បុរសម្នាក់ដែលត្រូវបានដឹងថាជាមន្ត្រីយោធាពាក់សក្តិ៥ បានបង្កឲ្យមានការរិះគន់ និងស្អប់ខ្ពើមជាខ្លាំង ចំពោះទង្វើរបស់គាត់ដែលព្រោះតែអាងអំណាច បានមករករឿងអុកឡុក និងគំរាមបាញ់សម្លាប់សាច់ញាតិគ្រួសារខាងប្រពន្ធខ្លួនទៀតផង។
នៅក្នុងវីដេអូឃ្លីប បុរសរូបនេះ បាននិយាយថា «ត្រឹមជាប្រជាពលរដ្ឋ កុំចង់ខ្លាំង អាញ់មានសក្តិ អញអាងអី? គឺអញអាងមានកាំភ្លើងបាញ់អ្ហែងបែកក្បាល…» និងសូម្បីគំរាមថា «អារ៉ន! មែន អារី នៅការពារអ្ហែងរហូតទេ ប្រយ័ត្នណា៎…»។
ជុំវិញរឿងនេះផងដែរ បើតាមដឹងគឺដើមហេតុដោយសារស្ត្រីជាប្រពន្ធរបស់គាត់ដែលកំពុងតែសរសៃខ្ចី រត់មកជ្រកនៅផ្ទះពូ ព្រោះតែពុំអាចតស៊ូទ្រាំនឹងទង្វើរបស់ប្តីសក្តិ៥រូបនេះ ដែលតែងរករឿង និងជេរប្រមាថលើឪពុកម្តាយរបស់នាង។
យ៉ាងណាមិញ ក្រោយពីបានឃើញនូវឥរិយាបថដ៏ក្អេងក្អាងនេះ មហាជនដែលមានការស្អប់ខ្ពើម ក៏បានដាក់ធ្ងន់ៗឲ្យថា៖ «នេះមិនមែនជាមន្ត្រីបម្រើរាស្ត្រ និងជាមន្ត្រីដ៏គំរូទេ តែនេះជាមន្ត្រីពាលបាតសង្គម»។ រីឯអ្នកខ្លះទៀតខឹងពេក ក៏បានព្រលះបែបនេះថា៖ «មើលចរិកអាឆ្កែមន្ត្រីយោធាម្នាក់នេះ អាងសក្តិ អាងសម្លាប់ អាងបាញ់ អាងចាប់ចង និងយកកូនស្រីគេហើយជេរម៉ែគេទៀត យីសអាថោកទាបនេះ! សង្ឃឹមថា មេរបស់គាត់នឹងបានដឹងរឿងនេះហើយ ហៅទៅប្រដៅដាក់២០ក្តគោទៅ ទើបសមនឹងអំនួត»៕ ដោយ៖ លឹម ហុង
