គ្រុបហ្វេសប៊ុកមួយឈ្មោះថា Thailand Fishing បានចែករំលែកការបង្ហោះមួយ ដោយនិយាយថា ត្រីមានផ្ទៃពោះ Arapaima ដែលស្ថិតនៅក្នុងការមើលថែរបស់ពួកគេ បានងាប់កាលពីថ្ងៃទី២៥ ខែកក្កដា ដោយសារតែមនុស្សមិនចេះខ្វល់ខ្វាយ បានបោះសំរាមប្លាស្ទិកជាបន្តបន្ទាប់ ចូលទៅក្នុងជម្រករបស់វា។
គ្រុបខាងលើក៏បានបញ្ជាក់ថា ជីវិតសត្វសមុទ្រមានដូចជា ត្រី, ត្រីផ្សោត អណ្តើក បានងាប់ជារៀងរាល់ថ្ងៃ នៅមុខផ្ទះរបស់ពួកគេ។
ត្រីប្រភេទនេះត្រូវបានចិញ្ចឹមដោយផ្ទាល់ដៃ ជារៀងរាល់ថ្ងៃ។ វាមានអាយុ ៧ ឆ្នាំ និងមានប្រវែង ១៨៨ សង់ទីម៉ែត្រ និងទម្ងន់ ៧០ គីឡូក្រាម។ ត្រីនេះត្រូវបានកប់យ៉ាងត្រឹមត្រូវដោយម្ចាស់របស់វា ដែលបានយកចេញបាវ ថង់ប្លាស្ទិក ដែលបណ្តាលឲ្យវាងាប់៕ ដោយ៖ លឹម ហុង
