ភ្នំពេញ៖ នេះជារឿងដ៏គួរឲ្យអស់សំណើចខ្លាំងមែនទែន គ្រាដែលស្ត្រីម្នាក់បានជិះច្រឡំម៉ូតូ Scoopy គេ ហើយជិះចាកចេញទៅផ្ទះប្រុយតែម្តង។ អ្វីដែលនឹកស្មានមិនដល់នោះ គឺត្រង់ថាសោរម៉ូតូ Scoopy របស់គាត់ ក៏ត្រូវគ្នានឹងម៉ូតូ Scoopy ដែលបានជិះច្រឡំនោះ។ ប៉ុន្តែ ករណីដ៏កម្រនេះ ត្រូវបានគេជឿថា មូលហេតុដោយសារមួយក្នុងចំណោមម៉ូតូទាំងពីរ ឈានដល់ដំណាក់កាលប្រអប់សោរលុងខ្លាំង ដែលអាចសោប្រភេទណាក៏អាចចាក់ត្រូវដែរ។
នេះបើយោងតាមគណនីហ្វេសប៊ុកម្ចាស់តូបលក់អីវាន់ចាប់ហួយ គ្រឿងក្រអូប និងភេសជ្ជៈគ្រប់មុខ ឈ្មោះ អ៊ី អ៊ុន បានបង្ហោះឲ្យដឹងថា៖ «យើងខ្ញុំម្ចាស់តូប អ៊ី អ៊ុន លក់គ្រឿងទេស សូមម្ចាស់ម៉ូតូ Scoopy ដែលបានច្រឡំ មានរូបរាងភិនភាគខាងលើ សូមយកម៉ូតូមកប្តូរផង។
លេខទូរស័ព្ទម្ចាស់ម៉ូតូ 092 631 821 សូមជួយចែករំលែក ឲ្យឆាប់បានម្ចាស់ម៉ូតូបានដឹងផង។»
ទោះយ៉ាងណា ក្រោយពីបានដឹងថាខ្លួនច្រឡំ ស្ត្រីនោះក៏បានយកម៉ូតូ Scoopy នោះ មកប្រគល់ជូនម្ចាស់គេវិញរួចហើយផងដែរ។ បើតាមរយៈកាមេរ៉ាសុវត្ថិភាព ហេតុការណ៍ជិះម៉ូតូច្រឡំនេះបានកើតឡើង នៅវេលាម៉ោង ១០ ព្រឹកថ្ងៃទី៣១ ខែកក្កដា ឆ្នាំ២០២០ ហើយបងស្រីនោះក៏បានយកមកប្រគល់ម៉ូតូដែលច្រឡំឲ្យម្ចាស់គេវិញ នៅម៉ោងប្រហែល ១រសៀលថ្ងៃដដែល។ នេះបើតាមម្ចាស់គណនីហ្វេសប៊ុកខាងលើផុសបញ្ជាក់ឲ្យដឹង៕ ដោយ៖ លឹម ហុង