ដូចដែលប្រិយមិត្តទាំងអស់គ្នា បានស្គាល់ច្បាស់រួចហើយ លោកឧកញ៉ា ម៉ុង ឫទ្ធី គឺជាប្រធានក្រុមហ៊ុនម៉ុង ឫទ្ធី គ្រុប ដែលផ្តោតសំខាន់លើវិស័យកសិកម្ម កសិឧស្សាហកម្ម សំណង់ និងការចិញ្ចឹមសត្វ ហើយលោកក៏ត្រូវបានប្រជាជនខ្មែរភាគច្រើន ចូលចិត្តហៅថា សេដ្ឋីកសិកម្មទៀតផង។
លើសពីនេះ លោកក៏ត្រូវបានប្រជាជនខ្មែរជាច្រើន គោរពស្រឡាញ់ជាខ្លាំង ព្រោះតែលោកជាបុគ្គលចិត្តធម៌ម្នាក់ ដែលតែងជួយទៅដល់ជនទីទ័លក្រ និងជាពិសេស គឺបានផ្តល់ការងារ ផ្តល់ផ្ទះសម្បែងជូនពលរដ្ឋខ្មែររាប់ម៉ឺននាក់ ធ្វើការនៅក្នុងតំបន់អភិវឌ្ឍន៍នៅខេត្តព្រះសីហនុ។
ក្រឡេកមកមើលពីជីវិតរស់នៅវិញ លោកក៏ត្រូវគេមើលឃើញថា ជាមនុស្សដ៏សាមញ្ញ ដោយមានការប្រាស្រ័យទាក់ទងជាមួយពលរដ្ឋធម្មតា មិនលើកតម្កើងខ្លួននោះទេ ទោះបីលោកធ្វើដំណើរទៅដល់ទីណាក៏ដោយ។
ចំណែកលោកជំទាវ ម៉ែន ស៊ុន ភរិយារបស់លោកឧញ៉ាវិញ ក៏យ៉ាងដូច្នេះដែរ បើទោះមានប្តីជាសេដ្ឋីយ៉ាងណា តែគាត់ពុំនៅដេកស្ងៀមទំនេរដៃនោះឡើយ។ ជាក់ស្តែង បើតាមទំព័រហ្វេសប៊ុក 15Jan Online Shop បានលើកសរសើរគាត់យ៉ាងដូច្នេះថា៖ «អ្នកមីងគាត់ជាប្រពន្ធឧកញ៉ាផងមានមុខជំនួញច្រើន គាត់នៅលក់អនឡាញ លក់ត្រីងៀត ផ្អក ប្រហុក ជ្រក់ គ្រប់មុខ អត់ចេះទំនេរទេ ចុះយើងស្អី បានធ្វើឫកម្លេះ សល់ម៉ាណហើយ គិតសារឡើងវិញកុំមើលងាយគេ លក់អនឡាញ លុយគេចូលរហូតអត់មានពេលដើរស៊ីត្រាវផ្ទះគេទេ»៕ ដោយ៖ លឹម ហុង
