ភ្នំពេញ ៖ អគ្គិភ័យ បានកើតឡើង កាលពីវេលាម៉ោង ២:៥០នាទីព្រឹក ថ្ងៃទី០៨ ខែសីហា ឆ្នាំ២០២០ សង្កាត់ចោមចៅ១ ខ័ណ្ឌពោធិ៍សែនជ័យ អគ្គិភ័យបានឆាបឆេះរាលយ៉ាងសន្ធោរសន្ធៅ ក្នុងសិប្បកម្មផលិត និងវេចខ្ចប់ផលិតផលសម្ភារសំណង់ GCS ។ កម្លាំងអន្តរាគមន៍ពន្លត់អគ្គិភ័យនេះ មានការចូលរួមសហការបាញ់ទឹកពន្លត់ភ្លើងពីអង្គភាព៧១១ របស់កងពលតូចលេខ៧០ ស្នងការដ្ឋានរាជធានីភ្នំពេញ គណៈកម្មាធិការជាតិគ្រប់គ្រងគ្រោះមហន្តរាយ និងអង្គភាពផ្សេងៗទៀត បានរលត់១០០%។ យ៉ាងហោចណាស់ មានមន្ត្រីនគរបាល ចំនួន ០១នាក់ បានរងរបួសដៃស្រាល ក្នុងហេតុការណ៍គ្រោះអគ្គិភ័យនេះ។
មានអគ្គីភ័យមួយកន្លែងកើតឡើងនៅស្ថិតនៅក្នុងសិប្បកម្មផលិត និងវេចខ្ចប់ផលិតផលសម្ភារសំណង់ GCS ផ្លូវបេងតុងទួលពង្រ ក្រុមទី៣ ភូមិទួលពង្រ សង្កាត់ចោមចៅទី១ ខណ្ឌពោធិ៍សែនជ័យ រាជធានីភ្នំពេញ។
តាមរបាយការណ៍បានឲ្យដឹងថា មា្ចស់ទីតាំងឈ្មោះ យឹម រ៉ាដា ជនជាតិខែ្មរ ភេទប្រុស អាយុ៤៩ឆ្នាំ ជានាយក ក្រុមហ៊ុន , មានសំណង់ ថ្មប្រក់សង្ក័សី បានបណ្តាលឲ្យខូច ខាតសម្ភារ ៖ ឆេះឃ្លាំងសាងសង់ពីបេតុងប្រក់ស័ង្កសី ទំហំ ៣២ម៉ែត្រគុណនឹង៧០ម៉ែត្រ អស់ចំនួន ១ឃ្លាំង ឆេះរថយន្តដឹកទំនិញចំណុះ ៣,៥តោន ចំនួន១គ្រឿង , រថយន្តដឹកទំនិញចំណុះ ១,៥តោន ចំនួន ១គ្រឿង, ឆេះម៉ូតូកង់បីដឹកទំនិញ ចំនួន ២គ្រឿង, ឆេះម៉ូតូចំនួន ៤គ្រឿង, ឆេះគ្រឿងបរិក្ខារអគ្គិសនី -ម្នាងសិលា-ដែកគ្រោងជញ្ជាំង ពិតានសរុបជាទឹកប្រាក់អស់ប្រហែល ចំនួន ១,២ លាន ដុល្លារអាមេរិក តែមិនបណ្តាលឲ្យមានមនុស្សរងរបួស ឬស្លាប់ទេ ។ ចំពោះមូលហេតុ គឺបណ្តាលមកពីឆ្លងចរន្ត អគ្គិសនី ។
តាមរបាយការណ៍បានឲ្យដឹងទៀតថា ក្នុងការឆាបឆេះនេះ មានរថយន្តការិយាល័យអគ្គិភ័យ ចំនួន ២០គ្រឿង ប្រើប្រាស់ទឹកអស់ចំនួន ១៤០ឡាន ស្មើនឹង ៥៦០ម៉ែត្រគូប ។ ក្នុងនោះ រថយន្តក្រសួងមហាផៃ្ទ ចំនួន ៣គ្រឿង ប្រើប្រាស់ទឹកអស់ចំនួន៩ឡាន សើ្មនឹង ៣៦ម៉ែត្រគូប, រថយន្តង៧០ ចំនួន ៥គ្រឿង ប្រើប្រាស់ទឹកអស់ចំនួន១០ឡាន សើ្មនឹង ៤០ម៉ែត្រគូប រថយន្តអាវុធហត្ថចំនួន៣គ្រឿង ប្រើប្រាស់ទឹកអស់ចំនួន២១ឡាន សើ្មនឹង ៨៤ម៉ែត្រគូប រថយន្តទីក្រុងកោះពេជ្រ ចំនួន២គ្រឿង ប្រើប្រាស់ទឹកអស់ចំនួន៦ឡាន សើ្មនឹង ២៤ម៉ែត្រគូប, រថយន្តស្រាបៀរកម្ពុជាចំនួន ១គ្រឿង ប្រើប្រាសើទឹកអស់ចំនួន៥ឡាន សើ្មនឹង ២០ម៉ែត្រគូប។
ករណីខាងលើនេះ សមត្ថកិច្ចបានពន្លត់ចប់នៅ វេលា ម៉ោង ១០និង០០ នាទី ព្រឹក ៕ដោយ៖កូឡាប
