមានសុវត្តិភាពប៉ុន្មានទេគួរបន្ថែមការប្រុងប្រយ័ត្នបន្តិចទើបប្រសើរ។
ស្នេហា ៖ ប្រុសស្រីកុំធ្វើអ្វីជ្រួលជ្រើមខុសបែបបទព្រោះនោះសុទ្ធសឹងនាំមកនូវសេចក្តីទុក្ខសោកមកវិញទេ៕
ឆ្នាំរកា
រាសីខ្ពស់ត្រដែត។
ការងារ ៖ នៅថ្ងៃនេះការប្រកបការងារអ្វីឃើញថាជឿនលឿនទៅមុខនិងផ្តល់ជាផ្លែផ្កាគ្រាន់ជាទីកពេញចិត្តផង។ការរស់នៅមានភាពសុខដុមនិងក្រុមមនុស្សជួយជ្រោមជ្រែង។
ជំនួញ ៖ បើចង់ផ្លាស់ប្តូរមុខរបរឬចេញធ្វើជំនួញអ្វីមួយក៏តែងហុចផលមកវិញគ្រាន់ជាទីពេញចិត្តដែរ។
ស្នេហា ៖ កំលោះក្រមុំមានការជឿនលឿនទៅមុខនិងមានភាពផ្អែមល្ហែមគួរសម៕
ឆ្នាំច
រាសីខ្ពស់ត្រដែត។
ការងារ ៖ នាពលេនេះលោកអ្នកអាចសម្រុកការងារតូចធំបាន ហើយពីព្រោះថាឆ្លងដល់សប្តាហ៍ក្រោយអាច ជួបស្ថានការណ៍លំបាកៗច្រើនចំពោះមុខ។
ជំនួញ ៖ ការរកស៊ីជួញដូរទីជិតឆ្ងាយមានភាពកាក់កបល្អហើយបើចង់ជួញផ្លូវឆ្ងាយទៀតសោតក៏ផ្តល់ផ្លែផ្កាប្រពៃណាស់ដែរ។ការធ្វើដំណើរឆ្ងាយជិតជួបភាពសុខដុមនិងមានតែក្រុមមនុស្សស្វាគមន៍រាក់ទាក់ជានិច្ច។
ស្នេហា ៖ កំលោះក្រមុំមានភាពផ្អែមល្ហែមនិងបើលោកអ្នកមិនទាន់មានគូគាប់ជាឱកាសល្អក្នុងការស្វែងរកបំផុត៕
ឆ្នាំកុរ
រាសីល្អជាមធ្យម។
ការងារ ៖ ក្នុងថ្ងៃនេះបើទោះបីដួងរាសីរបស់លោកអ្នកមានកម្រិតមធ្យមពិតមែនក្តីតែអាចប្រកបការងារសំខាន់ៗដោយសម្រេចជោគជ័យគួរសម។
ជំនួញ ៖ មានការជឿនលឿនទៅមុខជាសន្សឹមៗឥតថយក្រោយទេតែយ៉ាងណាបើលោកអ្នកចង់រកស៊ីចូលហ៊ុនជាមួយអ្នកដទៃឱ្យប្រយ័ត្នបន្តិចព្រោះងាយខាតបង់និងចាញ់បោកគេណាស់។
ស្នេហា ៖ កំលោះក្រមុំមានការផ្អែមល្ហែមនិងជឿនលឿនទៅមុខប្រពៃ៕
