ស្វាយរៀង៖ លោកសៅ សុវណ្ណី ប្រធានក្រុមការងារចុះជួយឃុំថ្នាធ្នង់ ស្រុករំដួលតំណាងដ៏ខ្ពង់ខ្ពស់លោកជំទាវឧបនាយករដ្ឋមន្ត្រី ម៉ែន សំអន សមាជិកាគណៈអចិន្ត្រៃយ៍គណៈកម្មាធិការកណ្តាល ប្រធានក្រុមការងារថ្នាក់កណ្តាលចុះជួយខេត្តស្វាយរៀងកាលពីពេលថ្មីៗកន្លងទៅនេះបានចុះពិនិត្យអាគារសិក្សាសាលាអនុវិទ្យាល័យថ្នាធ្នង់មាន១ខ្នងមាន៥បន្ទប់ ស្ថិតនៅឃុំថ្នាធ្នង់ ស្រុករំដួល ដែលកំពុងកសាងបានប្រមាណ៥០ភាគរយ ដែលជាអំណោយដ៏ថ្លៃថ្លារបស់សម្តេចអគ្គមហាសេនាបតីតេជោ ហ៊ុន សែន និងសម្តេចកិត្តិព្រឹទ្ធបណ្ឌិតប៊ុនរ៉ានីហ៊ុនសែន ហើយក្នុងនោះក៏មានការចូលរួមពីលោកគ្រូអ្នកគ្រូសិស្សានុសិស្សប្រមាណជិត៣០០នាក់។
ថ្លែងនៅក្នុងពិធីនោះលោក សៅសុវណ្ណីបានពាំនាំមកនូវការផ្តាំផ្ញើរការសាកសួរសុខទុក្ខ និងក្តីនឹករលឹកពីសំណាក់ សម្តេចអគ្គមហាសេនាបតីតេជោ ហ៊ុន សែន ប្រធានគណបក្សប្រជាជនកម្ពុជានិងសម្តេចគតិព្រឹទ្ធបណ្ឌិតប៊ុនរ៉ានីហ៊ុនសែនផ្ញើរ ជូនលោកគ្រូអ្នកគ្រូ សិស្សានុសិស្ស នៃអង្គពិធីទាំងមូលផងដែរ។ លោកសៅសុវណ្ណីបានបន្តទៀតថាៈ រយៈពេល៣៩ឆ្នាំនេះប្រទេសកម្ពុជាយើងទទួលបានសមទ្ធិផល ធំៗជាច្រើនក្រោមការដឹកនាំដ៏ត្រឹមត្រូវរបស់ប្រមុខរាជរដ្ឋាភិបាលកម្ពុជាដែលមានសម្តេចអគ្គមហាសេនាបតីតេជោ ហ៊ុន សែន ដែលបានផ្តោតសំខាន់ទៅលើវិស័យ៤ជាអាទិភាពរួមមាន ទឹក ភ្លើង ផ្លូវ និងធនធានមនុស្ស។
លោក សៅសុវណ្ណី បានបញ្ជាក់ថាៈ សម័យតេជោសាលារៀនមិនថាជនបទរឺទីក្រុងនោះទេគឺសាលារៀនតែងតែនៅជិតលំនៅដ្ឋានរបស់សិស្សានុសិស្សដូចជាឃុំថ្នាធ្នង់នេះថ្វីត្បិតនៅដាច់ស្រយ៉ាលពីទីរួមខេត្តក៏ពិតមែនតែសាលារៀនមិននៅឆ្ងាយពីប្អូនៗសិស្សនុសិស្សនោះទេ។ឯកឧត្តមសៅសុវណ្ណីបានធ្វើការថ្លែងអំណរគុណចំពោះសម្តេចតេជោហ៊ុនសែននិងសម្តេចគតិព្រឹទ្ធបណ្ឌិតប៊ុនរ៉ានីហ៊ុនសែនដែលបានជួយកសាងសាលារៀនមួយខ្នងនេះ ពិតជាមាន សារៈសំខាន់ណាស់ ដែលជាទីកន្លែងផ្តល់នូវចំណេះដឹង ដល់កូនចៅអ្នករស់នៅតំបន់ព្រំដែន ដាច់ស្រយាល ដើម្បីក្រេបយកចំណេះវិជ្ជា ជាទំពាំងស្នងឫស្សីនៃប្រទេសជាតិ។
លោក សៅ សុវណ្ណី ក៏បានជំរុញឲ្យសិស្សានុសិស្សទាំងអស់ ត្រូវខិតខំរៀនសូត្រ ហើយកុំតូចចិត្តថា យើងរស់នៅតំបន់ដាច់ ស្រយាលឆ្ងាយពីទីក្រុង ព្រោះថ្នាក់ដឹកនាំប្រទេសជាតិ យើងក៏កើតចេញ ពីកូនកសិករជនបទដែរ ដូច្នេះត្រូវគិតថា ខំរៀនដើម្បី អនាគតភ្លឺស្វាង។នៅក្នុងពិធីនោះឯកឧត្តមសៅសុវណ្ណីបានឧបត្ថមថវិការដល់លោកគ្រូអ្នកគ្រូ សិស្សានុសិស្សនិងក្រុមប្រឹក្សាឃុំ ក្រុមជាងសំណង់មួយចំនួនផងដែរសរុបថវិការអស់ប្រមាណជាង៥លានរៀល៕វ៉ៃកូ
