ខេត្តស្វាយរៀង ៖ បុរសជាជនសង្ស័យចំនួន៣នាក់ ត្រូវបានកម្លាំងសមត្ថកិច្ចមូលដ្ឋានកងរាជអាវុធហត្ថក្រុងបាវិត ធ្វើការបញ្ជូនខ្លួនទៅសាលាដំបូងខេត្តស្វាយរៀង នៅព្រឹកថ្ងៃទី២៨ ខែកក្កដា ឆ្នាំ២០២០នេះ ពាក់ព័ន្ធទៅនឹងករណីប្រើប្រាស់ និងរក្សាទុកនូវសារធាតុញៀន។
សមត្ថកិច្ចបានឲ្យដឹងថា កាលពីវេលាម៉ោង ១៦និង៣០ នាទីថ្ងៃទី២៥ ខែកក្កដា ឆ្នាំ ២០២០ កម្លាំងមូលដ្ឋានកងរាជអាវុធហត្ថក្រុងបាវិត ដឹកនាំដោយលោកវរសេនីយ៍ទោ ខាំ ណាន មេបញ្ជាការមូលដ្ឋានកងរាជអាវុធហត្ថក្រុងបាវិត នៅចំណុចការដ្ឋានសំណង់រោងចក្រស្ថិតនៅភូមិព្រៃផ្ដៅ សង្កាត់ច្រកម្ទេស ក្រុងបាវិត ខេត្តស្វាយរៀង បានធ្វើការឃាត់ខ្លួនជនសង្ស័យចំនួន ៣ នាក់ៈ ១ ឈ្មោះ ហេង ភន់ ភេទប្រុស អាយុ ៣១ ឆ្នាំ ជនជាតិខ្មែរ មុខរបរជាងផ្សារដែកធ្វើរោងចក្រ ។ ២-ឈ្មោះ ទឹម សុទិត្យ អាយុ ១៧ ឆ្នាំ ជនជាតិខ្មែរ មុខរបរជាងផ្សារដែកធ្វើរោងចក្រ។ ៣-ឈ្មោះ រ៉ុន រិត ភេទប្រុស អាយុ២៧ ឆ្នាំជនជាតិខ្មែរ មុខរបរជាងផ្សារដែកធ្វើរោងចក្រ។ ទីលំនៅបច្ចុប្បន្នជនសង្ស័យទាំង ៣ នាក់ស្នាក់នៅការដ្ឋានសំណង់រោងចក្រ ស្ថិតនៅភូមិព្រៃផ្ដៅ សង្កាត់ច្រកម្ទេស ក្រុងបាវិត ខេត្តស្វាយរៀង ។
ប្រភពដដែលបានបន្តថា: ក្រោយធ្វើការឃាត់ខ្លួនសមត្ថកិច្ចយើងធ្វើការដកហូតវត្ថុតាងសរុបរួមមានៈ ១-ម្សៅក្រាមពណ៌សថ្លាចំនួន ១ កញ្ចប់ មានទម្ងន់ ១,៩៩ ក្រាម(គិតទាងសម្បកវេចខ្ចប់) ២-ទូរស័ព្ទដៃចំនួន៤ គ្រឿង ៣-ដាវសាំម៉ូរៃចំនួ០៥ ដើម
៤-សម្ភារប្រើប្រាស់គ្រឿងញៀនមួយចំនួន។
បច្ចុប្បន្ន ជនសង្ស័យ និងវត្ថុតាង កសាងសំណុំរឿងបញ្ជូនទៅតុលាការ ដើម្បីចាត់ការតាមច្បាប់៕ ដោយ៖ វ៉ៃកូ
