យោងតាមការផ្សាយរបស់កាសែតក្នុងស្រុកថៃមួយ បានឲ្យដឹងថា មនុស្ស៤នាក់ (ក្នុងនោះមានប៉ូលីសម្នាក់) បានស្លាប់ក្នុងថ្លុកឈាម នៅក្នុងរណីបាញ់ប្រហារដ៏សាហាវាមួយ ដែលមិនទាន់ដឹងពីមូលហេតុ នៅទីក្រុងបាងកក កាលពីវេលាម៉ោងជាង ១១ យប់ថ្ងៃទី៣ ខែសីហា ២០២០។
តែបើតាមរយៈគណនីហ្វេសប៊ុកឈ្មោះ Vadthanak Preap បានបង្ហោះប្រាប់ឲ្យដឹងថា ស្ត្រីខ្មែរម្នាក់ឈ្មោះ ម៉ៅ ស្រីពៅ អាយុ ២៩ ឆ្នាំ បំរើការងារជាអ្នកចែកបៀរនៅទីនោះ រស់នៅភូមិក្បាលស្ពាន១សង្កាត់ និងក្រុងប៉ោយប៉ែត ខេត្តបន្ទាយមានជ័យ បានស្លាប់យ៉ាងអាណោចអាធ័ម នៅក្នុងហេតុការណ៍បាញ់ប្រហារដ៏សាហាវមួយ នៅកន្លែងបនល្បែងមួយកន្លែង នៅតុលេងល្បែងជាន់ក្រោមដី (រាមមាទី៣) នៃអគារកម្ពស់៤ជាន់ ស្ថិតតាមបណ្តោយនៅផ្លូវ(ផារ៉ាម៣) ក្នុងប្រទេសថៃ។
គណនីខាងលើក៏បានបញ្ជាក់ថា មុនកើតហេតុ គេបានឃើញបុរសម្នាក់សង្ស័យជាតម្រួត បានមកលេងល្បែងសុីសងនៅទីនោះ បើកតុ VIP ក្រោយមក ស្រាប់តែពួកគេផ្ទុះជម្លោះជាមួយប្រុសដែលអង្គុយលេងនៅតុក្រោយស្រីពៅចែកបៀរ គេសង្ស័យថាជាមន្ត្រីយោធា (ទាហាន)ហើយក៏បាញ់លើបុរសនោះ បណ្តាលឲ្យស្លាប់៣នាក់ ប្រុស២នាក់ និង ស្រីម្នាក់ ។
ប្រភពព័ត៌មានពីនារីខ្មែរម្នាក់ដែលក៏ធ្វើការនៅទីនោះ សុំមិនបញ្ចេញឈ្មោះ បានប្រាប់ឲ្យដឹងថា ក្រោយកើតរឿង នាងបានទៅដល់ គឺឃើញស្ត្រីខ្មែររងគ្រោះស្លាប់អង្គុយនៅលើតុល្បែងពោរពេញដោយឈាមដាប ហើយនៅពីក្រោយសពនាង មានសាកសពបុរសម្នាក់ និងនៅក្បែរខាងនាង មានសពបុរសម្នាក់ទៀតបានស្លាប់ដែរ។
ចំណែកកាសែតបាងកកប៉ុស្តិ៍វិញ បានផ្សាយថា មូលហេតុនៃការបាញ់ប្រហារមនុស្សនៅកន្លែងបនល្បែងនេះ គឺបុរសជនជាតិចិនខឹងគេបោកលុយ ហើយក៏បាញ់សម្លាប់ប៉ូលិសម្នាក់ និង ស្ត្រី២នាក់ ។
យ៉ាងណាមិញ ដើម្បីកុំឲ្យមានការយល់ច្រឡំសព គណនីហ្វេសប៊ុកឈ្មោះ សិលា សូ បានបញ្ជាក់ឲ្យដឹងផងដែរថា៖ «សូមបញ្ជាក់ថា ស្ត្រីដែលស្លាប់នៅនឹងតុចែកបៀរពាក់អាវពណ៏លឿងនោះ ទើបជាស្ត្រីជនជាតិខ្មែរដែលមានឈ្មោះថា ម៉ៅស្រីពៅ។ មិនមែនស្រីដែលដេកស្លាប់ផ្កាប់មុខពាក់អាវសនោះទេ។» ៕ ដោយ៖ លឹម ហុង