បន្ទាយមានជ័យ ៖ រថយន្តតូចម៉ាកតូយ៉ូតាកាមរី ច្រាសទិសនិងគោយន្តកន្ត្រៃបានបុកគ្នាពេញទំហឹងបណ្តាលឲ្យអ្នកជិះគោយន្តកន្ត្រៃម្នាក់រងរបួសធ្ងន់។
ហេតុការណ៍កើតឡើងនៅវេលាម៉ោង៥ល្ងាច ថ្ងៃទី៣០ខែកមរា ឆ្នាំ២០១៨ នៅលើផ្លូវជាតិលេខ៥៦ ចំណុចភូមិ ថ្មដែកកេះ ស្រុកថ្មពួក ខេត្តបន្ទាយមានជ័យ។
មន្ត្រីមូលដ្ឋានកងរាជអាវុធស្រុកថ្មពួកបានឲ្យដឹងថា ៖ ជនរងគ្រោះមានឈ្មោះរ៉េត សុភឿន ស្រី អាយុ ២៨ឆ្នាំរស់នៅភូមិស៊ីលៀម ឃុំគោកមន ស្រុកបន្ទាយអំពិល ខេត្តឧត្តមានជ័យ ជាអ្នករួមដំណើរលើគោយន្ត។
នៅមុនពេលកើតហេតុនោះមានរថយន្តយន្តម៉ាកកាមរី ពណ៌ស ពាក់ស្លាកលេខ ភ្នំពេញ ២C ២៣៩៧ បើកបរដោយឈ្មោះ ណេង សុខម៉េង ប្រុស អាយុ ៣៤ឆ្នាំ រស់នៅ ភូមិថ្នល់កែង ឃុំអន្លងវែង ស្រុកអន្លង់វែង ខេត្តឧត្តមានជ័យ មកពីជើងមកត្បូង ។
លុះមកដល់កន្លែងកើតហេតុ ក៏ជ្រុលចូលគន្លងផ្លូវខាងឆ្វេង ខណ:ពេលនោះមានគោយន្តកន្ត្រៃ ១គ្រឿងបើកបរដោយឈ្មោះ រ៉េត រត្ន ប្រុស អាយុ ៣១ ឆ្នាំ រស់នៅភូមិស៊ីលៀមឃុំគោកមនស្រុកបន្ទាយអំពិល ខេត្តឧត្តមានជ័យបើកពីត្បូងទៅជើងដែរ ។
រថយន្តកាមរី និងគោយន្តបានបុករបើកជ្រុះខ្ទេចក្បាលគោយន្ត បណ្តាលឲ្យអ្នករួមដំណើរ ឈ្មោះរ៉េត សុភឿនរង របួសធ្ងន់ចំដើមទ្រូងធ្លាក់ពីលើគោយន្ត៕ ដោយ ៖ បន្ទាយ