ប្រទេសកូរ៉េខាងជើង នឹងធ្វើការដង្ហែក្បួន ដើម្បីសំញែងមីស៊ីលរយៈចំងាយឆ្ងាយរបស់ខ្លួន នៅថ្ងៃទី ៨ ខែកុម្ភៈខាងមុខ មួយថ្ងៃមុនពេលការប្រកួតកីឡាអូឡាំពិករដូវរងា នឹងចាប់ផ្តើមធ្វើឡើងនៅកូរ៉េខាងត្បូង។ នេះបើតាមការបញ្ជាក់ពីប្រភពការទូតដែលដឹងស៊ីជម្រៅពីគោលបំណងរបស់កូរ៉េខាងជើង។
ប្រភពមួយថ្លែងប្រាប់ CNN ថា ការដាក់តាំងបង្ហាញមីស៊ីល និងរុកកែតរាប់រយដើម អាចជាការប៉ុនប៉ង ដើម្បីកម្លាដល់ប្រជាជនអាមេរិច។
ការហែរក្បូនត្រូវគេរំពឹងថា នឹងមានការដាក់បង្ហាញគ្រាប់មីស៊ីលរយៈចំងាយឆ្ងាយ ប្រភេទ Hwasong-15 ដែលកូរ៉េខាងជើងបានធ្វើការបាញ់សាកល្បងលើកដំបូងកាលពីខែវិច្ឆិកា។
ប្រភពដដែលបញ្ជាក់ទៀតថា កូរ៉េខាងជើងក៏នឹងមិនកាត់បន្ថយការធ្វើតេស្តសាកល្បងមីស៊ីលដែរ ក្នុងពេលអនាគតដ៏ខ្លីខាងមុខ ដើម្បីផ្ញើសារទៅកាន់កងកំលាំងអាមេរិច ដែលបច្ចុប្បន្នកំពុងដាក់ពង្រាយនៅក្នុងតំបន់៕