ទឹកចិត្តដ៏ធំធេងរបស់លោកពូជាឪពុកម្នាក់ បានកំពុងឆក់យកបេះដូងបងប្អូនមហាជន ស្ទើរតែទប់ទឹកភ្នែកពុំបានគ្រប់ៗគ្នា នៅពេលដែលបានឃើញទិដ្ឋភាពការបង្ហាញក្តីបារម្ភ និងក្តីស្រឡាញ់របស់គាត់ ឲ្យកូនស្រីដែលកំពុងសម្រាកព្យាបាលជំងឺដ៏ធ្ងន់ធ្ងរ បែកលំពែង កាត់ពោះវៀន និងវះកាត់ដុំគីស តស៊ូកុំចុះចាញ់នឹងព្រហ្មលិខិត បើទោះជាឪពុកពុំមានជីវភាពធូរធារត្រឹមតែជាអ្នករត់ម៉ូតូឌុបប៉ុណ្ណោះក្តី។
នេះបើយោងតាមគណនីហ្វេសប៊ុកឈ្មោះ ZN SkinCare បានបង្ហោះពីរូបភាពក៏កម្សត់សែនក្តុកក្តួល និងអំពាវនាវដល់សប្បុរសជនមេត្តាជួយឧបត្ថម្ភដល់ពួកគាត់យ៉ាងដូច្នេះថា៖ «សូមពុកម៉ែបងប្អូនមេត្តាជួយគាត់ផង ឥឡូវគាត់កំពុងសម្រាកព្យាបាល គាត់មាជំងឺបែកលំពែង កាត់ពោះវៀន នឹងវះដុំគីស ហើយពុកគាត់ជាអ្នករត់ម៉ូតូឌុប 081606868 ABA SREN VUTHA 001107217» ។
ក្រោយពីបានឃើញបែបនេះ មានបងប្អូនអ្នកប្រើប្រាស់បណ្តាញសង្គមជាច្រើន បានសម្តែងនូវក្តីអាណិតអាសូរ និងស្រក់ទឹកភ្នែកសឹងគ្រប់ៗគ្នា ។ ក្នុងនោះ បងប្អូនមួយចំនួន ក៏បានឧបត្ថម្ភនូវថវិកាផ្ទាល់ខ្លួនតិចក្តី ច្រើនក្តី ទៅតាមសទ្ធាជ្រះថ្លា ដែលពួកគាត់អាចចែករំលែកបាន៕ ដោយ៖ លឹម ហុង
