ប្រធានាធិបតីអាមេរិច ដូណាល់ ត្រាំ នៅថ្ងៃសុក្របាននិយាយថា លោកនឹងចុះហត្ថលេខាលើបទបញ្ជានៅថ្ងៃសោរ៍ ដើម្បីធ្វើការហាមប្រាមការប្រើប្រាសកម្មវិធី TikTok នៅអាមេរិច ខណៈដែលអាជ្ញាធរអាមេរិចមានក្តីបារម្ភថា កម្មវិធីនោះអាចជាថកម្មវិធីចារកម្មរបស់ចិន។
ក្នុងរយៈពេលថ្មីៗនេះ មន្ត្រី និងសមាជិកសភាពអាមេរិចបានសម្តែងការព្រួយបារម្ភពីកម្មវិធីដ៏មានប្រជាប្រិយភាព ដែលកំពុងត្រូវបានប្រើប្រាស់ដោយទីក្រុងប៉េកាំងក្នុងគោលបំណងមិនសមហេតុផល ប៉ុន្តែក្រុមហ៊ុនបានធ្វើការបដិសេធថា ខ្លួនជាប់ពាក់ព័ន្ធនឹងរដ្ឋាភិបាលចិន។
លោក ដូណាល់ ត្រាំបានថ្លែងប្រាប់អ្នកសារព័តមានដូច្នេះថា “ដរាបណាកម្មវិធី TikTok ជាក្តីកង្វល់ យើងហាមប្រាមពួកគេនៅអាមេរិច”។
លោកបន្ថែមថា លោកនឹងចាត់វិធានការឲ្យបានលឿន នៅថ្ងៃសោរ៍ ដោយប្រើប្រាស់អំណាចសេដ្ឋកិច្ច ឬក៏បទបញ្ជាប្រតិបត្តិ។
សូមបញ្ជាក់ថា កាលពីពេលថ្មីៗនេះ ឥណ្ឌាក៏បានប្រកាសបិទកម្មវិធីដ៏ល្បីៗជាច្រើន រួមទាំង TikTok របស់ចិនផងដែរ ដោយព្រួយបារម្ភពីបញ្ហាសន្តិសុខជាតិ និងក្រោយពេលមានការប៉ះទង្គិចគ្នានៅតាមបណ្តោយព្រំដែន ដែលបណ្តាលឲ្យទាហានឥណ្ឌាស្លាប់រហូតដល់ ២០នាក់៕
អត្ថបទប្រែសម្រួលដោយ៖ សុភ័ក្រ
ប្រភព៖ Reuters/AFP