ព្រះសីហនុ: មានការភ្ញាក់ផ្អើលដែលប្រទះឃើញបុរសម្នាក់ជាជនជាតិអូស្ត្រាលី បានដេកស្លាប់នៅក្នុងបន្ទប់២០២ ផ្ទះសំណាក់យ៊ីហោ Don Bosco ហេតុការណ៍កើតឡើងនៅយប់ នៅថ្ងៃទី១១ ខែតុលា ឆ្នាំ២០១៧ ស្ថិត ភូមិ១ សង្កាត់លេខ២ ក្រុង-ខេត្តព្រះសីហនុ
សមត្ថកិច្ចបានអោយដឹងថា មានករណីជនបរទេស ម្នាក់មានឈ្មោះ MICHAEL CHARLES ភេទ ប្រុស ជនជាតិ អូស្ត្រាលី ថ្ងៃខែឆ្នាំកំណើត 15-11-1988 មុខរបរទេសចរណ៍ កាន់លិខិតឆ្លងដែនលេខ N8266529 មានសុពលភាពដល់ថ្ងៃទី 25-06-2024 ទិដ្ឋាការលេខ TI 13404676 មានសុពលភាពដល់ថ្ងៃទី 29-10-2017 ចូលមកកម្ពុជា តាមច្រកអាកាសយានដ្ឋានអន្តរជាតិ ក្រុងព្រះសីហនុ ។
ឆ្លងតាមការពិនិត្យនិងសន្និដ្ឋានជំហ៊ានដំបូង របស់លោកវេជ្ជៈបណ្ឌិត សែ ជូសិទ្ធិជោត អនុប្រធានមន្ទីរសុខាភិបាលខេត្តព្រះសីហនុ រួមនិងសមត្ថកិច្ចបច្ចេកទេសវិទ្យាសាស្ត្រ បានសន្និដ្ឋានថា ជនរងគ្រោះស្លាប់ដោយសារ គាំងបេះដូង ។
បច្ចុប្បន្ន សាកសព ត្រូវបានដឹក ទៅមន្ទីរបង្អែកចំការចេកខេត្តព្រះសីហនុ ដើម្បីរងចាំឪពុកបង្កើតរបស់ជនរងគ្រោះ មកទទួលយកត្រឡប់ទៅប្រទេសរបស់ខ្លួនវិញ ៕
