បាត់ដំបង៖ ជាក់ស្តែង មនុស្សមួយចំនួន សូម្បីតែយកសំរាមមកផ្លុងចោលនៅមុខរបងវត្តបែបនេះ ដោយពុំយកខួរក្បាលគិតថា វត្តជាកន្លែងសក្ការបូជា ជាកន្លែងបរិសុទ្ធជ្រះថ្លានោះឡើយ។ ដែលទង្វើដ៏អាក្រក់នេះបានកើតឡើងនៅវត្តសង្កែ ក្រុងបាត់ដំបង កាលពីថ្ងៃទី៣ ខែសីហា ឆ្នាំ២០២០។
បញ្ហាសំរាមនៅតាមទីសាធារណៈក្នុងប្រទេសកម្ពុជា មិនមែនជាប្រធានបទថ្មីនោះទេ ព្រោះថា បញ្ហានេះបានកើតមានឡើងដដែលៗជារៀងរាល់ថ្ងៃទៅហើយ ខណៈការអនុវត្តច្បាប់ផាកពិន័យទៅលើអ្នកបោះចោលសំរាមពាសវាលពាសកាល ហាក់ដូចជាគ្មានប្រសិទ្ធភាព។
ជាទូទៅ គេកក់សម្គាល់ឃើញថា ក្រៅពីការបន្យល់ទុកកាកសំណល់សំរាម ពីសំណាក់មនុស្សដែលប្រមូលផ្តុំគ្នានៅកន្លែងសាធារណៈណាមួយ ដូចជាការប្រគំតន្ត្រី កម្មវិធីនានាកម្សាន្តនានា ឬ ពិធីបុណ្យជាតិធំៗ នោះគេក៏ប្រទះឃើញសំរាមត្រូវបានបោះចោលគ្មានសណ្តាប់ធ្នាប់ជារៀងរាល់ថ្ងៃ នៅតាមដងផ្លូវ ប្រឡាយ និងទីធ្លាសាធារណៈ៕ ដោយ៖ លឹម ហុង
