មានរឿងមួយចំនួន ដែលអ្នកជារឿយៗ ឮអំពីជំងឺមហារីកសុដន់ហើយ មិនមែនជាការពិត។
ខាងក្រោមជាឱវាទរបស់អ្នកឯកទេសខាងមហារីក ៖
១.ប្រវត្តិគ្រួសារ
ការយល់ច្រឡំច្រើនបំផុតមួយ គឺថា អ្នកអាចមានជំងឺមហារីកសុដន់ ប្រសិនបើ អ្នកណាម្នាក់ក្នុងគ្រួសាររបស់អ្នកធ្លាប់មានជំងឺនេះ។ យោងតាមលោកស្រី Julie R. Gralow អ្នកឯកទេសជំងឺមហារីកនៅសមាគមន៍ថែទាំជំងឺមហារីកសេអ៊ូលបាននិយាយថា “70% នៃជំងឺមហារីកសុដន់មិនមានមកពីការប្រែប្រួលហ្សែនទេ” ។
ទោះជាយ៉ាងណាក៏ដោយ ប្រសិនបើអ្នកមានប្រវត្តិគ្រួសារកើតជំងឺនេះ គប្បីទៅពិនិត្យមើលពេលវ័យក្មេង រហូត 25 ឆ្នាំឡើង។ “ចំពោះអ្នកផ្សេងទៀតធ្វើការពិនិត្យមើលនៅអាយុ 40 ឆ្នាំនិងពិនិត្យជាប្រចាំរាល់ឆ្នាំ”។
២.ឃើញដុំមហារីក គឺជាជំងឺមហារីក?
យើងអាចពិនិត្យខ្លួនឯងនិងរកឃើញដុំសាច់នៅក្នុងដំណើរការនេះ។ វេជ្ជបណ្ឌិតអូតស្តាប៊ីលលី នៃសមាគមន៍ជំងឺមហារីកអាមេរិកបាននិយាយថា ភាគច្រើននៃស្ត្រីដែលធ្លាប់មានដុំសាច់មិនមានន័យថា ពួកគេមានជំងឺមហារីកនោះទេ។
គាត់បានសង្កត់ធ្ងន់ថា ដុំសាច់ភាគច្រើនមិនធ្ងន់ធ្ងរដូចជាដុំសាច់ “ឫស” ឬដុំសាច់ “ស្លូត” ដែលអាចទាក់ទងនឹងខួបមានរដូវ។
ចូរចងចាំថា ៖ ប្រសិនបើអ្នករកឃើញដុំសាច់កុំភ័យស្លន់ស្លោ។ អ្វីៗអាចនឹងមិនដូចអ្នកគិតទេដូច្នេះត្រូវទៅជួបវេជ្ជបណ្ឌិត ឱ្យបានឆាប់ តាមដែលអាចធ្វើទៅបាន។
៣.មានតែស្ត្រីវ័យចំណាស់ប៉ុណ្ណោះ ដែលមានជំងឺមហារីកសុដន់
យោងតាមវិទ្យាស្ថានជាតិនៃជម្ងឺមហារីកបានឱ្យដឹងថា ពាក់កណ្តាលនៃស្ត្រី ដែលត្រូវបានគេធ្វើរោគវិនិច្ឆ័យឃើញថា មានជំងឺមហារីកសុដន់ មានអាយុច្រើនជាង 65 ឆ្នាំ។ ហើយទោះបីជាចំនួននោះមានចំនួនច្រើនក៏ដោយ ក៏នៅតែមាន 50% ទៀត ដុំសាច់នោះពុំមែនជាមហារីកទេ។
យោងតាមទិន្នន័យពីវិទ្យាស្ថានជាតិជំងឺមហារីកស្ត្រីអាមេរិក គឺតែ 7% ប៉ុណ្ណោះ ដែលមានជំងឺមហារីកសុដន់ អាយុក្រោម 40 ឆ្នាំ។
នោះហើយជាមូលហេតុ ដែលប្រសិនបើអ្នកមានអាយុលើសពី 20 ឆ្នាំ ហើយគប្បីសម្គាល់ការផ្លាស់ប្តូរនៅក្នុងទ្រូងចាំបាច់សូមទៅពិគ្រោះជាមួយគ្រូពេទ្យ។
៤.មានតែស្ត្រីប៉ុណ្ណោះ ដែលមានជំងឺមហារីកសុដន់
ទោះបីជាអត្រា នៃជំងឺនេះចំពោះបុរសមានចំនួនទាបជាង 100 ដងក៏ដោយ ក៏នៅតែមានអ្នកកើតជំងឺនេះដែរ។
ជំងឺមហារីកសុដន់ ចំពោះបុរសជារឿយៗត្រូវបានរកឃើញយឺតពេលគ្រាជំងឺនេះធ្ងន់ធ្ងរ។ នោះហើយជាមូលហេតុ ដែលជម្ងឺនេះត្រូវបានគេជឿថា មានគ្រោះថ្នាក់ជាងសម្រាប់បុរសៗ។
៥.គ្រាន់តែសម្លឹងមើលប្រវត្តិគ្រួសាររបស់ម្ដាយអ្នក
នេះគឺជាការយល់ច្រឡំមួយ ប៉ុន្តែវាមានជាទូទៅ។ ហ្សែនរបស់អ្នកត្រូវបានបំបែករវាងឪពុក-ម្តាយ ដូច្នេះវាជារឿងសំខាន់ក្នុងការមើលប្រវត្តិគ្រួសារ នៅពេលអ្នកវាយតម្លៃពីហានិភ័យរបស់អ្នក។
៦.គ្រាន់តែចាប់អារម្មណ៍ឃើញមានដុំពក
យល់ដឹងទូលំទូលាយមិនគ្រាន់តែដើម្បីរកដុំសាច់នោះទេ។ យកចិត្តទុកដាក់ចំពោះការផ្លាស់ប្តូរពីរូបសណ្ឋានទំហំនៃសុដន់ផងដែរ។
ពិចារណាមើលគួរទៅជួបវេជ្ជបណ្ឌិតរបស់អ្នកនៅពេល ៖ មានអារម្មណ៍ថា ទ្រូងកាន់តែរឹងមាំ, ធ្ងន់។ ការផ្លាស់ប្តូរពណ៌ចុងសុដន់ ការហូរទឹករងៃ …។
៧.ថ្នាំពន្យារកំណើត បង្កើនហានិភ័យ នៃជំងឺមហារីកសុដន់
គំនិតនេះកើតចេញពីការសិក្សាដែលបានធ្វើឡើងក្នុងទសវត្សរ៍ឆ្នាំ 1990 ដែលបង្ហាញថាហានិភ័យនៃជំងឺមហារីកសុដន់ហាក់ដូចជាកើនឡើងចំពោះស្ត្រីដែលលេបថ្នាំពន្យាកំណើត។
ទោះជាយ៉ាងណាក៏ដោយការស្រាវជ្រាវថ្មីៗបានបង្ហាញថាមិនមានហានិភ័យទេហើយគ្មានហេតុផលណាដែលណែនាំឱ្យបញ្ឈប់ការស្រាវជ្រាវនោះទេ៕ អាគ្នេយ៍
