ថ្មីៗនេះ មានរឿងក្តៅទៀតហើយ ខណៈដែលមានផេកមួយចំនួន ព្រោះតែដើម្បីប្រយោជន៍ខ្លួន បានយករូបតារាសម្តែងកញ្ញា មាន សូនីតា ទៅកាត់តបង្ហោះ ដោយភ្ជាប់ជាមួយ Caption នូវពាក្យដ៏អសុរស និងអាសអាភាសបំផុត ដែលធ្វើឲ្យនាងមិនសប្បាយចិត្ត និងព្រមានចាត់វិធានការទៅលើម្ចាស់ផេកខិលខូចទាំងនោះ ដែលអាចជាមនុស្សតែមួយ ទៅតាមផ្លូវច្បាប់។
កញ្ញា មាន សូនីតា បានចេញវីដេអូនិយាយថា ផេកដែលយករូបនាងទៅកាត់ត ដោយភ្ជាប់ជាមួយន័យដ៏អាសអាភាស បង្ខូចកិត្តិយសរបស់នាង គឺមានច្រើនក្នុងនោះដូចជា AX Official និង Entertainment ជាដើម ។ មាន សូនីតា ក៏បានបញ្ជាក់ថា ផេកទាំងនេះត្រូវបានដឹងច្បាស់ហើយ ជាមនុស្សតែមួយ ដែលធ្វើរឿងទាំងនេះឡើង គឺដើម្បីផលប្រយោជន៍លក់ផេកប៉ុណ្ណោះ។
ទោះយ៉ាងណា កញ្ញា មាន សូនីតា ក៏បានបញ្ជាក់បន្ថែម និងក៏ដូចជាផ្តាំផ្ញើទៅកាន់ម្ចាស់ផេកនេះថា ប្រសិនបើមិនចូលខ្លួនមកដោះស្រាយ ឬចេញវីដេអូសុំទោសរូបនាងជាសាធារណៈនោះទេ នាងនឹងចាត់វិធានការតាមផ្លូវច្បាប់ ដោយមិនអាចអត់ឱនឲ្យបានជាដាច់ខាត បើទោះជាលុបចេញវិញយ៉ាងណាក៏ដោយ ព្រោះវាមិនមែនជារឿងធម្មតា ដែលយករូបនាងមកលេងសើច ក្នុងន័យរកផលប្រយោជន៍របស់ខ្លួន ដោយពុំគិតពីការប៉ះពាល់ដល់កិត្តិយសរបស់គេសោះអ៊ីចឹង៕ ដោយ៖ លឹម ហុង