Friday, March 29, 2024

ទំនាក់ទំនង : 0716140005

Address : #16 (Borey New World) St. 6A sk . Phnom Penh Thmey kh. Sen Sok ct., Phnom Penh 120913 Office: +85523232725 Tel: 017 93 61 91

ភាព​ចន្លោះប្រហោង​របស់​កម្មវិធី​ទ្វី​ត​ធ័​រ សម្រាប់ Android អាចធ្វើឱ្យ​បែកធ្លាយ​សារ​ផ្ញើ​ផ្ទាល់ (Direct Messages)

spot_img

​ភ្នំពេញ​៖ កាលពី​ម្សិលមិញ​នេះ​ក្រុមហ៊ុន​ទ្វី​ត​ធ័​រ បាន​ទទួលស្គាល់ថា ភាព​ចន្លោះប្រហោង​របស់​កម្មវិធី ពួកគេ​សម្រាប់​ប្រព័ន្ធ​ប្រតិបត្តិការ Android អាចឱ្យ​ជនអនាមិក​បញ្ចូល​កម្ម​វិធី​មេរោគ​ដើម្បី​ធ្វើការ​វាយប្រហារ និង​លួច​យក​ទិន្នន័យ​ដូចជា​សារ​ផ្ញើ​ផ្ទាល់ (Direct Messages) ជាដើម​។​នេះ បើតាម​នាយកដ្ឋាន​ប្រឆាំង​បទល្មើស​បច្ចេកវិទ្យា Anti Cyber Crime Department បានចេញ​ផ្សាយ​ព័ត៌មាន​នៅ​ថ្ងៃទី​៦ ខែសីហា ឆ្នាំ​២០២០​នេះ​។​

​បច្ចុប្បន្ន​បញ្ហា​នេះ​ត្រូវបាន​កែសម្រួល​ដោយ​ក្រុមហ៊ុន​រួចហើយ និង​វា​មានការ​ប៉ះពាល់​ដល់​ប្រព័ន្ធ​ប្រតិបត្តិការ Android ៨ និង​៩ តែប៉ុណ្ណោះ​។ ប៉ុន្តែ​អ្វីដែល​ល្អ​នោះ គឺ​ក្រុមហ៊ុន​បាន​បញ្ជាក់ថា មានតែ​អ្នកប្រើប្រាស់​មួយចំនួន​តូច​ប៉ុណ្ណោះ ដែល​កំពុង​ប្រើប្រាស់​កម្មវិធី​ជំនាន់​ចាស់ ដែល​អាច​រង​ការប៉ះពាល់​នេះ​។​

​ដើម្បី​ការពារ​ទិន្នន័យ​របស់លោក​អ្នក នាយកដ្ឋាន​ប្រឆាំង​បទល្មើស​បច្ចេកវិទ្យា សូមឱ្យ​អ្នកប្រើប្រាស់​ធ្វើ​បច្ចុប្បន្នភាព​កម្មវិធី​ទ្វី​ត​ធ័​រ ឱ្យបាន​ឆាប់រហ័ស ម្យ៉ាងវិញទៀត លោកអ្នក​គួរតែ​បន្ត​ការធ្វើ​បច្ចុប្បន្នភាព​លើ​គ្រប់​កម្មវិធី​ទាំងអស់​មិនថាតែ​កម្មវិធី​ទ្វី​ត​ធ័​រ​នោះទេ ហើយ​សូម​បន្ត​តាមដាន​ផេ​ក​របស់​នាយកដ្ឋាន ដើម្បី​ទទួលបាន​ព័ត៌មាន​ថ្មីៗ​ទាក់ទង​ទៅនឹង បទល្មើស​បច្ចេកវិទ្យា ការ​ឆបោក​តាម​ប្រព័ន្ធ​អន​ឡាញ ក៏​ដូច​សុវត្ថិភាព​ក្នុងការ​ប្រើប្រាស់​ឧបករណ៍​បច្ចេកវិទ្យា រួមទាំង​កម្មវិធី​ផ្សេងៗ​ដទៃទៀត​៕​ដោយ​៖​បញ្ញា​ស័ក្តិ​

spot_img
×