ភ្នំពេញ៖ ស្រីស្អាតអ្នកលក់ផលិតផលអនឡាញម្នាក់ ដែលមានគណនីហ្វេសប៊ុកឈ្មោះ Saran Narita បានកំពុងបង្កការភ្ញាក់ផ្អើលជាខ្លាំង ព្រោះតែស្រីស្រស់រូបនេះ បានបង្ហោះរូបភាព និងក៏ដូចវីដេអូផ្សព្វផ្សាយលក់ឡេ លក់ម្សៅលាបមុខ ដោយបានបង្ហាញភាពស៊ិចស៊ីរបស់ខ្លួនដ៏ជ្រុលហួសមិនខ្វល់ពីសេចក្តីថ្លៃថ្នូរក្នុងនាមជាស្ត្រីភេទ ដែលមិនខុសអ្វីពី ថៃស្រីនាង ឡើយ។
ទន្ទឹមនេះផងដែរ នៅប៉ុន្មានម៉ោងនេះ ថ្ងៃទី២០ ខែកក្កដា ឆ្នាំ២០២០ តាមរយៈទំព័រហ្វេសប៊ុកលោក ផែង វណ្ណៈ ក៏បានធ្វើការបង្ហោះឲ្យដឹងថា៖ «ឯកឧត្ដមឧត្ដមសេនីយ៍ឯក ស ថេត អគ្គស្នងការរងនគរបាលជាតិ និងជាស្នងការនគរបាលរាជធានីភ្នំពេញបានអោយដឹងនៅមុននេះបន្តិចថា ឯកឧត្ដមឧត្ដមសេនីយ៍ឯក បានកំពុងបញ្ជាអោយការិយាល័យជំនាញនៃស្នងការដ្ឋាននគរបាលរាជធានីភ្នំពេញបេីកការស្រាវជ្រាវដេីម្បីនាំខ្លូនម្ចាស់គណនីហ្វេសប៊ុកឈ្មោះ Saran Narita ដែលបានបង្ហោះរូបវីដេអូ សិចស៊ី ហួសហេតុធ្វើឲ្យប៉ះពាល់ដល់ កិត្តិយស និងសេចក្ដីថ្លៃថ្នូរ របស់ស្ត្រីខ្មែរ ។ ជាពិសេសបំពាននឹងអនុសាសន៍ណែនាំរបស់សម្ដេចតេជោ ហ៊ុន សែន ដែលមិនអនុញ្ញាតឲ្យ អ្នកលក់តាមអនឡាញឡាយលក់ផលិតផលរបស់ខ្លួនបញ្ចេញភាពសិចស៊ីហួសហេតុនោះទេ។ សង្ឃឹមថា ព្រាយហ្វេសប៊ុកទើបនឹងរះនេះនឹងបានចូលមកវាស់កម្ពស់ឆាប់ៗមិនខាន។»
ទោះយ៉ាងណា ស្រីស្រស់រូបនេះ ហាក់មិនខ្លាចញញើតនឹងចំណាត់ការផ្លូវច្បាប់របស់ឯកឧត្តម ឧត្ដមសេនីយ៍ឯកសថេត ឡើយ និងសូម្បីឆ្លើយតប និងចំអកទៅកាន់លោក ផែង វណ្ណៈ ភ្លាមៗនៅមុននេះបន្តិចយ៉ាងឡូយថា៖ «ស្វាគមន៌ ដោយក្តី រីករាយ នៅ បូរីបេង ហួត បឹងស្នោ លោក @ផែង វណ្ណះ 087 400000. ព័ត៌មានបន្ថែម. ឣត់ Sexy ទេ ពូ. ពូ ខុស ហើយ. ពូនិងលួច មើ messenger ខ្ញុំមង បានថា sexy គាត់ច្រលំមាត់»។
ជាមួយគ្នានេះផងដែរ គណនីមួយឈ្មោះ Nich Sv ក៏បានដាក់ឲ្យបែបនេះថា៖ «ខ្ញុំនៅចាំថា កាលពីមុនបងក៏ធ្លាប់បង្ហោះវីដេអូ បង្ហាញក្បាលនីនីរបស់ខ្លួនដែរ តាមពិតគេគួរតែចាត់វិធានការចំពោះបងយូរហើយ។ ខ្ញុំបារម្ភខ្លាចថា បើបងនៅតែមិនកែខ្លួន មិនយល់ពីកំហុសខ្លួន ហើយនៅតែផ្គើននឹងច្បាប់ ទោះបីបងមានក្រយ៉ៅម៉ែឪព្រះយូឡាយ ឬមានប្រជ្រុយស្នេហ៍ដុះពេញជុំជិតកន្លែងសំខាន់ទៀត ក៏បងមិនអាចចៀសផុតពីការទទួលទោសឡើយ ដូចជាករណីអ្នកមីងថៃស្រីនាងជាដើម។ ចុងក្រោយ គឺមានតែត្រូវរើផ្ទះទៅនៅជាមួយស៊ុនអ៊ូខុង នៅឯព្រៃស» ៕ ដោយ៖ លឹម ហុង
