Alexa Jade អាយុ ២៩ ឆ្នាំ ជានជនជាតិហ្វីលីពីន បានកំពុងទទួលបានប្រជាប្រិយភាពយ៉ាងខ្លាំង នៅលើបណ្តាញសង្គម Youtube, Tik Tok និង Instragram សម្រាប់ជំនាញដ៏ប៉ិនប្រសព្វរបស់នាង ក្នុងការកែច្នៃសម្លៀកបំពាក់បែប DIY ដ៏មិនគួរឲ្យជឿ ចេញពីកាបូបប្រណីតៗក្លែងក្លាយ។
នាងក៏ត្រូវបានគេស្គាល់ តាមរយៈឆាណែលយូធូបរបស់នាងដែលមានឈ្មោះថា Nava Rose ផងដែរ ដែលជាឆាណែលស្តីពីវីដេអូប្លែកៗ ដែលធ្វើឲ្យមនុស្សគ្រប់គ្នាចាប់អារម្មណ៍យ៉ាងច្រើន។
នៅក្នុងបទសម្ភាសន៍ជាមួយ Vogue នាង Alexa បានបញ្ចេញឲ្យដឹងថា នាងបានរៀនដេរនៅផ្ទះ តាំងពីនៅវ័យក្មេងមកម្លេះ តាមរយៈការទិញសម្លៀកបំពាក់ដែលមានតម្លៃថោកៗ នៅតាម Walmart ហើយប្រែក្លាយវាទៅជាការរចនាប្លែកៗ។
នាងក៏បានឲ្យដឹងទៀតថា៖ «ខ្ញុំតែងបង្កើតការច្នៃប្រឌិតនេះឡើង ប៉ុន្តែ មិនចាប់ផ្តើមប្រើម៉ាស៊ីនដេរ រហូតនាងរៀនដល់ថ្នាក់មជ្ឈឹម ព្រោះម៉ាស៊ីនដេរធំៗ បានធ្វើឲ្យខ្ញុំខ្លាច» ។
ក្រៅពីការធ្វើវីដេអូសម្លៀកបំពាក់បែប DIY, Alexa ក៏បានបង្កើតមគ្គុទ្ទេសក៍ស្ទាយពេញនិយមផ្សេងៗផងដេរ។
Alexa ក៏បានប្រមូលអ្នកតាមដានជាង ២ លាននាក់ នៅលើ Tik Tok ខណៈនៅលើឆាណែល Youtube របស់នាងវិញ គឺឈានដល់ចំណុចកំពូលទៅហើយ៕ ដោយ៖ លឹមហុង
