ប៉ៃលិន ៖ នេះជារឿងមួយដែលគួរឲ្យអាណិតខ្លាំងណាស់ខណៈដែលបានដឹងថា លោកពូ និងអ្នកមីងម្នាក់ជាប្តីប្រពន្ធ បានជួបទុក្ខជាន់ទុក្ខ ស៊យត្រូវជ្រុះលុយយកទៅបង់ធនាគារ ពីក្នុងហោប៉ៅអស់យ៉ាងច្រើន នៅម្តុំផ្ទះឯកឧត្តម អ៊ី ឈាន។ លុយរបស់ពួកគាត់ដែលបានជ្រុះបាត់មានទាំងលុយខ្មែរ លុយបាត និងដុល្លារ សរុបជាទឹកប្រាក់ជិត១ពាន់ដុល្លារ ដែលនេះគឺច្រើនខ្លាំងណាស់សម្រាប់គាត់ជាប្រជាកសិករ។
នេះបើយោងតាមគណនីហ្វេសប៊ុកឈ្មោះ Yin Vannareth បានជួយបង្ហោះដល់ពូមីងទាំងពីរ ដោយរៀបរាប់បញ្ជាក់ថា៖ «គាត់បានជ្រុះបាត់លុយមួយចំនួននៅម្តុំផ្ទះ ឯកឧត្តម អ៊ី ឈាន គាន់បម្រុងយកលុយទៅបង់ធនាគារ លុយបាត7000បាត លុយខ្មែរ30សិបម៉ឺន លុយដុល្លារ610$ បើបងប្អូនណារើសបានមេត្តាមានចិត្តធម៌ ឲ្យគាត់វិញផង សូមអរគុណ ។ គាត់ពឹងឲ្យខ្ញុំជួយបង្ហោះ អាណិតណាស់ទឹកភ្នែករលីងរលោង» ។
ប្រសិនជាមានក្តីអាណិតអាសូរដល់ពួកគាត់ទាំងពីរ សូមបងប្អូនណាដែលរើសបាន មេត្តាប្រគល់ជូនពួកគាត់វិញទៅ ដោយទុក្ខជាការធ្វើបុណ្យ ព្រោះគាត់ពុំមានអ្នកមានធូរធារនោះទេ ដូចបានឃើញស្រាប់ហើយ ពួកគាត់ខំប្រឹងរកទម្រាំបានប៉ុណ្ណឹង ដើម្បីសម្រាប់បង់ធនាគារ គឺពិបាកខ្លាំងណាស់៕ ដោយ៖ លឹម ហុង
