តាមការសង្កេត នៅលើបណ្តាញសង្គមហ្វេសប៊ុក (Social Media) និងក៏ដូចជាបានជួបដោយផ្ទាល់ ឃើញថា គ្រោះថ្នាក់ចរាចរណ៍នៅក្នុងប្រទេសកម្ពុជា បាននិងកំពុងកើតឡើងឥតឈប់ឈរពីមួយថ្ងៃទៅ មួយថ្ងៃ។ កត្តាដែលនាំឲ្យមានមនុស្សស្លាប់ និងរបួស ដោយសារគ្រោះថ្នាក់ចរាចរណ៍នេះ គឺបណ្តាលមកពីមិនគោរពច្បាប់ចរាចរណ៍ឲ្យបានខ្ជាប់ខ្ជួនដូចជា៖ មិនពាក់មួកសុវតិ្ថភាព មិនគោរពស្លាកសញ្ញាចរាចរណ៍ ឬ ក៏ភ្លើងសញ្ញាចរាចរណ៍ បើកបរហួសល្បឿនកំណត់ បើកបរដែលមិនចេះ អធ្យាស្រ័យឲ្យគ្នា ទៅ វិញទៅមក បើកបរក្នុងស្ថានភាពស្រវឹង និងគ្មានការទទួលខុសត្រូវ នៅពេលបើកបរជាដើម។
ជាក់ស្តែង វីដេអូថ្មីមួយ ដែលកំពុងត្រូវបានគេចែករំលែកនៅលើបណ្តាញសង្គម បានបង្ហាញឲ្យឃើញបុរសម្នាក់ ជាពិសេសស្ត្រីម្នាក់ ពិតជាព្រហើនមែន ព្រោះតែមិនអាចស៊ូទ្រាំរង់ចាំការស្ទះចរាចរណ៍ និងក៏មិនដឹងថាប្រញាប់មានការអ្វីសំខាន់នោះទេ បានជិះម៉ូតូបញ្ច្រាសទ្រូងផ្លូវយ៉ាងព្រហើន ដោយមិនខ្លាចមានគ្រោះថ្នាក់កើតឡើងនោះទេ។
ដើម្បីការពារអាយុជីវិតរបស់អ្នក និងក៏ដូចជីវិតអ្នកដទៃ សូមបងប្អូនទាំងអស់គ្នាបើកបរដោយប្រុងប្រយ័ត្ន កុំតែដោយសារតែចង់ចំណេញពេលវេលា ត្រូវហ៊ានប្រថុយនឹងគ្រោះថ្នាក់ដូចករណីខាងលើនេះ៕ ដោយ៖ លឹម ហុង