បើអ្នកមិនចង់ធាត់ សូមអ្នកអានអត្ថបទនេះដើម្បីស្វែងយល់ពីអាហារដែលមានផ្ទុកកាឡូរីខ្ពស់ ព្រោះអាហារដែលមានកាឡូរីគឺធ្វើឱ្យអ្នកងាយធាត់ណាស់។ ដូចនេះក្រោយពេលដែលអ្នកដឹង អ្នកមិនត្រូវបរិភោគវាច្រើននោះទេ។ តើមានអាហារអ្វីខ្លះ?
— នៅក្នុងខួររបស់សត្វនីមួយៗមានកាឡូរីខ្ពស់ណាស់រហូតទៅដល់៣១០០មិល្លីក្រាម ជាពិសេសគឺខួរជ្រូក។ ដូចនេះអ្នកមិនត្រូវបរិភោគច្រើនទេ បើអ្នកចង់ស្គម។
— នៅក្នុងពងមាន់ ឬពងទា ផ្នែកក្រហមវាមានកាឡូរីខ្ពស់ណាស់ ជាពិសេសនៅក្នុងពងទាប្រៃ វាមានផ្ទុកកាឡូរីចំនួន២១១០មិល្លីក្រាម ឯពងមាន់វិញមានរហូតដល់១៧០៥មិល្លីក្រាម។ ដូចនេះអ្នកគួរតែបរិភោគតិចតួចទៅបានហើយ ដើម្បីរាងដ៏ស្រស់ស្អាតរបស់អ្នក។
— នៅក្នុងគ្រឿងក្នុងរបស់សត្វដូចជា ៖ ក្រលៀនជ្រូក ថ្លើមជ្រូក ថ្លើមមាន់ ថ្លើមទា ក៏មានកាឡូរីខ្ពស់ដែរ មានចំនួន៣០០មិល្លីក្រាម។ ដូចនេះចំពោះសុភាពនារីដែលចូលចិត្តបរិភោគគ្រឿងក្នុងគួរតែឈប់បរិភោគដើម្បីរូបរាងកាយរបស់អ្នក។
— នៅក្នុងសម្បកបង្គារ សាច់ពពែ ឆ្អឹងជំនីរជ្រូក សាច់មាន់ សាច់ទាសុទ្ធតែមានកាឡូរីខ្ពស់ ដូចនេះអ្នកគួរតែកុំឧស្សាហ៍ពិសាឱ្យសោះ។ ដូចនេះបើអ្នកចង់មានសុខភាពល្អ និងចង់ថែរក្សារូបរាងដ៏ស្អាតរបស់អ្នក ចូលអ្នកកុំបរិភោគអាហារខាងលើច្រើនឱ្យសោះ ព្រោះវាសុទ្ធតែជាអាហារដែលបំផ្លាញទាំងរូបរាង និងសុខភាពអ្នកយ៉ាងងាយ៕
ប្រភព៖ health.com.kh
