បុរសជនជាតិឥណ្ឌូណេស៊ីម្នាក់ បានកំពុងធ្វើឲ្យមានការភ្ញាក់ផ្អើលជាខ្លាំង ខណៈគាត់ប្រកាសស្វែងរកអ្នកណាម្នាក់ មកទិញដីរបស់គាត់ ហើយអាចរៀបការជាមួយប្អូនស្រីថ្លៃរបស់គាត់ទៀតផង។ នេះចាត់ទុកជាការរផ្សាយពាណិជ្ជកម្មលក់អចលនទ្រព្យ ដោយភ្ជាប់ជាមួយនឹងកិច្ចព្រមព្រៀងអាពាហ៍ពិពាហ៍ដ៏គួរឲ្យភ្ញាក់ផ្អើលដែលទើបតែឃើញមានមួយនេះគត់ នៅក្នុងប្រទេសឥណ្ឌូណេស៊ី។
នៅក្នុងការផ្សាយពាណិជ្ជកម្ម ដែលត្រូវបានផ្សព្វផ្សាយនៅលើហ្វេសប៊ុក កាលពីថ្ងៃទីអង្គារ ម្ចាស់ដីរូបនេះដែលមានឈ្មោះថា Aris Sofiyanto បានសរសេរដូចតទៅ៖ «សម្រាប់លក់៖ ដីទំហំ ៧២ ម៉ែត្រការ៉េ នៅក្នុងបរិវេណលំនៅដ្ឋាន Griya Taman Bahagia នៅ Gondangmanis, Kudus (Central Java) ។ រួមបញ្ចូលផ្លូវក្រាលកៅស៊ូទទឹង ៥ ម៉ែត្រ ជាផ្លូវចូល។ តម្លៃគឺ ១០០ លាន IDR (៦,៨៣៤ ដុល្លារអាមេរិក)។ សម្គាល់៖ ប្រសិនបើអ្នកទិញជាគូ គឺគាត់អាចរៀបការជាមួយប្អូនថ្លៃស្រីរបស់ខ្ញុំបាន ដែលនាងក៏កំពុងស្វែងរកដៃគូជីវិតផងដែរ»។
Aris ក៏បានភ្ជាប់រូបថតប្អូនស្រីថ្លៃរបស់ខ្លួន ដែលមានឈ្មោះ Dewi Rosalia Indah ផងដែរ ដែលជំរុញឲ្យការបង្ហោះនេះទទួលបានការចាប់អារម្មណ៍កាន់តែខ្លាំង។
និយាយទៅកាន់ប្រព័ន្ធផ្សព្វផ្សាយ Aris បានបញ្ជាក់ថា គាត់បានដាក់ការផ្សាយពាណិជ្ជកម្មគឺមិនមែនយកប្អូនស្រីថ្លៃ Dewi ធ្វើជាឧបករណ៍សម្រាប់ផ្នែកទីផ្សារលក់អចលនទ្រព្យនៅទេ។
លោកក៏បាននិយាយយ៉ាងដូច្នេះថា៖ «ប្រិសនបើអ្នកទិញ គឺជាគូ នោះគាត់អាចរៀបការជាមួយប្អូនស្រីថ្លៃរបស់ខ្ញុំបាន ។ តែសូមបញ្ជាក់ថា ពួកគេគឺត្រូវតែជាគូដ៏ស័ក្តិសម ព្រោះនាងមិនមែនជាប្រាក់រង្វាន់នោះទេ»។ តើមានប្រិយមិត្តណា ចាប់អារម្មណ៍ដែរទេ?៕ ដោយ៖ លឹម ហុង
