ភ្នំពេញ ៖ តារាចម្រៀងលោក ងួន ចាន់ដេវីត (G-Devith) បានសម្រេចចិត្តសាងភ្នួស និងក្លាយជាព្រះសង្ឃ អស់រយៈពេលជាច្រើនថ្ងៃមកហើយ ដោយមូលហេតុ ដើម្បីរំងាប់នូវសេចក្តីស្អប់ និងស្វែងយល់ដឹងពីផ្លូវព្រះធម៌ ហើយលោកក៏ពុំបានបញ្ជាក់ពីការចាកសិក្ខាបទមកវិញនៅពេលណានោះទេ។
ទោះយ៉ាងណា ទន្ទឹមនឹងលោកបានទៅសាងភ្នួស ដើម្បីសាងបុណ្យកុសល និងក៏ដូចជាអហោកម្មចំពោះសេចក្តីឈ្នានិសទាំងឡើយផងដែរនោះ ក៏ស្រាប់តែផ្ទុះការរិះគន់ និងចោទប្រកាន់ថា លោកបានប្រើប្រាស់រថយន្តទំនើប Rolls-Royce ផ្ទុយនឹងច្បាប់ ខណៈគេបានឆ្ងល់ថា ផ្លាកលេខមួយ តែបែរជាបំពាក់លើរថយន្តពីរគ្រឿងផ្សេងគ្នា។
ដើម្បីស្រាយចម្ងល់ខាងលើនេះ និងក៏ដូចសូមឲ្យមនុស្សមួយចំនួន ឈប់យល់ច្រឡំទៀត ដែលរហូតអ្នកខ្លះសូម្បីថាជារថយន្តអត់ពន្ធនោះ ម្ចាស់ការ៉ាស់ Wesalecar ក៏បានចេញមុខបកស្រាយតាមរយៈវីដេអូជាបន្តបន្ទាប់ និងចុងក្រោយនេះ បានបញ្ជាក់ឲ្យដឹងច្បាស់ថា «តាមពិតទៅ រថយន្ត Rolls-Royce ដែលលោក ងួន ចាន់ដេវីត ទិញទៅនេះគឺពណ៌ស ប៉ុន្តែ គាត់បានបិតស្គុតលេងពណ៌ថ្មី ដោយសារហេតុផលបេសកកម្មថត MV ហើយឥឡូវនេះ រថយន្តរបស់គាត់បានបកស្គុតចេញវិញអស់ហើយ»។ ម្ចាស់ការ៉ាស់លក់ឡានរូបនេះ ក៏បានបញ្ជាក់បន្ថែមថា រថយន្តរបស់គាត់គឺទិញមានពន្ធត្រឹមត្រូវ មិនមែនអត់ពន្ធដូចមនុស្សមួយចំនួនតូចចោទប្រកាន់នោះទេ៕ ដោយ៖ លឹម ហុង
ដើម្បីជ្រាបកាន់តែច្បាស់ សូមទស្សនាវីដេអូខាងក្រោម៖